Tiagu 4:3 - ꞌRe Ihâimana Uꞌâsi Mono Zadawa Wasuꞌu

³ Ãté te za asima si tiwi 're irowaptẽrẽ za'ra wa'aba mo. Tane nherẽ, asimirosa'rata wasété zarina, tiwi 're rowaptẽrẽ za'ra wa'aba mono wamhã, te te aima 're sõmri za'ra wa'aba mono õ di za.

Tiagu 4:3 ပူးပေါင်းရင်းမြစ်များ

Provébiu 1:28

Tahawa, ĩzô aihârâ za'ra wa'aba wamhã, wa hã Rowaihu iwẽ hã te ãma i'asada'âbâ za'ra wa'aba da hã mare di za. Duré ĩzô 're airĩtĩ za'ra wa'aba mono nherẽ, asiwi ĩnhopẽtẽ aba da hã mare di za.

Provébiu 15:8

Danhimizama zada iwasété norĩ, Uburé Danhib'apito ma, te te 're isõmri za'ra mono hã tãma 'ru ti. Tane nherẽ, iwẽ norĩ, tãma 're imreme zusi mono zép si, tãma wẽ uptabi di.

Provébiu 21:13

Ni'wa isimarĩ'õ norĩ hârâ te te wapari tõ da, sipo're nhidâ wamhã, õhõ hârâ zama duré da te isada'âbâ da hã mare di.

Provébiu 21:27

Danhimizama zada iwasété norĩ, Uburé Danhib'apito ma da, te te 're isõmri za'ra mono, tãma hã 'ru ti. Duré da te dasima 're irosa'rata waima za'ra mono zarina, da te 're sõmri za'ra mono wamhã, ta hã wasété uptabi di.

Mateu 20:22

Tawamhã Zezusi hã te i'ra norĩ ma oto rowasu'u zahuré, ãne: — E marĩ da, te rosa'rata ãna asina ĩzadanharĩ 'wa. Wa hã wa za robzépata za'ẽtẽ, dawi ĩsisawi ãna. E tawamhã sada asiptete aba di, za te irobzépata za'ẽtẽ ne, irobzépata aba da hã. Tawamhã asa te tãma nharĩ zahuré, Zebedehe 'ra norĩ hã: — Ĩhe. Sada wanhiptete di za, asine wa te irobzépata da hã.

Marcu 10:38

Tawamhã te duré asa tãma nharĩ zahuré, ãne: — Rosa'rata ãna te ãne asina ĩzadanharĩ 'wa. Wa hã wa za robzépata za'ẽtẽ, dawi ĩsisawi ãna. E tawamhã sada asiptete aba di za, za te irobzépata za'ẽtẽ ne, irobzépata aba da hã.

Luca 15:13

Ãhã wamhã, ãma ronomro õ ré, te uburé tinhibro hã sima ubumro, darob amo u morĩ da, ino hã. Darob amoi u wisi wamhã, wasété ahâ na te 're mo. Marĩ na si, ma taré tinhibro hã uprosi, imama te te tãma ipo hã.

Luca 15:30

Ãhã na ai'ra hã ma tô wi. Asibro hã tãma ipo hã ma tô pi'õ na si hã uprosi. Tane nherẽ, ma tô wisi wi, dama i'ru, powawẽ ihâipe hã da te tãma 'maiwĩrĩ da.” Ãne te timama ma tinha, idub'rada hã.

Tiagu 4:1

A norĩ wa'wa hã te aimreme na 're asi'wapé za'ra wa'aba mo. Te duré 're asisada'âbâ za'ra wa'aba mo. E marĩ wa. Asimirosa'rata wasété za'ra wa'aba zarina, marĩ zô asi'rep si asima 're rob'ruiwapari za'ra wa'aba mono wa.

1 Zuwã 3:22

Duré, isimiroti hã wa te 're 'madâ'â pese za'ra mono wamhã, te te wama 're i'awẽ mono zéb uwaibaba si 're wahâimana za'ra mono wamhã, wa te tiwi 're irowaptẽrẽ za'ra mono zéb uwaibaba si, te za uburé marĩ hã iwẽ te te wama 're anhomri.

1 Zuwã 5:14

'Re ihâimana u'âsi mono te te wama 're i'awẽ mono zéb uwaibaba si, uburé marĩ na wa te tiwi 're rowaptẽrẽ za'ra mono wamhã, tô sena te za wamreme hã te te 're awapari pese, te te wama ãma 're i'a'uwaimrami mono zéb da hã. Tahawa, wasina wahâtâ'â ãna, wa za 'râwi wapẽ'ẽ 're itẽme 're wasihutu, 'Re ihâimana u'âsi mono u hã.