Tiagu 5:5 - ꞌRe Ihâimana Uꞌâsi Mono Zadawa Wasuꞌu

⁵ Ti'ai ãma te asibro hã asima si 're i'ubumroi pese za'ra wa'aba mo, asima ãma 're rowẽ za'ra wa'aba mono da, asibrom na. Wa za aima ãma romnhimiré'é za'ra wa'wa, ãne. Powawẽ hã hâipese wamhã, romhutu di oto, da te iwĩrĩzéb da hã. Tane, romhuture di oto, 'Re ihâimana u'âsi mono hã dazu te te i'aihâ za'ra wa'aba zéb u hã.

Tiagu 5:5 ပူးပေါင်းရင်းမြစ်များ

Provébiu 17:1

I'u'ẽtẽ wapu wẽ'ẽi 'ré si, da te 're huri mono nherẽ, dapẽ'ẽ 're dama 're irowẽ za'ra mono si, wẽ uptabi di. 'Ri 're dasa isa'ẽtẽ na 're dasaihuri u'âsi mono nherẽ, ãma 're idasihâ za'ra mono hã, taha si wẽ'õ di.

Provébiu 7:14

— Ĩnhorõwa ãma te romnhi hã tihâiba, ã bâtâ na hã 'Re ihâimana u'âsi mono ma, te iropisutuzé te tãma ãma i'uwaimramizéb da hã, danhoprubzé ãma dama 're irowẽ za'ẽtẽ za'ra mono zé hã.

Luca 16:19

Tawamhã Zezusi hã te duré tãma rowasu'u za'ra, farizeu norĩ ma, ãne: — Aibâ hã te 're mo, isibro pe hã. Zazahâ iwa'âbâ za'ẽtẽ na si, te 're si'uza. Duré dasa iwẽ uptabi na si, te 're sa.

Luca 16:25

— Tahawa, ma tô Abra'ã hã asa tãma tinha, isibro pese ma, ãne: “Ĩnhihudu, aihâiba ré, aima 're rowẽ mono di. Uburé marĩ iwẽ hã ma tô asô 're simi'wara. Lazaru ma hã, marĩ iwasétére si, ma tô da te tãma 're sõmri za'ra. Ãhã na hã rowẽ na te oto 're hâimana. A hã te oto tô ropipa hã 're isépata mo.

Roma 13:13

Wawasété ãna, wa za oto 're wanomro wẽ, rowa'a na 're idanomro mono ne. Âzé wa te dame 're âhuri mono õ di za, dato iwasété u 're dasi'rã'õtõ mono wa, siwa'ru da te 're i'âhuri mono ne, 're wa'rã siwamnarĩ tõ za'ra mono da. Duré siwa'ru wahâimanazé iwasédé hã wa te 're 'manharĩ u'âsi za'ra mono õ di za, pi'õ na aibâ na zama. Duré marĩ na 're iwasiwẽ'õ za'ra mono hawi, wa te wasima 're nharĩ za'ra mono õ di za. Duré marĩ na 're wasi'ruiwapari za'ra mono õ di za.

1 Timotiu 5:6

Pi'õi mrotõ hã, ãté ãne 're 'maihâimana mono õ di za. Ãté marĩ zô si te za sina 're simnhasi u'âsi. Ãne wamhã, ipẽ'ẽ 're dâ'â u'âsi ne, te za oto 're 'maimo.

2 Timotiu 3:4

Duré dasiré nherẽ, te za 'râwi dasisada 're dahâimana za'ra. Duré dapẽ'ẽ 're, rosa'rata waptu na, marĩ iwasédé hã te za da te 're 'manharĩ za'ra. Duré danhipai u dawaihu'u pese newa, te za 'râwi dapẽ'ẽ na dasina 're dawata za'ra. Duré 'Re ihâimana u'âsi mono zawi'wa, 're danomro mono õ di za. Taha upana, te za ti'ai ãma marĩ da te dasima 're iwẽ za'ra mono zô si dasima 're darĩtĩ za'ra.

Zuda 1:12

A norĩ wa'wa hã te asiré isazei'wa norĩ me 're asisawi za'ra wa'aba mono sina, asa hã asima 're i'manharĩ za'ra wa'aba mo, simisutu. Tane nherẽ, te iwasété norĩ hã atẽme 're sihutu 'wa, asa hã asima 're 'manharĩ za'ra wa'aba mono ré. Siséb za'ra õ zarina te ta norĩ hã te te aiwi 're ro'wa'rutu za'ra wa'wa, siwa'ru. A norĩ wa'wa hã zazahâ ihâirã ne te 're aihâimana wẽ za'ra wa'aba mo, iwẽ na si. Tane nherẽ, ta norĩ hã zazahâ ihâirã, da te 're ihâ'uptob za'ra mono ne, te 're hâimana wasété za'ra, sima si te te 're rosa'rata wasété za'ra mono wa. Ta norĩ hã hâiwa nhirõno hã, tã ihawi 're ta'a za'ra mono ãna, rowa'u te te 're i'mapraba za'ra mono ne, marĩ iwẽ hã te te 're 'manharĩ za'ra mono õ di. Duré rob'rã, 're i'rã prédu mono zéb u, wede hã 'rãi ãna 're isimasa mono ne, duré da te oto 're sariza'o'o za'ra mono wa, 're i'ré pese za'ra mono ne, marĩ iwẽ hã te te 're 'manharĩ za'ra mono õ di, ta norĩ hã.

Apocalipsi 18:7

Ta norĩ hã ma tô sina 're wata pese za'ra. Tinhimirosa'rata wasété zarina ma tô sina 're hâimana wasété uptabi za'ra. 'Re ihâimana wasété za'ra mono zarina, te za aiwab da, tãma 're irob'manharĩ wasété za'ra wa'aba mo, te te 're robzépata za'ẽtẽ za'ra mono da, duré tiwi 're robzei'õ pese za'ra mono da. Tawamhã pi'õ te nasi si'ãma tinha, ãne: Wa hã dama ĩpire na, wa 're ĩnhamra. Duré imrotõ hã timro zô 're isiwa'õ za'ra mono ne, 're ĩhâimana mono õ di. Ĩsiré norĩ hã ahâ uptabi di. Niwamhã ĩwi robzei'õ waihu'u õ di za. Ãne te pi'õ hã si'ãma nasi tinha, Babilonia ãma 're idahâimana za'ra mono norĩ ãma isimiré'é na.

1 Samuéu 25:36

Tawamhã Abigaiu ma tô mo apâ, timro Nabauhu u hã. Ta hã dasa isa'ẽne hã apito te te sima 're i'manharĩ za'ra mono ne, 'ri paramhã te te 'manharĩ ré, ma itẽme wi, imro hã. Tahawa, ma tô si'rãiwamna. To ti duré. Tawamhã imro Abigaiu niha hã marĩ te te tãma wasu'u õ di. Awẽm na isi'rãiwamnarĩ zahu õ zéb ãmap si ma tô uburé tãma wasu'u. Tahawa, ma tô õne haré timorĩ'õ, siri siwamnarĩ wa.

1 Samuéu 25:6

Taha pari, te za oto tãma irowasu'u za'ra wa'wa ãne: Ĩsiwaihu, Dawi hã te we asawi. Rowẽ na 're aihâimana mono da si, te we aima tinha, ai'ra norĩ zama duré uburé aima 're ihâimana za'ra mono norĩ zama.