Zenezi 1:27 - ꞌRe Ihâimana Uꞌâsi Mono Zadawa Wasuꞌu

²⁷ Ãne ma tô 'Re ihâimana u'âsi mono, a'uwẽ hã poto na'rata za'ra. Isine 're ihâimana za'ra mono da hã ma tô te te apoto, aibâ duré pi'õ.

Zenezi 1:27 ပူးပေါင်းရင်းမြစ်များ

Zenezi 2:18

Taha pari te duré Uburé Danhib'apito hã tinha ãne: — Aibâ siwaprosi 're ihâimana mono da hã wẽ õ di. Tahawa ni'wa te te 're ipawapto mono 'wa da hã wa za tãma 'manha, ihâiba a'âri'wa hã.

Zenezi 2:7

Tawamhã Uburé Danhib'apito, ti'a zaprum na ma tô a'uwẽ hã 'manha, aibâ na. Tahawa, isisi're ãma ma tô sa'u, pẽ'ẽzani ré oto 're hâimana mono da. Ãhã wa, te oto ipẽ'ẽzani ré na hã 're hâimana, hâiba ré.

Zenezi 9:6

Ĩsine 're dahâimana za'ra mono da, wa tô a'uwẽ hã te apoto. Tahawa, ni'wa te te da'maiwĩrĩ wamhã, te za duré wĩrĩ ni za, aiwab da.

Mateu 19:4

Tawamhã Zezusi hã te asa tãma nharĩ za'ra: — E ibaihâ na ãne hã 're sõré za'ra wa'aba mono ã bâ, 'Re ihâimana u'âsi mono nhimiroti 'rata na rob'ui'éré hã. Ãne na rob'ui'éré hã: “Ropoto na'rata hawimhã ma tô 'Re ihâimana u'âsi mono hã a'uwẽ na aibâ hã 'manha. Pi'õ zama ma tô duré 'manha.” Ãne na duréihã ibaihâ na rob'ui'éré hã.

Marcu 10:6

Ropoto na'rata hawimhã, ãnei õ di. Ropoto na'rata hawimhã, ma tô 'Re ihâimana u'âsi mono hã aibâ hã poto, a'uwẽ na. Pi'õ zama ma tô duré poto.

Éfézu 2:10

Cristu Zezusihi ãma 're wanomro mono wa, ma tô 'Re ihâimana u'âsi mono hã wama sõmri za'ra wahâimanazé ité hã, wa te ãma dama 're rob'manharĩ wẽ za'ra mono da, duré iwẽ na wa te 're dapawaptob za'ra mono da ãma, te te wa'ãma iroti siromo zéb zarina.

Éfézu 4:24

Da'uza hã ihâ tém na 're idasi'uza za'ra mono ne, te za oto aihâimanazép tém na si 're aihâimana za'ra wa'aba mo, iwẽ na si. Taha da, ma tô 'Re ihâimana u'âsi mono hã aipoto téb za'ra wa'wa aipẽ'ẽ 're, isine 're anomro wẽ wa'aba mono da, tô sena na duré dama 're aihâimana wẽ za'ra wa'aba mono da oto.

Colosu 1:15

Cristu hã 'Re ihâimana u'âsi mono ne, te tô 're mo, aiwa wa. Tane nherẽ, 'Re ihâimana u'âsi mono hã datõmo na da te dasiwi 're 'madâ'â waihu'u za'ra mono õ di. I'ra si ma tô da te dasiwi 're 'madâ'â za'ra datõmo na hã, ti'a 're morĩ ré. Ta hã duréihã marĩ õ uptabi ré hã, te tô 're hâimana u'âsi, i'ra hã. Uburé ropoto nhipai u, te ta hã pire uptabi na 're hâimana.

Colosu 1:26

Ãhã wasu'u hã 'Re ihâimana u'âsi mono, isãna'rata hawimhã te te aré dama 're i'awaihu'u mono õ hã ma tô oto sõ'awi dama upsibi nhamra, tinhib'a'uwẽ norĩ ma si.

Colosu 3:10

Taha wa'rãmi, te oto 're idanomro mono zé itém na si 're anomro aba mo, iwẽ na. 'Re ihâimana u'âsi mono, ma tô te te 're aipoto téb za'ra wa'wa aipẽ'ẽ 're, isine 're aihâimana u'âsi za'ra wa'aba mono da oto, taha zarina õhõ si duré 're waihu'u pese za'ra wa'aba mono da.

Zuize 21:22

Tawamhã ãne zarina imama norĩ, duré isisãnawã norĩ wama siwapsari za'ra da, we si'aba'réi wamhã, wa za ãne tãma nharĩ za'ra ni za: “Ma'ãpé wazawi za'ra na hã ãma wama rowairébé za'ra wa'aba, si'ubumro da. E marĩ wa. Zabe-Ziliadi wa te 'wapé za'ra wamhã, uburé Bẽzamihĩ nhihudu norĩ ma da hã, pi'õ norĩ ibâ na wa te wasiwi waibui õ di. Duré a norĩ wa'wa hã ropisudu ihâimanazém na hã ãma upa za'ra wa'aba dai õ di. E marĩ wa. A norĩ wa'wa hã õ norĩ ma, ai'ra tãma sõmri za'ra wa'aba õ wa. Õ norĩ hã aima sa'rese za'ra wa'aba õ di. Pi'uriwi ma tô dasiwi waibu za'ra ni.”