Zenezi 11:26 - ꞌRe Ihâimana Uꞌâsi Mono Zadawa Wasuꞌu

²⁶ Tawamhã Tera ãma 70 na ãma wahu pari, ma tô si'ubdatõ i'ra norĩ hã tipoto za'ra, ãne isisi za'ra hã: Abrã, Nao, Harã.

Zenezi 11:26 ပူးပေါင်းရင်းမြစ်များ

Zenezi 11:25

Taha pari ma tô duré 119 na wahub 'remhã 're hâimana. Taha ré, ma tô duré i'ra si'aibâ norĩ, i'ra sipi'õ norĩ me hã tãma tipoto za'ra.

Zenezi 24:10

Tawamhã 10 na Abra'ãhã te, awaru ba'õmore norĩ hã ma tô waibu. Duré isimarĩ iwẽ norĩ ma tô waibu. Taha pari 'ri nho'u Mezopotãmia ãma Nao 're ihâimana mono zéb u ma tô oto mo.

Luca 3:34

Zudaha poto'wa nhisi hã, Zaco na isisi hã. Zacoho poto'wa nhisi hã, Izaqui na isisi hã. Izaquihi poto'wa nhisi hã, Abra'ã na isisi hã. Abra'ãhã poto'wa nhisi hã, Tera na isisi hã. Teraha poto'wa nhisi hã, Nao na isisi hã.

Zozué 24:2

Tahawa te Zozué uburé dama tinha, ãne: — Ãne te tinha, Uburé Danhib'apito, Izaraéu nhihudu norĩ te, 'Re ihâimana u'âsi mono hã: “Duréi aihi'rata norĩ wa'wa pa nho'u Eufrati pa zara niwĩ 're hâimana za'ra mono ré hã ihâiba'õ waihu'u pese newa ãma 're idawata za'ra mono ãma ma tô 're wata za'ra. Aihi'rata norĩ wa'wa, Tera, Abra'ãhã mama, duré Naoho mama.