Zenezi 1:9 - ꞌRe Ihâimana Uꞌâsi Mono Zadawa Wasuꞌu

⁹ Tawamhã te duré tinha ãne: — Â hã hâiwa zahâpâ 're isa'wari mono hã te za misi haré oto ubumro, ti'ai 'ré na oto sihâi'ré da, ti'a hã. Tahawa ãne hã ma tô oto tiromhâiba.

Zenezi 1:9 ပူးပေါင်းရင်းမြစ်များ

Zenezi 1:8

Tahawa ta hã ma tô 'Re ihâimana u'âsi mono hã sisi, hâiwa na. Tawamhã ma tô duré oto timara. Ma tô oto ti'awẽ. Ã hã oto duré maparane bâtâ ãma hã.

Neemia 9:6

Tawamhã Izaraéu nhihudu norĩ, ma tô ãne mreme zu: “'Re ihâimana u'âsi mono, aiwétési Uburé Danhib'apito! A hã ma tô hâiwa i'manha. Wasi norĩ hã ma tô duré i'apoto mo. Ti'a hã, âporé hã, duré iwa 're ihâimana za'ra mono hã ma tô i'apoto mo. A hã ma tô uburé asimipoto mono bâ hâiba ré, 're ihâimana za'ra mono da hã tãma i'manharĩ za'ra. Duré hâiwa ãma ihâiba ré norĩ hã te hi'rãtitõ aima 're si'ubumroi mono sina ai'ãma 're wata u'âsi za'ra.

Salmu 104:3

 're isa'wari mono nhisiwimhã 're i'asãmra mono zé 'ri hã ma tô isã. Duré wedewara zapore na dasi'wapézém na 're idasisa'rei mono ne, te hâiwa'a na 're ane mo. Te duré asaripi na ne rowa'u'u nhisiwi 're asamroi mo.

Salmu 95:5

Âporé mono zama te tãma 're hâimana za'ra, te te 're apoto mono wa. Ti'ai 'ré zama ma te duré poto.

Zona 1:9

Ãne te tãma siwasu'u za'ra, Zona hã: — Wa hã hebreu na ĩwamri. Duré Uburé Danhib'apito 'Re ihâimana u'âsi mono ãma si wa ãma 're ĩwata, hâiwa ãma 're isãmra mono ãma, âporé 'manharĩ'wai ãma, duré ti'ai 'manharĩ'wai ãma.

2 Pedru 3:5

Ta norĩ hã te te 're 'madâ'â za'ra mono õ di, duréi pese timreme na hã hâiwa te te ipoto na, ti'a te te ipoto na zama, 'Re ihâimana u'âsi mono hã. Ta hã ma tô â na ãma aiwãnhiza, â hã ti'a hã te te 're uirĩ mono da oto. Duré ãma ronomro pari, ma tô â pusi. Ma tô tã si nomro. Ma tô uburé marĩ hã ti'ai ãma hã uprosi, â na.

Apocalipsi 10:6

Tawamhã simiwẽ sina, ma tô waihu'u: — 'Re ihâimana u'âsi mono hã za te te irob'manharĩzéb da hã sô rowaptâ'â õ di za oto. Tawamhã 7 ãma hâiwa ãma romhuri'wa hã tinhimnhihârâzém na simnhihârâ wamhã, te za 'Re ihâimana u'âsi mono hã ãma uwaimra, duréihã te te da'ãma sima iropisutuzé hã dama iwaihu'u'õ hã. Duréihã tizadawa 'mahârâ'wa norĩ ma, te te iropisutuzém na te za oto dama rob'manha. Ãne, wa tô sena na awaihu'u, 'Re ihâimana u'âsi mono nho'a, isimiropisutuzém na zama. — Ãne ma tô 'Re ihâimana u'âsi mono zadawa para waihu'u, hâiwa ãma romhuri'wa hã, hâiwa nho'õmo tinhib'rada te te iwẽ hã. 'Re ihâimana u'âsi mono hã ta hã hâiwa 'manharĩ'wa, duré ti'ai 'manharĩ'wa, duré â poré 'manharĩ'wa, duré uburé iwa 're idahâimana za'ra mono poto 'wa.