Wa za duré aima pisutu 'wa, asi'rui wa'aba na asisada 're aihâimana aba mono da hã. Tawamhã ãne zarina te za asihudu norĩ wa'aba zama si'ru na hã sisada 're hâimana za'ra. Ãhã pi'õ nhihudu norĩ hã te za zahadu wapsi siwi ai'rãihâpâ. Tawamhã a hã te za duré pi'õ nhihudu norĩ hã ipara na'rata wi hã 're i'ahâzu mo.
Tiagu 4:4 - ꞌRe Ihâimana Uꞌâsi Mono Zadawa Wasuꞌu4 E Wamama nhimiroti hã 're 'madâ'â za'ra wa'aba mono bâ, te isazei'õ'wa norĩ nhimiroti si bété, 're i'madâ'â pese za'ra wa'aba mo. Ãne wamhã, Wamama zawi'wa 're aihâimana za'ra wa'aba mono õ di za. E ãne na aima waihu'u za'ra wa'aba õ di bété. Isazei'õ'wa norĩ nhimiroti si, da te dasima 're wẽ za'ra mono wamhã, Wamama ãma te za 're danhitob'ru za'ra. အခန်းကိုကြည့်ပါ။ |
Tiagu 4:4
24 ပူးပေါင်းရင်းမြစ်များ
Tawamhã Zezusi hã te asa tãma nharĩ za'ra, ãne: — Nimosi aipoto té wa'aba mono hã, i'aihâimana wasété za'ra wa'wa. 'Re ihâimana u'âsi mono zô 're asimipari za'ra wa'aba mono zahã, ma tô ĩwi iwaptẽrẽ za'ra wa'wa, marĩ dama i'manharĩ waihu'u'õ hã te 'manharĩ da, asõ'a za'ra wa'aba, 'Re ihâimana u'âsi mono zadawa para, te dama 're i'ab'manharĩ mono na sena na hã ãma ĩwaihu'u za'ra wa'aba da. Tane nherẽ, ãhã na hã marĩ hã te 'manharĩ õ di za. Ãne si wa za a'â aima waihu'u za'ra wa'wa. Duréihã Zona hã 'Re ihâimana u'âsi mono zadawa 'mahârâ 'rata 'wa hã si'ubdatõ ma tô bâdâ hã ãma ai'utõ, tebe isa'ẽtẽ di'i 're, hâimana ré hã. Taha parimhã, ma tô 'Re ihâimana u'âsi mono hã sõ'reptu. Â zada'ré u ma tô tebe hã, Zonahã ré rob u iré 'rãiwatobro. Tane duré, ti'ai ãma Dasiré Ipodo hã si'ubdatõ bâdâ hã te za ãma ai'utõ, dâ'â wa, ab're 're nomro ré hã. Taha parip si, te za duré hâiwa'udu, apâ. Ãne wapsi, te za oto iwaihu'u za'ra wa'wa, 'Re ihâimana u'âsi mono hawi sena na we imorĩ na hã.
Nimosi aipoto té wa'aba mono hã i'aihâimana wasété za'ra wa'wa. 'Re ihâimana u'âsi mono zô, 're asimipari za'ra wa'aba mono zahã, te ĩma i'ru za'ra wa'wa, marĩ dama i'manharĩ waihu'u'õ hã te aima 'manharĩ za'ra wa'aba da. Tane nherẽ, te 'manharĩ õ di za. Duréihã Zonahã ma iromhâimanazém na si te za ãma aipo're pu'u za'ra wa'wa, 'Re ihâimana u'âsi mono, marĩ dama i'manharĩ waihu'u'õ hã te te tãma i'manharĩzém na. Tawamhã Zezusi hã te oto tiwi timorĩ za'ra, nimomo morĩ da.
— Dama romhuri'wa isib'apito maparane tãma 'maihâimana wamhã, aiwa te te tãma 're 'mairomhuri wẽ mono õ di za, tinhib'apito zahuré ma hã. Isib'apito maparane wamhã, sahuré te te 're sawi pese zahuré mono õ di za. Misi te za te te 're sawi pese. Ihâiba amo si te za te te siwi 're wẽ'õ. Duré sahuré te te 're wapari pese zahuré mono õ di za, romhuri'wa hã. Misi te za te te 're wapari pese. Ihâiba amo si te za te te 're 'ruiwapari. Tane, a norĩ wa'wa hã rob'uiprazéb zô si, asima 're romhuri za'ra wa'aba mono wamhã, 'Re ihâimana u'âsi mono ma, 're romhuri wẽ waihu'u za'ra wa'aba mono õ di za.
