Zenezi 1:14 - ꞌRe Ihâimana Uꞌâsi Mono Zadawa Wasuꞌu

¹⁴ Tawamhã 'Re ihâimana u'âsi mono te duré tinha ãne: — Hâiwa na te te 're irob'uiwẽ zahuré mono da hã wa za oto aimawi pisutu zahuré, ihâiba amo hã bâtâ na da hã duré ihâiba amo mara na da hã, bâdâ hã duré wahu hã duré rob'ré te hã duré tãi pĩni na'ratazép te hã da te ãma 're iwaihu'u za'ra mono zéb da hã.

Zenezi 1:14 ပူးပေါင်းရင်းမြစ်များ

Zenezi 1:13

Tawamhã ma tô duré timara. Ma tô ti'awẽ. Ã hã oto si'ubdatõ bâtâ ãma hã.

Zenezi 1:15

Tahawa ta norĩ hã te za hâiwa na te te 're rob'uiwẽ zahuré, te te 're rowa'a zahuré mono da, ti'ai ãma. Tahawa ãne hã ma tô oto tiromhâiba.

Zenezi 8:22

Tawamhã duré ti'a 're sa'wari mono ré, te za iwa rob'rezé hã, duré roptehârizé hã dama 're hâimana za'ra. Te za duré rowahâ zé zama hã 're hâimana, duré rowa'ro hã. Duré wahubzé, tã 're ita'a mono zé me te za dama 're hâimana zahuré apâ. Duré bâdâ te te 're irob'uiwẽ mono hã 're imara mono me hã te za tô 're hâimana u'âsi zahuré.”

Zenezi 9:13

wa za ĩte tãiwaipore hâiwa'a na te ãma 're ro'rahâri u'âsi. Tãiwaipore hã uburé ti'ai ãma 're idahâimana za'ra mono ma, te iropisutuzé te wasu'u.

Salmu 119:91

Tãma ipisutu za'ra zéb zarina, te duré ãhã bâtâ u zama uburé marĩ mono hã 're hâimana za'ra, uburé marĩ hã aima si 're hâimana za'ra mono wa.

Zuéu 2:10

Ta norĩ hã sisõré pese na we sisarina 're nomro mono ré, te duré ti'a hã 're popo'o, duré hâiwa hã. Bâtâ norĩ hã te duré 're tõmo 'rãdâ'â zahuré, a'amoi me. Wasi norĩ hã te duré 're ro'osipari za'ra.

Zuéu 3:15

Tawamhã bâtâ norĩ hã a'amoi me te za titõmo 'rãdâ'â zahuré. Duré wasi norĩ hã te za ro'ohaimani za'ra.

Mateu 2:2

Tawamhã ta norĩ hã te sô anharĩ za'ra, ãne Zezusihi zô hã: — E mahãta 'watébrémi, zudeu norĩ nhib'apito da, ipodo hã. Wasi, wa norĩ hã wa tô 'madâ'â za'ra ni, bâtâ pusizém niwĩmhã, zudeu norĩ nhib'apito da, ipotozé te te iwasu'u hã. Tahawa, wa tô we ai'aba'ré ni, ãma wawata za'ra da.

Mateu 24:29

Ãne na ma duré tãma waihu'u siromo za'ra: — Tawamhã da te 're robzépata za'ẽtẽ za'ra mono parip si, awa'awi te za bâtâ na tirobra. A'amo zama te te rob'uiwẽ õ di za oto. Wasi norĩ hã te za duré rere, hâiwa hawi. Uburé hâiwa na 're isimasa mono hã te za duré 're sisa're.

Marcu 13:24

Tawamhã Zezusi ma duré tãma waihu'u za'ra, tisiré 're inomro mono norĩ ma, ãne: — Da te robzépata za'ra pari wamhã, bâdâ hã te za titobra. A'amo zama te te oto duré rob'uiwẽ õ di za.

Luca 23:45

Bâdâ sipra wi, ma tô zazahâ hã hâihaipo'o, 'ri 're wa'wa nhitobzé hã, 'Re ihâimana u'âsi mono nhorõwa ãma hã.

Apocalipsi 6:12

Tawamhã wa tô duré 'madâ. Te 'madâ'â wamhã, ma tô Pone'ẽrebâ hã duré pru imropâ ãma hã, ibaihâ nhinha uptobzé hã. Te te pru wamhã, awa'awi ma tô ti'a hã sãsã'ã, sa'ẽtẽ uptabi. Bâdâ hã ma tô duré titoptâ'â, zazahâ ihâ 'rãdâ'â uptabi ne. A'amo hã ma tô duré titõmo wapru.

Apocalipsi 8:12

Tawamhã hâiwa ãma romhuri'wa hã maparane si'uiwa na ãma hã ma tô duré tinhimnhihârâzém na amnhihârâ. Simnhihârâ wi, ma tô bâdâ hã itõmo wãiwa prã na titobra. A'amo zama ma duré itõmo wãiwa prã na titobra. Wasi norĩ zama, ma duré itõmo wãiwa prã na tobra. Tahawa, te te rob'uiwẽ prã za'ra di wasi norĩ hã, bâtâ norĩ me, duré a'amo norĩ me.

Apocalipsi 9:2

Tawamhã wasi hã ma tô ab're 'rehâ hã 'ridawa. Te te 'ridawa wamhã, ma tô isizé hã watobro, ab're 'rehâ hawi. Isizé hã unhama ro'o za'ẽtẽ nhizédé ne hã. Tawamhã watobro wamhã, ma tô bâdâ hã tõmo utõ. Ma tô duré hâiwa'utõ, ab're 'rehâ nhizé hã. Tahawa, ma tô daro mono bâ tirobra.