Zenezi 1:31 - ꞌRe Ihâimana Uꞌâsi Mono Zadawa Wasuꞌu

³¹ Tawamhã 'Re ihâimana u'âsi mono, uburé marĩ te te duré i'apoto mono hã ma tô iwẽ na hã ab'madâ'â ze. Tawamhã ma tô duré timara. Ma tô ti'awẽ. Ã hã oto 6 na bâtâ ãma hã.

Zenezi 1:31 ပူးပေါင်းရင်းမြစ်များ

Zenezi 1:13

Tawamhã ma tô duré timara. Ma tô ti'awẽ. Ã hã oto si'ubdatõ bâtâ ãma hã.

Zenezi 1:19

Tawamhã ma tô duré oto timara. Ma tô oto ti'awẽ. Ã hã oto duré maparane si'uiwa na bâtâ ãma hã.

Zenezi 1:23

Tawamhã ma tô duré timara. Ma tô ti'awẽ. Ã hã oto imrotõ bâtâ ãma hã.

Zenezi 1:5

Tahawa rowa'a, ma tô sisi, rowa'a na. Duré robra, ma tô sisi, mara na. Tawamhã ma tô timara. Duré ma tô oto ti'awẽ. Ã hã oto bâdâ isãna'rada.

Zenezi 1:8

Tahawa ta hã ma tô 'Re ihâimana u'âsi mono hã sisi, hâiwa na. Tawamhã ma tô duré oto timara. Ma tô oto ti'awẽ. Ã hã oto duré maparane bâtâ ãma hã.

Zenezi 2:2

7 bâtâ ãma hã ma tô tinhimipodo hã te te apoto 'rãsutu. Tawamhã ma tô oto wa'udu, taha bâtâ na.

Zenezi 2:3

Tawamhã bâdâ 7 ãma, ma tô iwẽ na hã pisutu, aimawi wazéb zahi na dama 're hâimana mono da hã. E marĩ wa. Taha bâtâ na wa'utu wa, uburé te te aropoto mono pari.

Salmu 104:24

Uburé Danhib'apito, a hã ma tô marĩ ahâ uptabi na i'a'manharĩ mo! Asimirowaihu'u za'ẽtẽ na ma tô uburé marĩ hã i'apoto mo. Tahawa, ti'a asimipoto mono na hã 'masisi uptabi di.

Salmu 104:28

A hã te tô isa hã tãma 're i'anhomri mo. Tahawa, tisa te te 're huri mono wa, te te 're 'mahâpãrĩ za'ra mono wamhã, te duré te te sima ãma 're rowẽ za'ra.

Salmu 104:31

Uburé Danhib'apito waihu'u pe iwẽ uptabi hã 're ihâimana u'âsi mono da si, iwẽ hã! Tahawa, duré tinhimi'manharĩzé ma, 're itoi mono da si, iwẽ hã!

Salmu 119:68

Tô sena, i'aiwẽ uptabi. Taha zarina te duré marĩ iwẽ si 're i'ab'manharĩ mo. Tahawa ma'ãpé asimiroti na ãma ĩma 're rowahutu u'âsi mono.

Ezodu 20:11

Wa hã, Uburé Danhib'apito, 6 bâtâ 're, wa tô hâiwa hã, ti'a hã, duré â wa 're ihâimana za'ra mono da hã ab'manha. Tawamhã 7 bâtâ ãma wa tô oto wa'udu. Tahawa wa tô sabadu bâdâ iwazéb zahi na aimawi 're ihâimana mono da hã pisutu.

Ezodu 31:17

Õne u'â Izaraéu nhihudu norĩ me iwasisaze za'ra zé hã te tô wasu'u. E marĩ wa. Wa hã Uburé Danhib'apito, 6 si bâtâ 'remhã wa tô hâiwa norĩ ti'ai me hã 'manharĩ zahuré. Duré 7 bâtâ ãma hã wa tô romhuri hã sazâ. Wa tô oto wa'udu taha na.

Provébiu 16:4

Marĩ da hã, Uburé Danhib'apito, uburé marĩ hã ma tô te te 're ab'manharĩ. Taha zarina, iwasété norĩ ma, ma tô bâdâ isi'utõrĩzéb da hã te te tãma 're apisutu.

1 Timotiu 4:4

Uburé dasazé hã wẽ di, 'Re ihâimana u'âsi mono nhimipodo hã ãma 're iwasaihuri mono zéb da hã. Wẽ wa, wa te wasiwi 're wẽ'õ za'ra mono õ di za, ãma 're wasaihuri mono tõ da hã. Sõpru wa, ãma 're wawata za'ra mono sina, wa za ãma 're wasaihuri, iwẽ na te te ãma nharĩ wa, 'Re ihâimana u'âsi mono hã. Ãhã wa, tãma wẽ di, isimipoto na 're iwasaihuri mono zéb da hã.