Zenezi 12:10 - ꞌRe Ihâimana Uꞌâsi Mono Zadawa Wasuꞌu

¹⁰ Tawamhã Cana'ã ãma mra hã te oto da te 're sépata za'ẽtẽ za'ra. Tahawa Abrã hã ma tô Ezitu u hã mo, a'â tame hâimana hutu da, mrab 'rata.

Zenezi 12:10 ပူးပေါင်းရင်းမြစ်များ

Zenezi 41:56

Tawamhã ti'ai wa'õtõ nho'u Ezitu 're uburé daza'rui mono bâ mra da te oto 're sépata za'ra mono wamhã, ma tô Zuzé, uburé amnho ubumrozé 'ri hã dama 'ridawa za'ra, amnho wede na ezipsiu norĩ ma, te te ãma sãna'rata da hã.

Zenezi 41:57

Tawamhã uburé ti'ai wa'õtõ nho'u ihâiba amo norĩ ãma 're idahâimana za'ra mono, ma tô Ezitu u hã 're danomro, Zuzéhé wi amnho, da te 're uipra za'ra mono da, dasa zô hã ropâ dawi sô 're robaba za'ra mono wa.

Zenezi 42:5

Tawamhã Zacoho 'ra norĩ ma tô ni'wam norĩ aimawi siré amnho te te 'mai'uipra za'ra da hã ai'aba'ré, tô uburé ti'ai wa'õtõ nho'u Cana'ã na romnhisi ãma mra da te sépata za'ra wa, idasi'aba'ré norĩ siré.

Zenezi 43:1

Tawamhã Cana'ã ãma, te mra hã zahadu da te 're sépata za'ẽtẽ za'ra.

Zenezi 47:13

Mrab zô hã uburé daza'rui mono bâ tiwi sô irobaba na hã tiwi 'maiba'a õ di. Tahawa ma tô mrab zépada hã te te dawi sina hâimo u'âsi. Mra, da te 're isépata za'ra mono zarina, ma tô Ezitu ãma duré Cana'ã ãma 're danhib'uwa za'ra.

Salmu 34:19

Wẽ na 're inomro mono norĩ hã, te tô ropire na te te 're robzépata za'ra. Tane nherẽ, Uburé Danhib'apito, te uburé ropire mono hawimhã te te 're anho'reptu.

Zuwã 16:33

Ãne na wa tô aima rowasu'u za'ra wa'wa, ĩ'ãma 're aihâimana za'ra wa'aba mono wa, rowẽ na 're aihâimana za'ra wa'aba mono da. Tane nherẽ, ĩzazei'õ'wa norĩ hã te za tô te te 're ai'ruiwapari u'âsi za'ra wa'wa. Tahawa, te za 're irobzépata za'ra wa'aba mo. Tane nherẽ, te za asiptete sina ĩ'ãma 're anomro aba mo. Wa hã ĩzazei'õ'wa norĩ ma, ĩnhiptete uptabi wa, wa tô ãma ai'uté za'ra.

Zezusihi zadawa wasuꞌuꞌwa norĩ nhimiromhuri na robꞌuiꞌéré 14:22

'Ri nho'õmo wa'wai baba neb zahuré wamhã, ma tô isazei'wa norĩ hã pawaptob za'ra, hâimana nhiptete na 're nomro mono da, 'Re ihâimana u'âsi mono ãma te te 're sasõmri u'âsi za'ra mono da. Ãne te duré tãma nharĩ za'ra: — A norĩ wa'wa hã Zezusihi zazei'wai wa, marĩ iwasédé hã da te aima 're 'manharĩ za'ra wa'aba mono wamhã, tãma 're aipahi za'ra wa'aba mono õ di za. Ãne na hã te za tô 're irobzépata za'ra wa'aba mo. Tane nherẽ, 'Re ihâimana u'âsi mono nhib'a'uwẽ oto 're anomro aba mono wa, te za niwapsi hâiwa ãma i'rata 're aihâimana u'âsi za'ra wa'aba mo, rowẽ na. — Ãne te tãma nharĩ za'ra.

Zezusihi zadawa wasuꞌuꞌwa norĩ nhimiromhuri na robꞌuiꞌéré 7:11

Tawamhã nimahã wahum na hã dasa hã poto õ di, Ezitu ãma hã duré wahi'rada 're ihâimana za'ra mono zéb ãma hã, Cana'ã na romnhisi ãma hã. Taha zarina, ma tô oto mra hã da te 're sépata za'ra. Marĩ õ di, te te 're ihuri mono da hã, wahi'rata norĩ hã.

Ruti 1:1

Izaraéu na ti'ai wa'õtõ nho'õmo nhisi ãma, Mozésihi nhimiroti zarina, da'ãma rowairébé'wa norĩ te te 're da'madâ'â za'ra mono ré, ma tô mra hã da te 're sépata za'ẽtẽ za'ra. Tahawa, Belẽ hawimhã aibâ hã, Zuda na danhipti'a nho'õmo hawimhã, ma tô timro me tineb zahuré. Duré i'ra norĩ te isiré hã tineb zahuré, Moabi na ti'ai wa'õtõ nho'õmo nhisi ãma a'â 're hâimana zahuré mono da.