Zenezi 1:21 - ꞌRe Ihâimana Uꞌâsi Mono Zadawa Wasuꞌu

²¹ Ãne ma tô 'Re ihâimana u'âsi mono, â 'rowi 're inomro mono da hã te te apoto, hâiba ré isa'ẽtẽ norĩ hã, uburé sipu'u pese na hâiba ré â 'rowi ahâ uptabi na 're inomro mono da hã. Duré uburé si norĩ zama ma tô ipoto mono bâ te te apoto. Tahawa 'Re ihâimana u'âsi mono, tinhimipodo ma tô iwẽ na hã ab'madâ'â ze.

Zenezi 1:21 ပူးပေါင်းရင်းမြစ်များ

Zenezi 1:18

bâtâ na mara na zama te te 're rob'uiwẽ za'ra mono da, duré rowa'a robra me hã ãma siwãnhizari zahuré da hã. Tahawa 'Re ihâimana u'âsi mono te te i'apoto mono zé hã ma tô iwẽ na hã ab'madâ'â ze.

Zenezi 1:20

Taha pari 'Re ihâimana u'âsi mono te duré tinha ãne: — Â 'rowi sipu'u pese na te za ihâiba ré norĩ hã ahâ na te te sina 're ânhitob za'ra. Duré ti'a nhisiwi te za hâiwi, si norĩ hã 're sisa'rei mono.

Zenezi 1:22

Tawamhã 'Re ihâimana u'âsi mono, tinhimipoto ma, iwẽ hã te te tãma pisutu za'ra sina, te ãne tãma nharĩ za'ra: — Ma'ãpé atébré aba, â 'rowi asina aihâ'â aba da. Duré si norĩ zama, atébré aba, ti'ai ãma.

Zenezi 1:25

Tawamhã 'Re ihâimana u'âsi mono ma tô abaze norĩ hã uburé te te apoto, ipoto mono bâ, da te 're itébré za'ra mono da hã, duré rom na 're ihâimana za'ra mono da hã, duré di'i na 're inomro mono zama. Tahawa 'Re ihâimana u'âsi mono, tinhimipodo ma tô duré iwẽ na hã ab'madâ'â ze.

Zenezi 1:31

Tawamhã 'Re ihâimana u'âsi mono, uburé marĩ te te duré i'apoto mono hã ma tô iwẽ na hã ab'madâ'â ze. Tawamhã ma tô duré timara. Ma tô ti'awẽ. Ã hã oto 6 na bâtâ ãma hã.

Zenezi 2:19

Tawamhã uburé abaze norĩ hã duré si norĩ hã ti'a na te te apoto mono pari, ma tô aibâ tẽmemhã te te anhimro, te te anhisi da. Tahawa, aibâ te te i'anhisi mono zéb zarina, te oto isisi mono bâ ãma 're hâimana za'ra.

Zenezi 7:14

Duré uburé abaze norĩ ipoto mono bâ sipu'u pese na ma tô isiré asisi, da te 're itébré za'ra mono norĩ hã, rom na 're ihâimana za'ra mono norĩ hã, di'i na 're inomro mono norĩ hã, duré si norĩ hã.

Zenezi 8:17

Duré ma'ãpé uburé abaze norĩ zama asiré sani za'ra na, si norĩ hã, abaze da te 're itébré za'ra mono norĩ hã, rom na 're ihâimana za'ra mono norĩ hã, duré di'i na 're inomro mono norĩ hã. Tawamhã ta norĩ uburé ti'ai mono bâ te te ropéi mono wa, sitébré mono wamhã, te za ti'a hã sina sitob za'ra.

Zenezi 8:19

Tawamhã duré uburé abaze norĩ hã si norĩ me ma tô imono bâ nasi wairé, isiré za'ra.

Zenezi 9:2

Tawamhã uburé abaze norĩ, si norĩ, di'i na 're inomro mono norĩ, duré uburé â 'rowi tepe norĩ 're ihâimana za'ra mono hã te za aima pahi na 're hâimana za'ra wa'wa. Ã norĩ hã te za duré aima wapu na asahâpâb za'ra wa'aba hã 're hâimana za'ra.

Zenezi 9:7

— Te za oto atébré 'wa, asihudu norĩ wa'wa ti'ai mono bâ te te ropéi mono da.

Ezodu 1:7

Tane nherẽ, Izaraéu nhihudu norĩ ma tô Zuzéhé uirĩ na Ezitu ãma 're hâimana za'ra mono ré hã atébré za'ẽtẽ za'ra, ahâ uptabi na. Tahawa, siptete na duré dama simimnhasi na ma tô 're hâimana za'ra. Tahawa daza'rui mono bâ ma tô te te ropé.

Ezodu 8:3

Tawamhã Nilu na panho'õmo nhisi 'remhã uti zarãpré hã ahâ uptabi di za. Ta norĩ hã â hawi rob u iwairébé hã te za asimiwaptâ u, aima romhuri'wa norĩ nhorõwa u hã, asib'a'uwẽ norĩ nhorõwa u hã, marĩ zebrezéb u hã, duré i'u'ẽtẽ wai'ozéb u hã uburé sisisi.

Zona 1:17

Tawamhã Uburé Danhib'apito hã ma tô tebe hã isa'ẽtẽ ma ti'ru, Zona te te sõmri da hã, hâiba wahuré. Tame, te si'ubdatõ bâtâ 're duré si'ubdatõ mara na, tepe za'ẽtẽ waihõ 'remhã tihâiba.

Zona 2:10

Tawamhã Uburé Danhib'apito hã te tinha, tepe za'ẽtẽ ma, Zonahã na so'o'o da, supara'ré ãma.