Zenezi 11:3 - ꞌRe Ihâimana Uꞌâsi Mono Zadawa Wasuꞌu

³ Tawamhã ni'wam norĩ hã te nimahã bâtâ na ãne sima nharĩ za'ra: — Oto ti'a u'ẽne, wa te u'ẽtẽ za'ra wa'aba mono, sebre pese na! Ãne wa, te ta norĩ ma, ti'a u'ẽtẽ zebre hã tãma tihâimana za'ra, te te ãma siwi i'ri da hã, ẽne hã ihâimana za'ra upana. Wedewa'u top si te duré tãma tihâimana za'ra, te te ãma siwi i'ri uptob da hã, ti'ai wai'o hã ihâimana upana.

Zenezi 11:3 ပူးပေါင်းရင်းမြစ်များ

Zenezi 11:4

Tawamhã te ãne oto sima nharĩ za'ra: — Oto 'rinho'u, wa te wasiwi 'ri aba. Tawamhã taha 'remhã wa za 'ri 'rãihâ wada hã wasiwi 'manharĩ ni, hâiwa te te sina itété pese da hã. Ãhã wamhã, dama wawasu'u za'ẽtẽ na wa za 're wahâimana za'ra. Duré wa te 're iropéi mono da hã mare di za, ti'ai mono bâ 're wahâimana za'ra mono da hã.

Zenezi 11:7

Tahawa, oto wa te si'ra za'ra na, 're imreme zusi mono zé hã wa te tiwi 'wa'rutu za'ra da, marĩ na te te sima 're nharĩ za'ra mono wa, oto 're sisadaihu'u za'ra mono tõ da.

Zenezi 14:10

Tawamhã Sidĩ na romharé nhisi ãma te ab're, wedewa'u tob ré hã ahâ na 're hâimana za'ra. Tawamhã Sodoma ãma apito, Gomora ãma apito me dasi'wapéi wi sima'uri pibu zahuré da sisamroi wamhã, ma tô nima norĩ ite dasi'wapé 'manharĩ'wa hã ab're 'remhã nasi titobro za'ra. Tahawa, nima norĩ si ma tô dawi aimani za'ra, ẽne 're ihâimana za'ra mono u hã.

Ezodu 1:14

Te te 're robzépata za'ẽtẽ za'ra mono da ma tô te te tãma 're 'manharĩ za'ra. Ti'a u'ẽtẽ na, 'ri 'manharĩ na, duré buru na rob're na te te 're romhuri za'ra mono da hã, ma tô te te 're wada'uri pese za'ra. Tawamhã Izaraéu nhihudu norĩ iwada'uri wasété zarina, ma tô uburé marĩ te te 're 'manharĩ za'ra.

Ezodu 2:3

Tawamhã te te oto dawi simi'uri waihu'u õ wa, ma tô ina, sé'waza'are ne nhamri si'õno hã ti'â. Tahawa, isapu hã ma tô te te sada anhito wedewa'u tom na, â sisisi tõ da, si'õtõ ne 're. Tawamhã ma tô ti'ra hã tisẽ, iwa. Taha pari ma tô iré tihi, â zada'ré 'rõ'rõ wa'wa.

Provébiu 1:11

Ta norĩ hã te te aima nharĩ za'ra wamhã ãne: “We aimorĩ, wa te wasiwi da'maiwĩrĩ da! Taré nherẽ, rosa'rese õ ré, oto wa te wasiwi da'mairési aba, wa te ãma wasima rowẽ za'ra da, ni'wam norĩ hã marĩ te te upa za'ra õ nherẽ!

Hebreu 10:24

Wa za duré wasi'ãma hã 're wapo're pu'u u'âsi za'ra, marĩ na 're iwasipawaptob za'ra mono zéb da na, duré taha zarina 're iwasisawi pese za'ra mono zém na wa te wasima ãma 're i'uwaimrami za'ra mono zéb da na, duré marĩ wẽ na wa te wasima ãma 're iwa'rãmi wẽ za'ra mono zém na da zama.

Hebreu 3:13

Awẽ sidâpâsi te za duré asimiroti na 're asipawaptob u'âsi za'ra wa'aba mo, aipẽ'ẽ toi u'âsi Cristuhu ãma si 're anomro wẽ wa'aba mono da, asiptete sina. Satanasihi nhimiroti wasédé hã wẽ newa, aiwasédé hã 're 'manharĩ za'ra wa'aba mono tõ da, duré 'Re ihâimana u'âsi mono nhimiroti hã asiwi 're wẽ'õ za'ra wa'aba mono wa, ai'rã tete na tiwi 're aihâimana za'ra wa'aba mono tõ da, te za tô 're asipawaptob u'âsi za'ra wa'aba mo, rowẽ na wasiré 're wahâimana za'ra mono ré, ti'ai ãma hã.

Tiagu 4:13

Ma'ãpé ĩwapari pese za'ra wa'aba. Ãté ãne te za asisõwa wa'aba, dama 're asiwasu'u za'ra wa'aba mo: “Ãté ãhã na 'ri ahâ u wa za ai'aba'ré ni, niha wamhã awẽ. Tame te za misi wa'ãma tiwahu, rob'uiprazéb zô wa te romhuri za'ra ré, wa te wasima sa'ẽtẽ za'ra da, rob'uiprazé hã.” Ãté ãne te za dama 're asiwasu'u za'ra wa'aba mo. E awẽmhã niha ai'ãma iromhâimana za'ra wa'aba zé hã aima waihu'u pese za'ra wa'aba bâ, te za ãne dama 're asiwasu'u za'ra wa'aba mo. Aihâimana za'ra wa'aba zé hã aiwa romnhizédé ne. Romnhizé hã 're hâimana za'ra mono wamhã, te za awa'awi 're si'utõrĩ. Tane 're aihâimana za'ra wa'aba mono zé hã, aiwa romnhizédé ne te za aiwi 're si'utõrĩ su'u za'ra wa'wa.

Tiagu 5:1

Asimarĩ ahâ na 're aihâimana za'ra wa'aba mono norĩ, ma'ãpé ĩwapari pese za'ra wa'aba. Niwapsi te za robzei'õ hã 're isépata za'ra wa'aba mo. Tahawa, te za ãne wana ré asina 're ai'ru'ru siromo aba mo.