Titu 3:8 - ꞌRe Ihâimana Uꞌâsi Mono Zadawa Wasuꞌu

⁸ Te aima irowasu'uzé hã tô sena. Tahawa, te za isazei'wa norĩ ma 're i'aroti mo, marĩ wẽ na te te 're dapawaptob u'âsi za'ra mono da. Te aima 're irowasu'u mono zé hã wẽ uptabi di, dama 're irowẽ za'ra mono zéb da hã.

Titu 3:8 ပူးပေါင်းရင်းမြစ်များ

Salmu 78:22

E marĩ wa. Ta norĩ hã 'Re ihâimana u'âsi mono te te 're saze za'ra mono õ wa, duré tiwaihu'u pese na za te te 're isõ'reptu za'ra mono zém na te te sina 're umnhasi za'ra mono õ wa.

Provébiu 21:28

Sena na dawasu'u'õ'wa hã te za da te 're mreme nhihâri za'ra. Tane nherẽ, damreme wapari wẽ 'wa si te za da te 're wapari zei pese za'ra.

Mateu 20:4

Tawamhã ãne ma tô tãma nharĩ za'ra: “A norĩ wa'wa hã te za oto ai'aba'réi wa'wa ĩburu u, uwa 'ru na dame romhuri za'ra wa'aba da. Tawamhã dapawa'âbâzéb uwaibaba, wa za duré aipawa'âbâ za'ra wa'wa.” Ãne ma tô duré buru tede'wa hã tãma pisutu za'ra.

Zuwã 12:44

Tawamhã Zezusi te da'ab'mahâ: — Ni'wam norĩ hã Danho'reptui'wa na te te sina 're ĩ'umnhasi za'ra mono wamhã, ĩzazei'wa si 're nomro mono õ di za. Ĩ'u'âbâ te za we ĩzatõrĩ'wa zazei'wa duré 're nomro.

Zuwã 5:24

— Ĩmreme hã da te 're wapari za'ra mono wamhã, duré we ĩzatõrĩ'wa hã da te dasina 're umnhasi za'ra mono wamhã, te za dapẽ'ẽ na da te sina 're uwaimrami siromo za'ra, rowẽ na 're idahâimana u'âsi za'ra mono zé hã. 'Re ihâimana u'âsi mono nhimihâzé hã da te dasina 're waihu'u za'ra mono õ di za. Te za dapẽ'ẽ na ãma saprĩ siromo za'ra ni, dapẽ'ẽ 're, dadâ'â u'âsi 're idahâimana za'ra mono zém hawi, dapẽ'ẽ 're rowẽ na 're idahâimana u'âsi za'ra mono zéb u hã.

Zezusihi zadawa wasuꞌuꞌwa norĩ nhimiromhuri na robꞌuiꞌéré 12:15

Tahawa, te pi'õi ma nharĩ za'ra, ãne: — Mare di. Ma ai'rãsiwamna. Ãhã wamhã, ma duré asa ãma tãma wa'rãmi za'ra, ãne: — Tô sena te za, Pedru hã. Tawamhã te oto nharĩ za'ra, ãne: — Ãté Pedruhu 'madâ'â'wa te za, hâiwa ãma 'Re ihâimana u'âsi mono ma, romhuri'wa hã.

Roma 4:5

Tanei õ di, 'Re ihâimana u'âsi mono hã. Marĩ hã da te 're i'manharĩ wẽ za'ra mono na, te 'râwi 're dasi'madâ'â ze za'ra, taha na si 'Re ihâimana u'âsi mono hã dawasédé hã te te oto da'ãma 're i'ab'madâ'â mono õ na, te te sima da'ãma 're aroti mono newa. Tane nherẽ, te te sima da'ãma 're aroti mono õ di, taha na dawasédé hã te te oto da'ãma 're ab'madâ'â tõ mono da, taha zarina te te oto 're ida'awẽsãmri mono zéb da hã. 'Re ihâimana u'âsi mono hã da te dasina 're umnhasi za'ra mono wapsi, te za te te sina 're da'awẽsãmri, dawasédé hã za oto te te da'ãma 're ab'madâ'â mono õ wa, duré dawasété na 're danomro mono nherẽ, te te 're da'ahâ za'ra mono tõ da.

2 Corĩtu 4:13

Duréihã apito Dawi hã ma tô ãne na ãma rob'ui'éré: “'Re ihâimana u'âsi mono hã wa tô te ĩsina 're umnhasi, te te 're ĩpawapto mono da. Tahawa, ĩmreme ãna 're ĩhâimana waihu'u mono õ di. Wa tô te dama 're wasu'u u'âsi, isimiroti hã tô sena wa.” Ãne duréihã apito Dawihi nhimi'ui'éré, ibaihâ na hã. Tane duré wanhimirosa'rada hã. 'Re ihâimana u'âsi mono hã wa te wasina 're umnhasi pese mono wa, duré wa te 're sazei pese mono wa, wa isadawa wasu'u na wa te aima 're rowasu'u u'âsi za'ra wa'wa.

