Zenezi 12:11 - ꞌRe Ihâimana Uꞌâsi Mono Zadawa Wasuꞌu

¹¹ Tawamhã Ezitu u oto simasisi wana ré, ma tô Abrã hã, timro Sara'ihi ma tinha ãne: — Te za ĩwapa! Tô sena a hã pi'õ i'aiwẽ uptabi.

Zenezi 12:11 ပူးပေါင်းရင်းမြစ်များ

Zenezi 12:14

Tawamhã Abrã, Ezitu u oto wisi wamhã, ma tô ezipsiu norĩ, Sara'i sena pi'õ iwẽ uptabi na hã siwi 'madâ.

Zenezi 20:13

'Re ihâimana u'âsi mono, ĩmama nhorõwa hawi wasiré a'uwẽ'õ norĩ nhipti'ai mono bâ 're ĩmorĩ da, we te te ĩwazere wamhã, wa tô Saraha ma, wa hã tãma tinha ãne: “Uburé daza'rui mono bâ 're wane mono sidâpâsi ĩzawi na hã dama 're asiwasu'u mono za, wa hã tô aihitébré na hã.”

Zenezi 20:2

Abra'ã, te Sara tihidiba na dama wasu'u. Tahawa Abimelequi, Gera ãma apito hã ma tô Sara dama ti'ru, isimiromhurizéb u 'ri 'rãihâ u da te itẽme tãma saprõni da.

Zenezi 24:16

Rebeca azarudu hã iwẽ uptabi, ihâiba ubuni. Zahadu aibâ te te isa'rese'õ. Ta hã â zô ab're u ma tô si'ra. Tawamhã â te te a'âri parimhã, ma tô apâ iré sai'u.

Zenezi 26:7

Tawamhã aibâ norĩ tô õhõ 're, 're irob za'ra mono, imro na te te sadanharĩ za'ra wamhã, ma tô tihidiba na tãma wasu'u za'ra. Rebeca hã pi'õ iwẽ uptabi. Tahawa Izaqui timro na te te iwasu'u da hã pahi di, õhõ 're, aibâ norĩ 're irob za'ra mono hã te te siwi wĩrĩ õ'umnhasite, imro zô.

Zenezi 29:17

Léia hã simirob'madâ'â warõire di. Raqueu si i'ubu wẽ, duré ihâiba wẽ.

Zenezi 6:2

ma tô 'Re ihâimana u'âsi mono 'ra norĩ, pi'õ wẽ uptabi na 're ihâimana za'ra mono na te te sima 're 'madâ'â ze za'ra. Tahawa ma tô duré te te sima 're iwẽ za'ra mono zéb zarina te te sima 're pisutu za'ra, ãma 're mro za'ra mono da.

Provébiu 21:30

Ti'ai ãma rowaihu hã duré da'rã nhimiza're hã, Uburé Danhib'apito da hã siptete waihu'u õ di.

Provébiu 29:25

Simimnhasi uptabi di, 'râwi dasima 're idapahi za'ra mono zé hã. Tane nherẽ, ni'wa 'Re ihâimana u'âsi mono si te te sina 're umnhasi mono wamhã, te za sima iwẽ na 're hâimana, tãma romnhimimnhasi ãna.