Tiagu 5:1 - ꞌRe Ihâimana Uꞌâsi Mono Zadawa Wasuꞌu

¹ Asimarĩ ahâ na 're aihâimana za'ra wa'aba mono norĩ, ma'ãpé ĩwapari pese za'ra wa'aba. Niwapsi te za robzei'õ hã 're isépata za'ra wa'aba mo. Tahawa, te za ãne wana ré asina 're ai'ru'ru siromo aba mo.

Tiagu 5:1 ပူးပေါင်းရင်းမြစ်များ

Provébiu 11:28

Ni'wa, tinhimarĩ te te 're i'umnhasi mono hã te za 're waptã'ã. Tane nherẽ, sena na 're ihâimana za'ra mono norĩ si te za wesuirã isu tém ne rowẽzé hã te te sina tãma 're hâimo za'ra.

Provébiu 11:4

'Re ihâimana u'âsi mono, niha na te te dama i'arowairébézé bâtâ 'remhã, danhimarĩ hã marĩ dai õ di. Tane nherẽ, i'uwaibaba na si 're idahâimana za'ra mono zép si te za 're idadâ'â za'ra mono zé wi te te 're da'azani.

Zuéu 1:11

Buru na romhuri'wa norĩ, asihâzé za'ra wa'aba. Duré uwa'ru 'madâ'â'wa norĩ, ai'ru'ru wa'aba. E marĩ wa. Hâimana õ wa oto, amnho trigu hã, duré cewada hã. Uburé ma si'utõrĩ pese, da te 're itehâri za'ra mono hã.

Zuéu 1:13

Sasedoti norĩ, wedezane 'manharĩ nhisiwi, danhoprubzé 're isa'ra za'ra wa'aba mono norĩ, ma'ãpé zazahâ hâiro na asi'uza za'ra wa'aba, iré ai'ru'ru wa'aba da. 'Re ihâimana u'âsi mono ma da'ãma romhuri'wa norĩ, we ai'aba'réi wa'aba, 'ri zahâpâ u, ai'ru'ru wa'aba da marabâre, 'Re ihâimana u'âsi mono nhorõwa 'ri 'rãihâ ãma. E marĩ wa. Wate 'Re ihâimana u'âsi mono nhorõwa ãma hã amnho na duré uwa 'rãi wa'u isé na danhoprubzé hã hâimana õ wa oto.

Zuéu 1:5

Ma'ãpé âzé hâsi za'ẽtẽ 'wa norĩ, atopo'o za'ra wa'aba! Duré rob'rãi wa'u isé zei'wa norĩ, ma'ãpé ai'utu za'ra wa'aba, ai'ru'ru wa'aba da. E marĩ wa. Uwa 'rã hã ma tô oto ai'utõrĩ pese. Tahawa 're i'âhuri aba mono da hã tô oto 'maihâimana õ di.

Tiagu 1:11

Bâdâ hã 'rãi watobro wa, duré ro'o wa'ro uptabi wa, te za rob're hã dawi 're 'ré za'ra. Isirãrã zama te za 're a'a, ti'ai u hã. Tawamhã dama 'madâ'â ze nherẽ, tâibâ za oto isirãrã hã. Tane isibro pese norĩ hã rob're 're isi'utõrĩ su'u za'ra mono ne, tinhimiromhuri te te 're 'madâ'â za'ra mono zawéré ré, te za 're dâ'â za'ra.

Tiagu 2:6

Tane nherẽ, ma tô a norĩ wa'wa hã isibrob'õ norĩ hã 're ihâiba wazéb'õ za'ra wa'aba mo. Ma'ãpé rosa'rata za'ra wa'aba. E 'wam norĩ hã te bété te te 're aiwati pese za'ra wa'wa. Duré e 'wam norĩ hã ma tô datẽme te te 're asimroi wa'wa, da'ãma rowairébé'wa norĩ u, ipipa na te te ai'ãma 're rowairébé za'ra wa'aba mono da. Isibro pese norĩ si, ma tô ãne na te te aima 're rob'manharĩ wasété za'ra wa'wa.

Tiagu 4:13

Ma'ãpé ĩwapari pese za'ra wa'aba. Ãté ãne te za asisõwa wa'aba, dama 're asiwasu'u za'ra wa'aba mo: “Ãté ãhã na 'ri ahâ u wa za ai'aba'ré ni, niha wamhã awẽ. Tame te za misi wa'ãma tiwahu, rob'uiprazéb zô wa te romhuri za'ra ré, wa te wasima sa'ẽtẽ za'ra da, rob'uiprazé hã.” Ãté ãne te za dama 're asiwasu'u za'ra wa'aba mo. E awẽmhã niha ai'ãma iromhâimana za'ra wa'aba zé hã aima waihu'u pese za'ra wa'aba bâ, te za ãne dama 're asiwasu'u za'ra wa'aba mo. Aihâimana za'ra wa'aba zé hã aiwa romnhizédé ne. Romnhizé hã 're hâimana za'ra mono wamhã, te za awa'awi 're si'utõrĩ. Tane 're aihâimana za'ra wa'aba mono zé hã, aiwa romnhizédé ne te za aiwi 're si'utõrĩ su'u za'ra wa'wa.

Tiagu 4:9

Aiwasété na 'râwi 're asisãmri za'ra wa'aba mono wa, te za 're ai'ru'ru wa'aba mo. Rowẽ te, aipẽ'ẽ 're, 're ato za'ra wa'aba mono õ di za a'â. Robzei'õ na te za a'â 're aihâimana za'ra wa'aba mo.