Ĩzazei'õ'wa norĩ niwĩ 're anomro u'âsi aba mono 'wa'âhã, te aré da te dasiwi 're asawi pese za'ra wa'wa. Tane nherẽ, a norĩ wa'wa hã ĩzazei'õ'wa norĩ niwĩ 're anomro aba mono õ di oto. Wa hã wa tô aipisutu za'ra wa'wa, ĩniwĩp si 're anomro aba mono da. Tahawa, te za tô ĩzazei'õ'wa norĩ hã te te siwi 're ai'ruiwapari u'âsi za'ra wa'wa, isiniwĩ 're anomro u'âsi aba mono õ wa.
Ni'wam norĩ hã siwa'ru 'râwi te te sima 're iwẽ za'ra mono zéb zarina si, te te 're rosa'rata wasété u'âsi za'ra mono wamhã, ta norĩ hã te za 'Re ihâimana u'âsi mono nhitob'ru 're hâimana za'ra. Ta norĩ hã 'Re ihâimana u'âsi mono nhimiroti te te 're 'madâ'â za'ra mono õ di. Te te duré 're 'madâ'â waihu'u za'ra mono õ di.
E niha tawamhã ti'ai ãma rowaihu'u pese 'wa norĩ nhimirowaihu hã. Ta hã 'Re ihâimana u'âsi mono ma hã tarére. Duré danhimiroti waihu'u nhipese na, 'râwi da te dasima ãma 're iroti za'ra mono zé hã tarére tãma hã. Uburé danhimirowaihu'u nhipese na dahâimanazé hã wapure di tãma hã, 'Re ihâimana u'âsi mono waihu'u pese ma hã. Ãne, 'Re ihâimana u'âsi mono hã tiwaihu'u pese na te te dama 're i'ab'manharĩ mono zéb zarina, wa tô waihu'u za'ra ni.
Tinhimirosa'rata waihu'u pese na ma tô 'Re ihâimana u'âsi mono hã sima pisutu, dasi'uihâ na danhimirosa'rata waihu'u pese na 'râwi da te 're waihu'u za'ra mono tõ da, 'Re ihâimana u'âsi mono hã. Zezusi hã dazada idâ'âzé wasu'u hã, wa te dama 're iwasu'u za'ra mono hã taré newa te dasima da te ãma 're rosa'rata upai u'âsi za'ra. Tane nherẽ, 'Re ihâimana u'âsi mono, ma tô sima pisutu, taha wasu'u na si te te 're anho'reptui mono da, te te sina 're i'umnhasi za'ra mono norĩ hã.
E ĩnhimiroti na ĩ'ãma 're idawata za'ra mono zéb zô, wa ĩsina 're ĩnhimipari. Mare di. 'Re ihâimana u'âsi mono si ĩ'ãma 're iwata mono zéb zô si, wa ĩsina 're ĩnhimipari. Ti'ai ãma ĩ'ãma 're dawata za'ra mono da, 'râwi ĩsi'uihâ na te ĩsina 're rosa'rata mono 'wa'âhã, Zezu Cristuhu ma romhuri'wa, 're ĩhâimana mono õ di aré.
Ãne 're hâimana za'ra mono õ di za, 'Re ihâimana u'âsi mono nhimiroti 'madâ'â pese 'wa norĩ hã. Ãne te za ta norĩ hã 're hâimana za'ra. Imama'õ norĩ hã duré ina'õ norĩ hã te za te te 're pawaptob za'ra. Pi'õi mrotõ norĩ zama te za duré te te 're pawaptob za'ra, ropire hã tãma 're hâimana za'ra mono wamhã. Tihâimanazém na te za duré 're sipibui pese za'ra, Wanhib'apito zazei'õ'wa norĩ nhimirosa'rata zarina 're hâimana wasété za'ra mono tõ da. Ãne wamhã, te za Wamama hã te te 're da'awaihu'u, tô sena isimiroti 'madâ'â pese 'wa 're idahâimana za'ra mono na hã.
ကြော်ငြာတွေ