Zenezi 1:22 - ꞌRe Ihâimana Uꞌâsi Mono Zadawa Wasuꞌu

²² Tawamhã 'Re ihâimana u'âsi mono, tinhimipoto ma, iwẽ hã te te tãma pisutu za'ra sina, te ãne tãma nharĩ za'ra: — Ma'ãpé atébré aba, â 'rowi asina aihâ'â aba da. Duré si norĩ zama, atébré aba, ti'ai ãma.

Zenezi 1:22 ပူးပေါင်းရင်းမြစ်များ

Zenezi 1:21

Ãne ma tô 'Re ihâimana u'âsi mono, â 'rowi 're inomro mono da hã te te apoto, hâiba ré isa'ẽtẽ norĩ hã, uburé sipu'u pese na hâiba ré â 'rowi ahâ uptabi na 're inomro mono da hã. Duré uburé si norĩ zama ma tô ipoto mono bâ te te apoto. Tahawa 'Re ihâimana u'âsi mono, tinhimipodo ma tô iwẽ na hã ab'madâ'â ze.

Zenezi 1:23

Tawamhã ma tô duré timara. Ma tô ti'awẽ. Ã hã oto imrotõ bâtâ ãma hã.

Zenezi 1:28

Tahawa iwẽ hã te te tãma pisutu za'ra sina, te duré ãne tãma nharĩ za'ra: — Te za atébré aba mo, asina aihâ'â aba da hã. Uburé te za duré ti'a hã asina isito wa'wa, asiptete na asiwi 're 'madâ'â aba mono da hã. Tawamhã duré â 'rowi tepe ma, te za asiptete na tãma 're aihâimana za'ra wa'aba mo, duré si hâiwi 're isisa'rei mono ma, duré uburé abaze norĩ, ti'ai baba 're inomro mono norĩ ma hã.

Zenezi 30:27

Tawamhã Labã, ma te ãma sada'â ãne: — Ĩzawi na hã ma'ãpé ĩ'rata 're aihâimana u'âsi mono. E marĩ wa. Wa hã marĩ te i'manharĩ nhipese na, wa tô waihu'u, aihâiba u'âbâmhã Uburé Danhib'apito iwẽ na te te 're ĩpawapto mono zéb zarina hã.

Zenezi 30:30

We ãwa ĩwisi wana ré hã asimarĩ hã aré umrore di. Tane nherẽ, ma tô oto sina hâ. Duré 'Re ihâimana u'âsi mono, nimomo 're ĩne mono sidâpâsi ma tô iwẽ hã te te aima 're apisutu. Tane nherẽ, oto wa hã ãhã na hã ĩhawi a'uwẽ norĩ si te oto 're i'a'madâ'â mono da si, wa tô oto ĩsima wẽ zahi.

Zenezi 35:11

Tawamhã ãne na zama te duré sina tãma tinha: “Wa hã 'Re ihâimana u'âsi mono, danhipai u pese ĩwaihu'u pese uptabi. Ma'ãpé atébré za, ai'ra ahâ da, duré asihudu ahâ da. Aihawimhã te za a'uwẽ misi ãma isitom na dasipu'u pese na daro mono bâ 're dasitébré. Duré asihudu norĩ 'remhã te za dama 're si'apito za'ra za.

Zenezi 8:17

Duré ma'ãpé uburé abaze norĩ zama asiré sani za'ra na, si norĩ hã, abaze da te 're itébré za'ra mono norĩ hã, rom na 're ihâimana za'ra mono norĩ hã, duré di'i na 're inomro mono norĩ hã. Tawamhã ta norĩ uburé ti'ai mono bâ te te ropéi mono wa, sitébré mono wamhã, te za ti'a hã sina sitob za'ra.

Zenezi 9:1

Tawamhã 'Re ihâimana u'âsi mono, Nowéhé ma, i'ra norĩ me, iwẽ te te tãma pisutu za'ra sina, ma tô ãne tãma nharĩ za'ra: — Ma'ãpé atébré aba oto, asihudu norĩ wa'wa hã, uburé ti'ai mono bâ te te ropéi mono da.

Provébiu 10:22

Uburé Danhib'apito nhimipawaptobzé wẽ zarina te za danhimarĩ hã dama 're wairébé. Tahawa, duré ni'wa 'râwi tinhiptete na hã te te ãma sisiwi waihu'u õ di, tinhimarĩ na hã.