Zenezi 11:6 - ꞌRe Ihâimana Uꞌâsi Mono Zadawa Wasuꞌu

⁶ Tahawa, te ãne 'râwi sima tinha: — Ã hã a'uwẽ norĩ, te misi haré iwamri na hã 're hâimana za'ra. Duré misi timreme na te uburé 're mreme zusi, misi haré. Ãne te te siwi i'manharĩ na'rata zarina te za oto niha hã uburé marĩ sima iwẽ na te te 're 'manharĩ za'ra.

Zenezi 11:6 ပူးပေါင်းရင်းမြစ်များ

Zenezi 11:1

Tawamhã tô tame we 're romhâimana mono ré, ma tô misi damreme na si dasima 're damreme zusi. Tô õhõ na si te uburé dasima da te 're robzanhamri za'ra.

Zenezi 3:22

Tawamhã Uburé Danhib'apito 'Re ihâimana u'âsi mono te ãne sima tinha: — Aibâ hã te oto wasine 're hâimana. E marĩ wa. Iwẽ hã duré iwasédé hã te te 're waihu'u mono wa oto. Tahawa, rowede 're idahâimana u'âsi za'ra mono nhomri'wai 'rã hã te te 're i'mairẽne mono da hã mare di, õne u'â dâ'â ãna ãma 're hâimana mono tõ da.

Zenezi 6:5

Tawamhã Uburé Danhib'apito, 're idawasété pese uptabi za'ra mono zé ma tô te te 're ab'madâ'â, õne u'â dawasété si da te 're 'manharĩ za'ra mono da, da te dasima ãma 're irosa'rata za'ra mono zé hã.

Zenezi 8:21

Tawamhã Nowéhé nhibzari zadaze, Uburé Danhib'apito te te hãi wamhã, ma tô wẽsã. Tahawa te ãne rosa'rata na hã sima tinha: “Niwamhã ti'ai ma, ãne na te irob'manharĩ na isahu da hã mare di za, iwa 're idahâimana za'ra mono norĩ u'âbâmhã, daprédup tém hawim haré, marĩ iwasété na si da te dasima 're rosa'rata u'âsi za'ra mono nherẽ.

Zenezi 9:19

à norĩ si'ubdatõ hã Nowéhé 'ra norĩ. Tawamhã taha nhihudu norĩ hã ma tô uburé ti'ai mono bâ te te ropé.

Luca 1:51

Tinhib'rata nhiptete na te za 'râwi sina 're iwata za'ra mono norĩ hã te te 're awano'õ.

Zezusihi zadawa wasuꞌuꞌwa norĩ nhimiromhuri na robꞌuiꞌéré 17:26

Isãna'rata hawimhã, aibâ misire nherẽ, ma tô ta hawimhã atébré dapoto mono bâ, 'Re ihâimana u'âsi mono hã. Tahawa, dapoto mono bâ ma tô dasitébré. Ma tô duré da'ãma ropé, ropâ 're dasi'ubumroi mono da. 'Re idahâimana za'ra mono sidâpâsi, ma tô te te dama 're apisutu, ti'a hã, iwa 're idahâimana za'ra mono zéb da hã. Niha wahum na iwa 're idahâimana za'ra mono zéb da hã, ma tô duré te te dama 're apisutu.

Zuize 10:14

Tahawa ma'ãpé ihâiba'õ norĩ asima ipisutu za'ra wa'aba wi si, tiwi rowaptẽrẽ za'ra wa'aba, ropire 're, aihâimana za'ra wa'aba ré, pé ta norĩ si te te aipawaptob za'ra wa'aba da.