Zenezi 12:15 - ꞌRe Ihâimana Uꞌâsi Mono Zadawa Wasuꞌu

¹⁵ Tawamhã duré ni'wam norĩ, Ezitu ãma apito ma, da'madâ'â'wa norĩ ipire, pi'õ iwẽ uptabi na te te siwi 'madâ'â za'ra wa, ma tô duré tãma wasu'u za'ra. Tahawa, apito nhimiromhurizé 'ri u hã, ma tô tãma siwi saprõ.

Zenezi 12:15 ပူးပေါင်းရင်းမြစ်များ

Zenezi 12:14

Tawamhã Abrã, Ezitu u oto wisi wamhã, ma tô ezipsiu norĩ, Sara'i sena pi'õ iwẽ uptabi na hã siwi 'madâ.

Zenezi 20:2

Abra'ã, te Sara tihidiba na dama wasu'u. Tahawa Abimelequi, Gera ãma apito hã ma tô Sara dama ti'ru, isimiromhurizéb u 'ri 'rãihâ u da te itẽme tãma saprõni da.

Zenezi 26:7

Tawamhã aibâ norĩ tô õhõ 're, 're irob za'ra mono, imro na te te sadanharĩ za'ra wamhã, ma tô tihidiba na tãma wasu'u za'ra. Rebeca hã pi'õ iwẽ uptabi. Tahawa Izaqui timro na te te iwasu'u da hã pahi di, õhõ 're, aibâ norĩ 're irob za'ra mono hã te te siwi wĩrĩ õ'umnhasite, imro zô.

Zenezi 40:2

Tahawa sada siti'ru zahuré wa,

Zenezi 41:1

Tawamhã ma tô oto maparane tiwahu. Nimahã bâtâ na Ezitu te, apito hã ma tô rosawẽ, Nilu na panho'õmo nhisi zaihâ na isam na.

Ezodu 2:15

Tawamhã apito Fara'o, Mozési te te ida'maiwĩrĩzé hã ma tô waihu'u. Tahawa ma tô ãma sima rosa'rata, te te wĩrĩ da. Tane nherẽ, tahawa Mozési ma tô aimani. Simani wamhã, ma tô mo, Midiã ãma 're hâimana mono da. Tawamhã Zetru sasedoti, te Midiã na romnhisi ãma 're sãmra, 7 na i'ra sipi'õ hã. Tawamhã nimahã bâtâ na Mozési â zô ab're 'rata sãmra ré, ma tô i'ra norĩ â te te amrami za'ra da hã ai'aba'ré, pone'ẽrebâ te te 're i'âhuri mono zéb 're te te â hã tãma aza'wari za'ra da, timama nhimizama ma.

Ezodu 2:5

Tawamhã Apito Fara'oho 'ra sipi'õ te âi ba mo, si'upte da. Taha ré, tãma romhuri'wa norĩ sipi'õ te âibabamhã 're nomro. Tawamhã si'õno 'rõ'rõ wazari 're iwara hã ma tô tisã, Apito Fara'oho 'ra hã. Te te sãmri wi, ma tô tãma iromhuri'wa norĩ ma 'ru za'ra, sô 'maimorĩ da.

Provébiu 29:12

Dama i'rãnho'u dazadawa nhipese na romreme te te 're wapari za'ra mono wamhã, te za uburé ipa'upari'wa norĩ hã tiwasété za'ra.

Provébiu 6:29

Tane ni'wa hã, pi'õ mro ré nherẽ, iré 're sõtõ mono wamhã, tãma simimnhasi uptabi di. Ãne ni'wa te te 're 'manharĩ mono wamhã, te za sa'ẽtẽ na te te 're robzépata.

Hebreu 13:4

Imro ré norĩ hâimanazé hã te za 're iwazé pese za'ra wa'aba mo, 'Re ihâimana u'âsi mono ma, ta hã pire uptabi wa. Aimro si te za asima 're i'madâ'â u'âsi za'ra wa'aba mo. E marĩ wa. Ni'wam norĩ hã tihâiba na tiwasédé te te 're 'manharĩ za'ra mono wamhã, 'Re ihâimana u'âsi mono hã te za ta norĩ te te 're hâ za'ra. Duré ni'wam norĩ hã mro ré nherẽ, imro'õ hâiba na 're sipsaihuri za'ra mono wamhã, te za ta norĩ hã duré te te 're ahâ za'ra, 'Re ihâimana u'âsi mono hã.