Titu 2:15 - ꞌRe Ihâimana Uꞌâsi Mono Zadawa Wasuꞌu

¹⁵ Ĩnhimiroti zarina si, te za 're ida'apawapto mo, Wanhib'apito ãma 're danomro wẽ mono da. 'Re danomro wasété mono tõ da, te za dawi 're i'azawi pese mo. Wanhib'apito zadawa para te za aimreme pire na si dama 're i'aroti mo, asimiroti wapu wa, da te dasiwi 're aiwẽ'õ mono tõ da, dama 're i'aroti mono zém na hã.

Titu 2:15 ပူးပေါင်းရင်းမြစ်များ

Mateu 7:29

'Re ihâimana u'âsi mono nhimiroti 'rata na rob'ui'éré na dama rowahutu'wa norĩ, simirowasu'u wapure na te te dama 're irowahutu za'ra mono ne, te te dama 're rowahutu mono õ di, Zezusi hã. Simirowahutu pire uptabi na ma tô te te dama 're rowasu'u. Tahawa, ma ãma tatob'uzu za'ra ni, dama iwaihu'u'õ hã te te dama wasu'u wa.

Marcu 1:22

'Re ihâimana u'âsi mono nhimiroti 'rata na rob'ui'éré na dama rowahutu'wa norĩ nhimirowasu'u nei õ di, Zezusi te te dama 're irowahutu mono zé hã. Simirowahutu pire na te dama hã rowahutu. Simirowasu'u wẽ wa, ma tô duré ãma tatob'uzu za'ra ni.

Marcu 1:27

Tawamhã ma ãma tatob'uzu za'ra ni. 'Râwi te ãma dasima rowasu'u za'ra ni, ãne: — Õ hã, e niha. Wama isa'rese õ na, te wama rowahutu za'ra. Wa'uburé norĩ ma, te te rob'rui wamhã, ma tô duré wapari za'ra, imreme hã.

Luca 4:36

Tawamhã da te 'madâ'â za'ra wamhã, ma ãma tatob'uzu za'ra ni, uburé. Tahawa, te ãne dasima nharĩ za'ra ni: — Õ hã mreme pire di. Waihu'u pese di. Dahawi si'aba'ré da, te za tãma rob'ru za'ra. Tawamhã te za dahawi ai'aba'ré.

1 Corĩtu 16:11

Mreme wapu na 're hâimana mono newa, duré taré 're ihâimana mono newa, asiwi wẽ'õ za'ra wa'aba õ di za, ãma atẽme wisi za'ra wa'aba wamhã. Te za ãma ana wa'wa, rowẽ na aihawi wa'aba hã wei morĩ da apâ, we ĩtẽme wisi su'u da. Tahawa, wa zahadu a'â sô mapari za'ra, isiré romhuri'wa norĩ zô zama.

1 Timotiu 5:20

Tawamhã tô sena tiwasédé hã te te 'manharĩ wamhã, te za isazei'wa norĩ nho'a tãma iroti, tiwasété na te te ãma sahu tõ da. Danho'a te za tãma iroti, isipai u da'madâ'â'wa hâiba amo norĩ hã sina 're hâtâ'â za'ra mono wa, isine tiwasédé hã te te 're 'manharĩ za'ra mono tõ da, ta norĩ hã.

Titu 1:13

Isimirowasu'u hã tô sena. Tahawa, aimreme pire na te za isazei'wa norĩ ma 're i'aroti mo, Wanhib'apito nhimiroti si te te 're sazei pese za'ra mono da, robze sina ãma 're hâimana za'ra mono da.

1 Pedru 4:11

Tawamhã dama 're rowahutu za'ra wa'aba mono wamhã, duré dama 're roti za'ra wa'aba mono wamhã, timreme te te aima 're isõmri za'ra wa'aba mono na si, te za dama 're irowasu'u za'ra wa'aba mo. Duré aihâiba na zama 're dapawaptob za'ra wa'aba mono wamhã, 'Re ihâimana u'âsi mono, tinhiptede te te aima 're isõmri za'ra wa'aba mono na, te za 're idapawaptob za'ra wa'aba mo. Ãne na hã te za dama ãma 're i'uwaimrami za'ra wa'aba mo, 'Re ihâimana u'âsi mono ãma 're dawata za'ra mono da, Zezu Cristuhu nhib'a'uwẽ 're aihâimana za'ra wa'aba mono wa, dama ãma 're i'uwaimrami za'ra wa'aba mono zém na. 'Re ihâimana u'âsi mono hã wẽ uptabi wa, duré waihu'u pese uptabi wa, wa za ãma 're wawata u'âsi za'ra.