Éfézu 4:28

Danhibrom na dawi 're i'asimisaihuri za'ra wa'aba mono zém na hã, duré oto 're asimisaihuri za'ra wa'aba mono na hã ãma 're sahu za'ra wa'aba mono õ di za. Te za oto asib'rata na 're iromhuri za'ra wa'aba mo, aihâimana wẽ na oto 're aihâimana za'ra wa'aba mono da, duré asimiromhuri na isibrob'õ norĩ hã 're pawaptob za'ra wa'aba mono da, ãne na si hã wẽ wa.

1 Timotiu 1:15

Ti'ai u ma tô wei mo, Cristu Zezusi hã, 're idanomro wasété mono hawi te te 're da'anho'reptui mono da. Ãne te dasima da te 're rowasu'u za'ra. Danhimirowasu'u hã tô sena wamhã, aihĩni ãma 're idasisaze za'ra mono da hã, ĩma wẽ di. Wa hã dawasété nhipai u, ĩwasédé hã sa'ẽtẽ uptabi di.

1 Timotiu 2:8

Wa za oto aima waihu'u, te ĩsima 're ida'awẽ mono zém na hã. Aibâ norĩ hã nimame 're ihâimana za'ra mono zé mono bâ te za 're mreme zusi, 'Re ihâimana u'âsi mono ma. Ta norĩ hã dama 're hâimana wẽ za'ra mono wamhã, te za tãma 're mreme zusi, tãma 're simiwẽ za'ra mono sina, hâiwa u, te te 're da'ruiwapari za'ra mono ãna, duré tizadawa na 're isi'wapé za'ra mono ãna.

2 Timotiu 1:12

Tahawa, te te ĩpisutuzéb zarina, te ĩsina uwaimrami wa, wa oto te 're robzépata. Tane nherẽ, 're ĩnhisé mono õ di, isadawa wasu'u'wa na 're ĩmorĩ tõ da. Wanhib'apito hã wa ĩsina te 're umnhasi, te te 're ĩpawaptob u'âsi mono da. Ta hã ĩma waihu'u pese di, iwaihu'u pese na hã. Wa hã wa tô tãma ĩsihâiba nho, tô sena tãma waihu'u pese wa, te te 're ĩ'madâ'â mono zéb da hã, bâdâ iwa waptã'ã õ ré, apâ we imorĩzéb u hã.

Titu 1:9

Wanhib'apito wasu'uwẽ, te dama 're iwasu'u mono hã tô sena. Tahawa, te za da'madâ'â'wa norĩ hã iwasu'uwẽ hã te te 're 'madâ'â pese za'ra, i'uwaibaba si te te dama ãma 're roti za'ra mono da, rowẽ na si Wanhib'apito ãma 're danomro mono da, duré ãma 're siwaihu'u za'ra mono da, tinhimiroti na te te 're i'upa za'ra mono norĩ hã.

Titu 2:14

Ta hã ma tô wazada sisõmri za'ra, wazada dâ'â za'ra da, 're iwanomro wasété mono hawi, te te 're wa'anho'reptui mono da, isib'a'uwẽ si 're wahâimana za'ra mono da oto. E marĩ da. Sena na 're wanomro mono da, duré wawa'a ãna iwẽ na si wa te oto 're dapawaptob za'ra mono da.

Titu 2:7

A hã aihâimana wẽ na, te za dama ãma 're asanho mo, asirã zarina si 're danomro wẽ mono da. Dama 're rowahutu mono wamhã, aimreme tô sena na si, te za duré dama 're irowahutu mo.

Titu 3:1

Titu, isazei'wa norĩ hã te za 're i'apo're pu'u u'âsi mo, dama ipire norĩ nhimiroti si, duré roti'wa norĩ nhimiroti zama, te te 're wapari pese za'ra mono da. Simi'ẽ na te za imreme hã te te tãma ãma 're uwaimrami za'ra.

Titu 3:14

Wa tô ĩsima wẽ, wasiré isazei'wa norĩ hã marĩ zô dawi 're ro'wanhi'riti za'ra mono wamhã, te te 're dapawaptob za'ra mono da, taré 're hâimana za'ra mono tõ da, dapawaptob ãna.

Filemo 1:11

Te te aima 're romhuri zei mono ãna, te aré 're mo, Onezimu hã. Tahawa, aré aima hã wẽ õ di ta hã. Tazahã, ãhã na hã tihâimanazém na ma saprĩ oto. Ãhã wamhã, aima wẽ di za oto. Duré ĩma zama hã wẽ di za oto.

Hebreu 10:24

Wa za duré wasi'ãma hã 're wapo're pu'u u'âsi za'ra, marĩ na 're iwasipawaptob za'ra mono zéb da na, duré taha zarina 're iwasisawi pese za'ra mono zém na wa te wasima ãma 're i'uwaimrami za'ra mono zéb da na, duré marĩ wẽ na wa te wasima ãma 're iwa'rãmi wẽ za'ra mono zém na da zama.

1 Pedru 1:21

Cristu hã dâ'â uptabi nherẽ, ma tô ab're hawi hâiwa'utu, 'Re ihâimana u'âsi mono hã, rowẽ uptabi te te tãma pisutu da, hâiwa ãma. Ãhã wasu'u hã aima waihu'u pese za'ra wa'aba wa, te oto õhõ si asina 're i'umnhasi za'ra wa'aba mo, te te dama iropisutuzé hã te te aima ãma uwaimrami za'ra wa'aba da.