Zenezi 11:7 - ꞌRe Ihâimana Uꞌâsi Mono Zadawa Wasuꞌu

⁷ Tahawa, oto wa te si'ra za'ra na, 're imreme zusi mono zé hã wa te tiwi 'wa'rutu za'ra da, marĩ na te te sima 're nharĩ za'ra mono wa, oto 're sisadaihu'u za'ra mono tõ da.

Zenezi 11:7 ပူးပေါင်းရင်းမြစ်များ

Zenezi 1:26

Tawamhã te duré tinha ãne: — Ãhã na, wasine 're ihâimana za'ra mono da hã a'uwẽ wa te oto poto za'ra na. Tawamhã ta norĩ hã te za â 'rowi tebe 're inomro mono norĩ ma, siptete na hã 're hâimana za'ra, duré si norĩ ma hã, duré abaze da te 're itébré za'ra mono norĩ ma hã, duré rom na 're ihâimana za'ra mono norĩ ma hã, duré di'i na 're inomro mono norĩ ma hã.

Zenezi 10:20

Ãne Cãhã nhihudu norĩ hã. Misi si, te a'uwẽ na tiwamri ré si duré tisihâiba ré si, duré timreme na 're imreme zusi mono ré si, siré hã 're hâimana za'ra, upsãtã pese na.

Zenezi 10:32

à hã Nowéhé hawimhã te a'uwẽ mono bâ 're dahâimana za'ra, isihudu na we 're idahâimana za'ra mono sidâpâsi. Tawamhã ta hã â pusi mono parimhã, Nowéhé nhihudu dawamri mono bâ 're idahâimana za'ra mono norĩ, ma tô ti'ai mono bâ da te ropé.

Zenezi 10:5

Ãne Zaféhé nhihudu norĩ hã. Ta norĩ hã te â poré zada'ré ãma duré rob'ré za'iti mono wa, 're si'ubumro. Misi si, te a'uwẽ na tiwamri ré si tisihâiba ré si, duré timreme na 're imreme zusi mono ré si, siré si 're hâimana za'ra, upsãtã pese na.

Zenezi 11:5

Tawamhã Uburé Danhib'apito, 'ri 'rãihâ a'uwẽ te te siwi i'ri, te te 'madâ'â da hã ma tô si'ra.

Zenezi 3:22

Tawamhã Uburé Danhib'apito 'Re ihâimana u'âsi mono te ãne sima tinha: — Aibâ hã te oto wasine 're hâimana. E marĩ wa. Iwẽ hã duré iwasédé hã te te 're waihu'u mono wa oto. Tahawa, rowede 're idahâimana u'âsi za'ra mono nhomri'wai 'rã hã te te 're i'mairẽne mono da hã mare di, õne u'â dâ'â ãna ãma 're hâimana mono tõ da.

Zenezi 42:23

Tawamhã Zuzé te te sina isadaihu'u za'ra zém na, õ norĩ hã te te siwi waihu'u õ di, õ norĩ mreme hã nasi da te ãma tãma saprĩ wa, te te sadaihu'u za'ra õ newa.

Salmu 2:4

Tawamhã Uburé Danhib'apito, hâiwa ãma 're isãmra mono hã te tisimasisizé ipire hawi we ta norĩ ãma hã 're sihâ u'âsi. Te duré ãma 're wa'ẽi u'âsi za'ra.

Ezodu 4:11

Tawamhã Uburé Danhib'apito, te ãne tãma tinha: — E 'wa hã ma tô dazadawa ãma 're idamreme zusi mono zéb da hã te te dama 're ab'manharĩ. E 'wa hã dapo'reptõ 'manharĩ'wa, dapo're 're pu'u ãna iré 're idahâimana za'ra mono da hã. E 'wa hã duré damreme'õ 'manhari'wa, damreme õ na 're danomro mono da hã. E 'wa hã datõmo 'manharĩ'wa, da te ãma 're irob'madâ'â za'ra mono zéb da hã. Duré e 'wa hã datõmo wamnarĩ'wa, datob'a na 're danomro mono da hã iré. Wa hã, Uburé Danhib'apito.

1 Corĩtu 14:23

Ãté asiré isazei'wa norĩ me, te za asiré asi'rã'õtõ 'wa, uburé. Tawamhã ãté te za damreme aima iwaihu'u aba õ na, ai'ahâ wa'aba na asima irowasu'u za'ra wa'wa. Tawamhã ãté tane ré, te za isazei'õ'wa norĩ hã, atẽme za'ra wa'aba asisi, isazei'wai hâimanazé, te te waihu'u za'ra õ nherẽ, te te aiwapari za'ra wa'aba da. Ãne wamhã, e niha te za õ norĩ hã ai'ãma rosa'rata za'ra wa'wa. Ãté te za ai'ãma rosa'rata wasété za'ra wa'wa, ai'rã siwamnarĩ za'ra wa'aba newa.