Zenezi 12:5 - ꞌRe Ihâimana Uꞌâsi Mono Zadawa Wasuꞌu

⁵ Tawamhã timro te siré saprõ, Sara'i hã. Tizamarĩ'wai 'ra, ti'ra wapté te duré siré saprõ, Lo hã. Duré uburé Harã ãma isimarĩ tãma 're ihâimana mono norĩ hã, te siré tidu. Duré uburé pawa'âbâ ãna tãma iromhuri'wa norĩ zama hã te duré siré te te simro. Tawamhã oto Cana'ã u sihutu wamhã,

Zenezi 12:5 ပူးပေါင်းရင်းမြစ်များ

Zenezi 10:19

Tawamhã cananeu norĩ nhipti'a zada'ré Sidõ na 'ri nho'õmo nhisi hawi, Gera na 'ri nho'õmo nhisi u hã ma tô 're hâimana, Gaza na 'ri nho'õmo nhisi 'rata 're ihâimana mono u. Sodoma na 'ri nho'õmo nhisi u, Gomora na 'ri nho'õmo nhisi u, Adma na 'ri nho'õmo nhisi u, duré Zebo'ĩ na 'ri nho'õmo nhisi u, ma tô 're hâimana, Lasa na 'ri nho'õmo nhisi 'rata 're ihâimana mono tẽme.

Zenezi 11:27

à hã Teraha 'ra norĩ wasu'u, isihudu norĩ wasu'u me. Tera hã, Abrãhã mama, Naoho mama, duré Harãhã mama. Tawamhã duré Harã hã, Loho mama.

Zenezi 11:31

Tawamhã Tera, 'ri nho'u Ur na isisi hawi watobro wamhã, Cana'ã na romnhisi u morĩ da, ma tô ti'ra Abrãhã siré, tinhihudu Lo hã siré saprõ, Harãhã 'ra hã. Duré tisani'wa Sara'i, ti'ra mro hã ma tô duré siré saprõ. Tawamhã Harã na 'ri nho'õmo nhisi u oto sihutu wamhã, ma tô duré oto tamemhã 're hâimana za'ra.

Zenezi 13:5

Tahawa Lo, Abrãhã siré imorĩ ma tô tite pone'ẽrebâ zéré mapure norĩ hã, pone'ẽrebâ zéré uzé norĩ hã, pozé wasété norĩ hã, duré tite romhuri'wa norĩ hã, timro, ti'ra norĩ siré hã te te simro.

Zenezi 13:6

Tane nherẽ, siré 're ihâimana zahuré mono da hã waihu'u õ di, isimizama zahuré sazéb da du ihâimana hã, sadai õ wa. E marĩ wa. Simizama ahâ uptabi zahuré wa.

Zenezi 14:14

Tawamhã Abrã, i'ra wapté da te dasiwi âri wa, da te dasiwi isaprõnizé te te waihu'u wamhã, ma tô tite aibâ norĩ dasi'wapé na ãma 're isisanho za'ra mono hã sima 'rã'õtõ, uburé isõrõwa mono bâ 're ipoto za'ra mono norĩ hã. Uburé ta norĩ hâiba za'ra hã 318 na. Tawamhã Abrã, maparane si'uiwa na apito norĩ zarina ma tô isiré za'ra mo, 'rinho'u Dã na isisi u hã.

Zenezi 14:21

Tawamhã taha pari Sodoma ãma apito, te Abrãhã ma hã tãma tinha ãne: — Marĩ hã aima hâimana za'ra. A'uwẽ norĩ si te za apâ ĩma isõmri za'ra.

Zenezi 28:10

Tawamhã Zaco, Beseba hawimhã ma tô watobro, morĩ da oto, Harã u.

Zenezi 36:6

Tawamhã Ezau, timro norĩ ré, ti'ra si'aibâ norĩ ré, ti'ra sipi'õ norĩ ré, duré uburé isõrõwa 're isiré 're idahâimana za'ra mono norĩ ré, ma tô rob amoi u hã mo, tino Zacoho nhiti romhâ na 're hâimana mono da. Tahawa, ma tô uburé pone'ẽrebâire norĩ hã, pone'ẽrebâ zéré uzé norĩ, duré uburé powawẽ norĩ hã siré te te simro. Duré ti'ai wa'õtõ nho'u Cana'ã ãma uburé marĩ te te sima 're i'azani mono zama ma tô siré tidu.

Zezusihi zadawa wasuꞌuꞌwa norĩ nhimiromhuri na robꞌuiꞌéré 7:4

Tahawa, tisiré Cadeza norĩ nhipti'ai hawi ma tô watobro. Ãhã wa, Harã ãma te oto 're sãmra, Abra'ã hã. Tame, imama hã ma tô tiwi dârâ. Tiwi dâ'â parip si, ma tô 'Re ihâimana u'âsi mono hã saprõ, iroptéb u, Abra'ã hã. Tahawa, te oto a norĩ wa'wa hã iwa 're aihâimana za'ra wa'aba mo, isipti'ai ãma.