— Tawamhã isib'apito te asa tãma tinha, ãne: “A hã ĩma romhuri wasété 'wa, te 're aimo. Aimreme wẽ õ wa, wa za aimreme hã aima sizusi, aimreme zarina te aiwẽ'õ da. Ĩte na, ma tô u, ĩwaihu, da'ãma ĩpẽ'ẽzé õ na. Wa hã wa za date hã te ĩsima 're apisutu, u, ĩte da. Duré wa za, u, te ĩsima te 're a'rãihâri, ĩte da, danho hã. Ãne ma tô ĩma inha.
Titu 3:11 - ꞌRe Ihâimana Uꞌâsi Mono Zadawa Wasuꞌu11 E marĩ wa. Tãma roti nherẽ, te te i'aiwapari õ na, waihu'u wa. Duré oto roti sena hawi sipai wamhã, te za iwasété na dasiwi hã waihu'u ni za. အခန်းကိုကြည့်ပါ။ |
Titu 3:11
13 ပူးပေါင်းရင်းမြစ်များ
— Ni'wam norĩ hã i'ra te te sina 're umnhasi za'ra mono wamhã, e 'Re ihâimana u'âsi mono hã te za te te tãma 're nharĩ za'ra, ãne: “Aiwẽ'õ za'ra wa'aba wa, wa za te 're aihâ za'ra wa'wa.” Ãne na hã te te tãma 're anharĩ mono õ di za. Tizazei'õ'wa norĩ ma si te za ãne na te te tãma 're anharĩ, i'ra te te sina 're umnhasi za'ra mono õ wa. Duré tiwasédé te te sima 're sawi pese za'ra mono wa, te za ãne na te te tãma 're anharĩ. 'Re imorĩ wẽ uptabi hã ti'ai u ma tô wei mo, rowa'a iwẽ hã. Ta hã wẽ nherẽ, da te dasiwi 're sawi pese za'ra mono õ di. Dapo're'õ u'âsi 're danomro mono wa, te robra si da te dasima 're sawi pese za'ra.
Tane nherẽ, pahi ãna ma tô Paulu norĩ hã tãma nharĩ za'ra, zudeu norĩ ma, ãne: — A norĩ wa'aba ma, uimrehẽne wa tô aima rowasu'u za'ra wa'aba ni, 'Re ihâimana u'âsi mono zadawa wasu'u na hã. Tane hã tô, wẽ di. Tane nherẽ, taré newa, ma tô asiwi iwẽ'õ za'ra wa'wa, iwasu'uwẽ hã. Tahawa, ibâi õ di, hâiwa ãma rowẽ ãma 're i'aihâimana u'âsi za'ra wa'aba mono zéb da hã, 'Re ihâimana u'âsi mono 'rata. Tahawa, wa za airẽme za'ra wa'aba ni, zudeu'õ norĩ ma, wa te tãma 're rowasu'u za'ra mono da oto.
Duréihã 'Re ihâimana u'âsi mono nhimiroti na ma tô Mozési hã rob'ui'éré, zudeu norĩ ma, õhõ na si ãma 're hâimana za'ra mono da. Tahawa, 'Re ihâimana u'âsi mono nhimiroti 'rata na rob'ui'éré hã 're hâimana siromo mono wa, ni'wa hã tiwẽ na 're imorĩ wasété õ na dama 're siwasu'u waihu'u mono õ di. Uburé dawasété na 're dasisãmri za'ra mono da si, te dama 're hâimana, rob'ui'éré 'rada hã, duré 'Re ihâimana u'âsi mono, dawasété na te te 're ida'awẽ'õ mono zé hã da te dasina 're waihu'u za'ra mono da.
Ãhã wasu'u na te za asimi'madâ'â norĩ hã ãma 're ipo're pu'u za'ra mo. Te za duré aihâimana prédup sina tãma 're i'aroti mo, 'Re ihâimana u'âsi mono nho'a 're wahâimana za'ra mono nherẽ, taré marĩ wasu'u na 're sisada'âbâ za'ra mono tõ da. Dasisada'âbâzé hã wẽ õ wa, taha zarina 're dahâimana za'ra mono wamhã, te za dawi 're si'utõrĩ za'ra, dahâimana wẽ zé hã.
Tahawa, te za ta norĩ wi 're i'azawi mo, aimawi na isazei'wa norĩ ma te te 're rowasu'u za'ra mono tõ da. E marĩ wa. Ta norĩ nhimirowasu'u zarina, ma tô ni'wam norĩ hã 're sipa za'ra, roti tô senai'õ niwĩ, damama siré 're idahâimana za'ra mono norĩ hã. Aimawi rowasu'u'wa norĩ hã te rob'uiprazé hã da te tãma 're sõmri za'ra mono da, te te sima 're rosa'rata za'ra, rowahutu wa'rãmi.
Ni'wam norĩ hã Cristuhu wasu'uwẽ, sena na 'râwi te te sina 're waihu'u pese za'ra mono nherẽ, duré te te sima 're iwẽ za'ra mono zéb zarina, 're ihâimana wasété 'rata za'ra mono zém na si 're hâimana u'âsi za'ra mono wamhã, marĩ hã 're 'maihâimana mono õ di, ta norĩ da hã, iwasédé te te tãma 're ipari za'ra mono zéb da hã, ta norĩ ma.
ကြော်ငြာတွေ