Zenezi 1:2 - ꞌRe Ihâimana Uꞌâsi Mono Zadawa Wasuꞌu

² Taha ré hã te niha na ti'a hã 're sa'wari, marĩ iwa 're hâimana mono ãna. Â poré â 'rehâ hã te duré isisiwimhã 're sa'wari. Duré robra si te â poré nhisiwi 're sa'wari. Taha wamhã te 'Re ihâimana u'âsi mono pẽ'ẽzani, â nhisiwimhã 're mo.

Zenezi 1:2 ပူးပေါင်းရင်းမြစ်များ

Salmu 104:30

Tane nherẽ, duré 're aza'uri mono wa, aipẽ'ẽzani tãma 're anhomri mono wamhã, te za ta norĩ hã hâiba ré 're poto za'ra. Ãne wamhã, te za ti'ai manawawi ma, marĩ ité hã tãma 're i'anhomri mo.

Salmu 104:6

Ti'a, â poré na ma tô isuwa, dasi'ubuzé ihâ pa na ãma 're idasi'ubu za'ra mono ne. Ãne wa, ma tô â hã ẽtẽ nhisiwi wahuré 're sa'wari.

Provébiu 8:24

Zahadu â poré mono hã duré â na'rata mono hã hâimana za'ra õ ré, wa tô podo.

2 Corĩtu 4:6

Duréihã ropoto na'rata hawimhã, 'Re ihâimana u'âsi mono ma tô tinha, ãne: “Ãhã na hã robra si 're asa'wari mono nherẽ, oto airowa'a na.” Ãne te tinha. Tane ma tô duré wapẽ'ẽ 're, te te wama 're arowa'a oto, isadawa wasu'u hã wa te oto ãma 're iwaihu'u pese za'ra mono zéb da hã. Cristu hã ma tô wama waihu'u za'ra, Imama 're imorĩ wẽ uptabi na hã.