Tiagu 4:9 - ꞌRe Ihâimana Uꞌâsi Mono Zadawa Wasuꞌu

⁹ Aiwasété na 'râwi 're asisãmri za'ra wa'aba mono wa, te za 're ai'ru'ru wa'aba mo. Rowẽ te, aipẽ'ẽ 're, 're ato za'ra wa'aba mono õ di za a'â. Robzei'õ na te za a'â 're aihâimana za'ra wa'aba mo.

Tiagu 4:9 ပူးပေါင်းရင်းမြစ်များ

Neemia 8:9

Tawamhã 'Re ihâimana u'âsi mono nhimiroti na rob'ui'éré, da te wapari za'ra wamhã, ma tô ta'ru'ru ni. Tawamhã Neemia dama i'rãnho'u hã, Esdra, 'Re ihâimana u'âsi mono nhimiroti waihu'u wẽ 'wa uptabi hã, duré levita norĩ hã, rob'ui'éré na te te ãma dama saprĩ za'ra da, ihâimana za'ra norĩ hã ma tô dama nharĩ za'ra ãne: — Ã hã bâdâ iwazéb zahi, te tihâiba, Uburé Danhib'apito, wate 'Re ihâimana u'âsi mono ma. Tahawa a norĩ wa'aba wi aiwi irobzei'õ za'ra wa'aba da hã mare di za. Duré nasi i'ai'ru'ru wa'aba da hã mare di za.

Salmu 119:136

Ĩtõmo'u te panho'õmo ne ĩwi 're praba, asimiroti da te dasiwi 're 'madâ'â pese mono õ wa.

Salmu 119:67

Ĩ'azâri wana ré, wa tô ĩhâimanazém na te 're upa. Tane nherẽ, wa oto ãhã na hã aimreme te 're i'madâ'â pese mono na 're mo.

Salmu 119:71

Tô ĩma hã wẽ di, ĩma irob'manharĩzé hã, taha zarina asimiroti si te 're iwaihu'u mono da hã oto.

Provébiu 14:13

Ni'wai pẽ'ẽ 're robzei'õ tãma 're hâimana mono nherẽ, 're isihâ mono na si, ãté te za taré te te 're suwa. Duré ni'wa toi u'âsi 're ihâimana mono zé tiwi si'utõrĩ wamhã, ãté te za robzei'õ hã itẽme 're simasisi, isõwa're're tãma ihâimana da hã.

Mateu 21:41

Tawamhã asa te tãma nharĩ za'ra: — Buru tede'wa hã ãma pẽ'ẽzé za'ra ãna, te za dama 'ru za'ra, da te dasiwi uprosi da, aibâ iwasété uptabi norĩ hã. Tawamhã te za duré da'apisutu, dama i'umnha hã tãma iburu 'madâ'â'wa da hã. Ta norĩ hã te za i'uwaibaba si te te tãma ãma 're amo za'ra, uwa 'ru 'rã hã, 're 'rã prédub za'ra mono wamhã.

Mateu 5:4

— Duré, ni'wam norĩ hã ti'ab ré dawasété u'âsi 're danomro mono wa, da'ãma 're ipẽ'ẽzé za'ra mono norĩ hã ta norĩ ma si tãma 're rowẽ za'ẽtẽ za'ra mono di za. Ta norĩ ma si te za 'Re ihâimana u'âsi mono hã te te tãma 're pisutu za'ra, toi u'âsi ãma 're ihâimana za'ra mono zéb da hã.

Luca 16:25

— Tahawa, ma tô Abra'ã hã asa tãma tinha, isibro pese ma, ãne: “Ĩnhihudu, aihâiba ré, aima 're rowẽ mono di. Uburé marĩ iwẽ hã ma tô asô 're simi'wara. Lazaru ma hã, marĩ iwasétére si, ma tô da te tãma 're sõmri za'ra. Ãhã na hã rowẽ na te oto 're hâimana. A hã te oto tô ropipa hã 're isépata mo.

Luca 6:21

— Ãté mra, te oto 're isépata za'ra wa'aba mo. Tane nherẽ, te za robze na 're aihâimana za'ra wa'aba mo. Niwapsi mra hã, ahâ di za. — Ãté te oto 're ai'ru'ru wa'aba mo, aipẽ'ẽzé za'ra wa'aba wa. Tane nherẽ, te za robze na 're aihâimana za'ra wa'aba mo. Niwapsi te za aipẽ'ẽ 're, 're ato za'ra wa'aba mo, rowẽ te.

Luca 6:25

— Ãté asai ahâ na, te a'â 're aihâimana za'ra wa'aba mo. Niwapsi, te za mra hã 're isépata za'ra wa'aba mo. Tawamhã te za robzei õ na 're aihâimana za'ra wa'aba mo. — Ãté rowẽ te, te a'â aipẽ'ẽ na 're ato za'ra wa'aba mo. Niwapsi te za robzei ãna 're asimroi wa'aba mo. Tawapsi te za duré 're ai'ru'ru wa'aba mo.