Titu 3:13 - ꞌRe Ihâimana Uꞌâsi Mono Zadawa Wasuꞌu

¹³ Duré aibâ norĩ hã pawaptob zahuré na za, Zena norĩ hã Apoluhu me. Danhimirob'manharĩzém na dawasu'u'wa, te 're hâimana, Zena hã. Marĩ hã aima ihâimana zarina, te za ipawaptob zahuré, marĩ hã tãma hâimana zahuré õ wa, inebzéb da hã.

Titu 3:13 ပူးပေါင်းရင်းမြစ်များ

Mateu 22:35

Tawamhã 'Re ihâimana u'âsi mono nhimiroti 'rata na dama rowahutu'wa hã tô farizeu norĩ siré hã ma tô Zezusi hã sadanha, te te tãma ãma upa zô, te te pibu da, ãne:

Luca 10:25

Tame ma tô aibâ hã wahudu hâiwi, 'Re ihâimana u'âsi mono nhimiroti na dama rowahutu'wa hã. Zezusi te te iroti na te te pibu da, ma tô ãne 'mahâ: — Rowahutu'wa, e marĩ, wa za te 're ab'manharĩ iwẽ hã, 're ĩhâimana u'âsi mono zéb da hã, te ĩsina uwaimrami da hã, hâiwa ãma.

Luca 11:45

Tawamhã aibâ hã te Zezusihi ma tinha, ãne: — Rowahutu'wa, farizeu norĩ, wẽ'õ za'ra wa, ma tô ta norĩ zu, wa norĩ zama hã iwa'awẽ'õ.

Luca 11:52

— Rowahutu'wa norĩ, a norĩ wa'aba ma, aima 're ropipa uptabi za'ra wa'aba mono di za. E marĩ wa. Wa za ãma romnhimiré'é, ãne: Ãté, aibâ hã te za 'manhamra, 'ridawa tétézéb ré. Ta hã 're zasi mono õ di, 'ri para u hã. Duré, 'ri para u 're danhisisi mono õ di, te te dawi 're azawi mono wa, 'ridawa tétézé hã. Tane, a norĩ wa'wa hã 're 'madâ'â pese za'ra wa'aba mono õ di, 'Re ihâimana u'âsi mono nhimiroti hã. Ma tô duré dawi 're isawi za'ra wa'aba mo, isimiroti mono bâ, da te 're waihu'u za'ra mono tõ da.

Luca 14:3

Tahawa, ma tô Zezusi hã rowahutu'wa norĩ hã azadanha, farizeu norĩ me, ãne: — E romhuri zahârizém na, wa za wa te 're dapese za'ra, sabadu na hã. E ma tô wawi sawi, 'Re ihâimana u'âsi mono hã, sabadu na, wa te 're dapese tõ za'ra mono da. E niha isimiroti na rob'ui'éré hã.

Luca 7:30

Tazahã, farizeu norĩ hã rowahutu'wa norĩ me, ma tô siwi wẽ'õ za'ra 'râwi, 'Re ihâimana u'âsi mono te te sima ida'awẽzé hã. Tahawa, te te siwi wẽ'õ za'ra wa, â dawabzuri hã te te tãma 'manharĩ za'ra õ di, Zuwã hã.

Zezusihi zadawa wasuꞌuꞌwa norĩ nhimiromhuri na robꞌuiꞌéré 15:3

Tawamhã isazei'wa norĩ hã siré 're isi'rã'õtõ mono norĩ hã ma tô ãma ana, isi'aba'rézém na hã. Ma tô si'mazatõrĩ za'ra, ime 'masi'aba'réi hutu da. Tawamhã Paulu norĩ hã Zeruzalẽ u si'aba'réi ré, Penisiza na danhipti'a nho'õmo nhisi wa'wai baba, te ai'aba'ré, duré Samaria na danhipti'a nho'õmo nhisi wa'wai baba. Taha wa'wai baba, si'aba'réi ré, ma tô isazei'wa norĩ ma, te te rowasu'u za'ra, zudeu'õ norĩ hã 'Re ihâimana u'âsi mono u, 're isipizari za'ra mono na hã. Tawamhã aihĩni ma tô dama ãma rowẽ zani za'ra, tame isazei'wa norĩ ma.

Zezusihi zadawa wasuꞌuꞌwa norĩ nhimiromhuri na robꞌuiꞌéré 18:24

Tawamhã aibâ hã, zudeu norĩ siré hã ma tô wi, Éfézu u, Apolu na isisi hã. Alesãdria na 'ri nho'õmo nhisi ãma ipodo, ta hã. Mreme wabzuri waihu'u pese di. Duré 'Re ihâimana u'âsi mono nhimiroti 'rata na ibaihâ na da te ãma 're irob'ui'éré za'ra mono hã tãma waihu'u pese di.

Zezusihi zadawa wasuꞌuꞌwa norĩ nhimiromhuri na robꞌuiꞌéré 19:1

Apolu hã Corĩtu ãma sãmra ré, ma tô Paulu hã ro'razâ, Éfézu u sa'a nhisi baba. Tame ma tô Zezusihi zazei'wa norĩ hã sõpẽtẽ za'ra.

Zezusihi zadawa wasuꞌuꞌwa norĩ nhimiromhuri na robꞌuiꞌéré 21:5

Tawamhã bâdâ hã wasi'aba'rézéb da hã iwa waptã'ã wamhã, isazei'wa norĩ hã ma tô wasiré ai'aba'ré, â zaihâ u, 'ri nho'õmo nhiti. Aihĩni ma tô wasiré ai'aba'ré, aibâ norĩ hã timro norĩ me, duré ti'ra norĩ me, te te wazawi za'ra da. Tame wa tô wahi'rãtitõ asimro ni, supara 'ré wa, wamreme zusi da.

Zezusihi zadawa wasuꞌuꞌwa norĩ nhimiromhuri na robꞌuiꞌéré 28:10

Ãne hã Paulu te te apese pari, ma tô wama tinhoprub za'ra, marĩ hã ahâ na. Tame wasi'ubumroi ré, a'amo si'ubdatõ ma tô wa'ãma ai'utõrĩ za'ra, rob'ré za'iti ãma hã. Tawamhã wasi'aba'ré da wamhã, ma tô wasazéb da hã te te wama sé, uba'reneb 're.

1 Corĩtu 16:11

Mreme wapu na 're hâimana mono newa, duré taré 're ihâimana mono newa, asiwi wẽ'õ za'ra wa'aba õ di za, ãma atẽme wisi za'ra wa'aba wamhã. Te za ãma ana wa'wa, rowẽ na aihawi wa'aba hã wei morĩ da apâ, we ĩtẽme wisi su'u da. Tahawa, wa zahadu a'â sô mapari za'ra, isiré romhuri'wa norĩ zô zama.

1 Corĩtu 16:12

Wasisãnawã Apolu hã wa za duré aima ãma wasu'u za'ra wa'wa. Wa tô aré nasi tãma roti u'âsi, wasiré isazei'wa norĩ siré ãma atẽme morĩ za'ra wa'aba da, te te asabu za'ra wa'aba da. Tane nherẽ, te te sima rowẽ õ di, ta norĩ siré ãma atẽme imorĩ za'ra wa'aba da hã. Marĩ hã tãma hâimana õ wapsi, te za, u, ãma atẽme timorĩ za'ra wa'wa, te te asabu za'ra wa'aba da.