Zenezi 1:16 - ꞌRe Ihâimana Uꞌâsi Mono Zadawa Wasuꞌu

¹⁶ 'Re ihâimana u'âsi mono, maparane ma tô isa'ẽtẽ norĩ hã poto zahuré, isa'ẽne hã bâtâ na te te 're irob'uiwẽ mono da hã, duré isa'ẽtẽ prã hã bara na te te 're ĩrob'uiwẽ mono da hã. Tawamhã wasi norĩ zama ma tô te te apoto.

Zenezi 1:16 ပူးပေါင်းရင်းမြစ်များ

Zenezi 1:15

Tahawa ta norĩ hã te za hâiwa na te te 're rob'uiwẽ zahuré, te te 're rowa'a zahuré mono da, ti'ai ãma. Tahawa ãne hã ma tô oto tiromhâiba.

Salmu 19:6

Bâdâ hã te hâiwa na'rata hawimhã 're pusi. Te duré tawamhã hâiwa na'rata hâiba amoi u hã 're ne, marĩ norĩ hã iwa'ro wi, 're sima'uri waihu'u za'ra mono ãna.

Salmu 8:3

Wa hã hâiwa u te a'madâ'â wamhã, asimipoto norĩ hã, a'amo hã, duré wasi norĩ, tite mono bâ 're isimasa mono i'aza'ra hã,

Mateu 24:29

Ãne na ma duré tãma waihu'u siromo za'ra: — Tawamhã da te 're robzépata za'ẽtẽ za'ra mono parip si, awa'awi te za bâtâ na tirobra. A'amo zama te te rob'uiwẽ õ di za oto. Wasi norĩ hã te za duré rere, hâiwa hawi. Uburé hâiwa na 're isimasa mono hã te za duré 're sisa're.

Mateu 27:45

Tawamhã ma tô oto ti'abzuma. Abzuma wamhã, ma tô tirobra, daro mono bâ. Bâdâ siprazéb u, te oto robra si nomro.

1 Corĩtu 15:41

Bâdâ hã bété. Ta hã 'madâ'â ze ti. Wẽ uptabi di. A'amo hã 'madâ'â zei uptabi di duré. Uburé wasi hã hâiwa na 're isimasa mono hã, 'madâ'â ze ti duré. Tane nherẽ, uburé aiwapsi 're hâimana za'ra mono õ di, i'madâ'â ze da hã. Duré uburé wasi norĩ hã aiwapsi 're simasa mono õ di, i'madâ'â ze da hã.

Apocalipsi 21:23

Duré 'ri nho'õmo na hã bâdâ te te 're rob'uiwẽ mono õ di za oto, duré a'amo zama hã. 'Re ihâimana u'âsi mono nhimirowa'a si te za oto te te 're rowa'a, Pone'ẽrebâ nhimirowa'a zama.