Zenezi 1:11 - ꞌRe Ihâimana Uꞌâsi Mono Zadawa Wasuꞌu

¹¹ Tahawa te duré ãne tinha: — Ti'a na te za sipu'u pese na rowede norĩ hã oto 're poto za'ra, nima norĩ inhama ré mono hã duré nima norĩ i'rãi ré mono hã. Tahawa ãne hã ma tô oto tiromhâiba.

Zenezi 1:11 ပူးပေါင်းရင်းမြစ်များ

Zenezi 1:12

Ti'ai 'remhã ma tô marĩ sipu'u pese na uburé hã apoto, rob're isipotozéb ré hã, duré rowede, 're i'rã za'ra mono da hã. Tahawa 'Re ihâimana u'âsi mono, marĩ te te i'apoto mono zé, ma tô iwẽ na hã ab'madâ'â zei pese.

Zenezi 1:29

Duré asazéb za'ra wa'aba da, uburé wa za rob're inhama ré hã, duré rowede i'rãi ré hã aima pisutu za'ra wa'wa.

Zenezi 2:16

Tahawa ma tô ãne tãma waihu'u: — Rob're ãma rowede 're isimasa mono 'rã, te za siwa'ru uburé 're i'a'masi u'âsi mo.

Zenezi 2:5

ti'ai 'remhã zahadu ro'wanhipré hã duré rob're mono hã hâimana za'ra õ di. E marĩ wa. Zahadu Uburé Danhib'apito, tã 're ta'a mono da hã te te tãma rob'rui mono õ wa, duré zahadu ti'ai 'remhã, ni'wa hã te te 're irob're mono da hã, hâimana õ wa.

Zenezi 2:9

Tawamhã tame Uburé Danhib'apito, rowede i'madâ'â ze iwẽ uptabi sipu'u pese na i'rãi mono bâ iwẽ, isi da hã, ma tô 're prédub za'ra mono da hã ab'manha. Tane nherẽ, te rob're wa'wamhã rowede 're idahâimana u'âsi za'ra mono zém nhomri'wa da hã 're sa. Te duré ihâiba amo rowede hã 're sa, iwẽ hã, iwasédé hã da te ãma 're iwaihu'u za'ra mono zéb da hã.

Salmu 1:3

Ta hã a'uwẽ hã pazaihâ na rowede, da te i're, 're i'rãi mono zéb uwaibaba si, 're i'rãi pese mono ne, duré 're isui mre mono õ ne, te ta hã 're hâimana. Ta hã uburé marĩ te te 're i'a'manharĩ mono hã te wẽ na si 're wairébé.

Mateu 3:10

Hâtâra hã te za oto ni'wa hã sarõtõ, wedepa nhihârizéb da hã. Uburé wede hã 're i'rãi pese za'ra mono õ hã te za te te ãma 're anhihâri. Tawamhã unhama u te za te te 're anhamra. — Ãne te dama ãma simiré'é Zuwã hã, 'Re ihâimana u'âsi mono nhimihâzém na hã.

Mateu 6:30

Romnhirãrã hã hâiwi 're simnhatã mono ré, te za du hã iré da te 're wazâri za'ra, unhama da, da te 're ub'rã za'ra mono da. Tahawa, 're simasam hâ mono dai õ nherẽ, ma tô wẽ uptabi na te te 're ab'manharĩ, 'Re ihâimana u'âsi mono hã. E tawamhã, ai'uzazé hã te te aima 're sõmri za'ra wa'aba mono õ di za bété. Te za tô te te aima 're sõmri za'ra wa'wa, du hâimanazéb zawi nhipai u te te 're asawi pese za'ra wa'aba mono wa, a norĩ wa'aba si. E niha Aimama 'wa hã asina 're umnhasi za'ra wa'aba mono õ di, taha si ai'uzazé hã te te aima 're sõmri za'ra wa'aba mono nherẽ.

Marcu 4:28

Ti'ai 'rowim nherẽ, te za si'uihâ na 're 'wanhipré za'ra, 're 'rã za'ra mono da. Te za a'â ti'wanhipré za'ra. Taha parip si, te za 're sitoro wairébé. Taha parip si te za duré oto 're 'rã za'ra.

1 Corĩtu 15:38

Amnho hã da te 're zuri mono wamhã, 'Re ihâimana u'âsi mono hã te te i'aropoto mono hawim haré, te te sima 're i'apisutu mono zéb zarina si, te za dama 're 'wanhipré wairébé, sipu'u pese na.

Hebreu 6:7

Ãne wa za oto ti'ai wasu'u na aima ãma romnhimiré'é za'ra wa'wa. Ti'a hã wẽ wamhã, tã hã 're ta'a mono sidâpâsi, te za ãma 're ro'wanhipré wẽ za'ra, itede'wa norĩ ma. 'Re ti'ai 'ré su'u mono õ wa, te za ãma 're ro'wanhipré wẽ za'ra, ti'ai wẽ na hã. Ãne wa, te za 'Re ihâimana u'âsi mono hã iwẽ hã tãma pisutu, ti'ai wẽ ma hã.

Tiagu 3:12

Ma'ãpé duré ãma rosa'rata za'ra wa'aba, rob'rã na. Azeitona 'rã hã e te za ti'rã, aimawi rowede na, figuera wede na. Mare di. Misi haré te za tô ti'rã tiwede hawim na si. E uwa 'ru u, te za podo i'rãi amo hã, figuera na i'rã nhisi hã. Mare di. Taha wazari ipoto da hã mare di. Tane duré â wẽ hã hâimana õ di, â warĩrĩ wazari. Duré siwazari ub're hawi 're wairébé mono õ di, â hã. Tane aimreme hã siwazari 're sani za'ra wa'aba mono õ di za.