Titu 3:12 - ꞌRe Ihâimana Uꞌâsi Mono Zadawa Wasuꞌu

¹² Nimahã na, wa za aibâ hã atẽme satõ, ãté Atemasi hã, ãté Tiquicu hã. Tahawa, ma'ãpé rosa'rata, we aimorĩ da, wasisõpẽtẽ da, Nicopuri na 'ri nho'õmo nhisi ãma. Taha na wa tô ĩsima rosa'rata, rowa'u'u wahâ nomro ré, tame ĩnhamra da.

Titu 3:12 ပူးပေါင်းရင်းမြစ်များ

Zezusihi zadawa wasuꞌuꞌwa norĩ nhimiromhuri na robꞌuiꞌéré 20:4

Morĩ wamhã, aibâ norĩ hã ma tô isiré ai'aba'ré. Ta norĩ nhisi za'ra hã, ãne: Sopatru hã Pirõhõ 'ra hã, Beréa ãma 're isãmra mono, duré Aristacu norĩ, Seduduhu me, Tesalonita ãma 're isimasisi zahuré mono hã, duré Gaiu, Débi ãma 're isãmra mono hã, duré Tiquicu hã Trufimuhu me, Azia ãma 're isimasisi zahuré mono hã, duré Timotiu hã.

1 Corĩtu 16:6

Tawamhã atẽme ãma ĩwisi aba wamhã, ãté wa za a'â ai'ratab za'ra wa'aba ĩhâimana hâ. Ãté rowa'u'u wahâ 're sa'wari mono ré, wa za a'â ai'ratab za'ra wa'aba ĩnhamra hâ pese za. Tamep si, te za asiwi ĩpawaptob za'ra wa'wa, nimomo ĩmorĩzéb da hã, rowẽ na ĩmorĩ da, aihawi za'ra wa'aba.

Éfézu 6:21

Tiquicu hã te za aima ĩwasu'u za'ra wa'wa, waihu'u za'ra wa'aba da, ĩhâimanazé hã. Ta hã wapawapto wẽ 'wa na 're ihâimana mono, Wanhib'apito ma romhuri'wa, wama isawi pe hã.

Colosu 4:7

Wasisãnawã Tiquicu hã, wama isawi pe hã te za aima ĩwasu'u za'ra wa'wa, ãme ĩhâimana na hã. Ta hã wasiré Wanhib'apito ma romhuri wẽ 'wa, te tô wama umnhasi sina 're hâimana.

2 Timotiu 4:12

Wa hã wa tô Tiquicu hã satõ, Éfézu na 'ri nho'õmo nhisi u morĩ da hã.

2 Timotiu 4:21

Ma'ãpé, niha asina rosa'rata, rowa'u'u wahâ 're sa'wari mono õ ré, za we i'aimorĩzéb da na hã. Wasiré isazei'wa norĩ hã te ãma asawi za'ra, Euburu norĩ hã, Pudẽti norĩ me, duré Rino, duré Claudia. Duré uburé isazei'wa hâiba amo norĩ hã te ãma asawi za'ra.

2 Timotiu 4:9

Ma'ãpé, we asima rowairébé, we ĩtẽme aimorĩ hâ, ĩzabu da.