Tiagu 5:4 - ꞌRe Ihâimana Uꞌâsi Mono Zadawa Wasuꞌu

⁴ Aiburu na romhuri'wa norĩ hã 're pawa'âbâ za'ra wa'aba mono õ di. Õhõta te aiwapsari za'ra. Hâiwa hawi te za dawapa, amnho ubumroi'wa norĩ 're isiwapsari za'ra mono zé hã 'Re ihâimana u'âsi mono, danhipai u iwaihu'u pe hã.

Tiagu 5:4 ပူးပေါင်းရင်းမြစ်များ

Zenezi 4:10

Tawamhã 'Re ihâimana u'âsi mono te ãne tãma tinha: — E marĩ da, ma tô ãne hã i'manha. Asisãnawãi wapru te ti'ai hawimhã 're sadari. Te duré waptẽ, ti'ruiwa'âbâzé hã.

Ezodu 3:9

Sena na da te pawaptob za'ra da, ĩnhib'a'uwẽ nhimirowaptẽrẽ zahi za'ra zé hã wa tô te 're wapari. Ezipsiu norĩ te te tãma 're irob'manharĩ wasété za'ra mono zém na hã wa tô duré te 're 'madâ'â za'ra.

Mateu 9:37

Tawamhã tisiré 're inomro mono norĩ ma, te tinha, ãne: — Amnho hã sa'ẽtẽ uptabi di, da te 're i'ubumroi mono da hã. Tane nherẽ, sada hã da'umrore di, i'ubumroi'wa da hã.

Luca 18:7

Wẽ prã zahã, te za, u, imrotõ hã pawapto. E bété tinhib'a'uwẽ hã te te 're pawaptob za'ra mono õ di za, 'Re ihâimana u'âsi mono hã. Ãté rowa'a na, ãté bara na te za sô 're hãsi, te te 're pawaptob za'ra mono da. E bété te te 're pawaptop su'u za'ra mono õ di za.

Roma 9:29

Izaia hã ma tô duré ãne na rob'ui'éré: “Wanhib'apito hã danhipai u isiptete uptabi, te 're hâimana. Õ hã uburé wahi'rata norĩ hã zudeu norĩ hã te te wawi 're a'uprosi mono 'wa'âhã, wa aré wasiré zudeu norĩ hã 're wasi'utõrĩ pese, Sodoma ãma uburé idasi'utõrĩ ne, duré Gomora ãma idasi'utõrĩ ne. Tane nherẽ, ma tô ni'wam norĩ ãma tipẽ'ẽzé za'ra, te te sõ'reptu za'ra da, uburé si'utõrĩ tõ da, wasiré zudeu norĩ hã.”

Colosu 4:1

Danhib'apito norĩ, pawa'âbâ ãna aima romhuri'wa norĩ ma, te za 're i'manharĩ wẽ u'âsi za'ra wa'aba mo, i'uwaibaba na si. Asib'apito za'ra wa'wa hã hâiwa ãma 're isãmra mono hã te te 're ai'madâ'â u'âsi za'ra wa'aba mono na, asina 're waihu'u za'ra wa'aba mono wa, te za ãne na hã tãma 're i'manharĩ wẽ u'âsi za'ra wa'aba mo, aima romhuri'wa norĩ ma hã.