Zenezi 1:20 - ꞌRe Ihâimana Uꞌâsi Mono Zadawa Wasuꞌu

²⁰ Taha pari 'Re ihâimana u'âsi mono te duré tinha ãne: — Â 'rowi sipu'u pese na te za ihâiba ré norĩ hã ahâ na te te sina 're ânhitob za'ra. Duré ti'a nhisiwi te za hâiwi, si norĩ hã 're sisa'rei mono.

Zenezi 1:20 ပူးပေါင်းရင်းမြစ်များ

Zenezi 1:14

Tawamhã 'Re ihâimana u'âsi mono te duré tinha ãne: — Hâiwa na te te 're irob'uiwẽ zahuré mono da hã wa za oto aimawi pisutu zahuré, ihâiba amo hã bâtâ na da hã duré ihâiba amo mara na da hã, bâdâ hã duré wahu hã duré rob'ré te hã duré tãi pĩni na'ratazép te hã da te ãma 're iwaihu'u za'ra mono zéb da hã.

Zenezi 1:19

Tawamhã ma tô duré oto timara. Ma tô oto ti'awẽ. Ã hã oto duré maparane si'uiwa na bâtâ ãma hã.

Zenezi 1:21

Ãne ma tô 'Re ihâimana u'âsi mono, â 'rowi 're inomro mono da hã te te apoto, hâiba ré isa'ẽtẽ norĩ hã, uburé sipu'u pese na hâiba ré â 'rowi ahâ uptabi na 're inomro mono da hã. Duré uburé si norĩ zama ma tô ipoto mono bâ te te apoto. Tahawa 'Re ihâimana u'âsi mono, tinhimipodo ma tô iwẽ na hã ab'madâ'â ze.

Zenezi 1:22

Tawamhã 'Re ihâimana u'âsi mono, tinhimipoto ma, iwẽ hã te te tãma pisutu za'ra sina, te ãne tãma nharĩ za'ra: — Ma'ãpé atébré aba, â 'rowi asina aihâ'â aba da. Duré si norĩ zama, atébré aba, ti'ai ãma.

Zenezi 1:30

Wa za duré abaze norĩ ma, si norĩ ma, duré di'i na 're inomro mono norĩ ma, du hã duré rob'rã norĩ hã uburé tãma pisutu za'ra, ãma 're isaihuri mono zéb da hã. Tahawa ãne ma tô tiromhâiba.

Zenezi 1:7

Tahawa 'Re ihâimana u'âsi mono hã ma tô â na ãma aipo'o. Ãma isipo'o hâiba amo hã ãma isiwãnhizari zahuré 'rowimhã te 're sa'wari. Duré ãma isipo'o hâiba amo hã te hâimo 're sa'wari.

Zenezi 2:19

Tawamhã uburé abaze norĩ hã duré si norĩ hã ti'a na te te apoto mono pari, ma tô aibâ tẽmemhã te te anhimro, te te anhisi da. Tahawa, aibâ te te i'anhisi mono zéb zarina, te oto isisi mono bâ ãma 're hâimana za'ra.

Zenezi 7:21

Tawamhã uburé ti'ai ãma 're ihâimana za'ra mono, si norĩ hã, abaze da te 're itébré za'ra mono norĩ hã, rom na 're ihâimana za'ra mono norĩ hã, di'i na 're inomro mono norĩ hã, duré a'uwẽ norĩ hã ma tô si'utõrĩ.

Zenezi 8:17

Duré ma'ãpé uburé abaze norĩ zama asiré sani za'ra na, si norĩ hã, abaze da te 're itébré za'ra mono norĩ hã, rom na 're ihâimana za'ra mono norĩ hã, duré di'i na 're inomro mono norĩ hã. Tawamhã ta norĩ uburé ti'ai mono bâ te te ropéi mono wa, sitébré mono wamhã, te za ti'a hã sina sitob za'ra.

Zezusihi zadawa wasuꞌuꞌwa norĩ nhimiromhuri na robꞌuiꞌéré 17:25

Õhõ si ma tô dapẽ'ẽzanizé hã te te dama 're anhomri. Taha zarina si te duré 're dapẽ'ẽzani za'ra. Taha si, ma tô uburé marĩ hã te te dama 're anhomri, ãma 're idahâimana za'ra mono zéb da hã. Tahawa, da te 're ipawaptob za'ra mono zéb zô, 're simipari mono õ di.