Tiagu 4:2 - ꞌRe Ihâimana Uꞌâsi Mono Zadawa Wasuꞌu

² A norĩ wa'wa hã ma tô marĩ hã ahâ na asima 're iwẽ za'ra wa'aba mo. Tawamhã uburé asima ãma 're uwaimrami za'ra wa'aba mono õ wa, te za sô 're idanhimroi wa'aba mo, ãma asima 're uwaimrami za'ra wa'aba mono da. Marĩ na te duré 're ida'ruiwapari za'ra wa'aba mo. Tawamhã ãma asima 're uwaimrami za'ra wa'aba mono õ wa, te aimreme na 're asi'wapé za'ra wa'aba mo. Marĩ iwẽ, 'Re ihâimana u'âsi mono wi, a'â 're waptẽrẽ za'ra wa'aba mono õ wa, te te aima 're sõmri za'ra wa'aba mono õ di za, iwẽ hã.

Tiagu 4:2 ပူးပေါင်းရင်းမြစ်များ

Provébiu 1:19

Ãne te za tinhipãrĩ zarina isisimarĩ pese ma hã tiromhâiba: Te za tô 'râwi tihâimanazé hã siwi uprosi.

Zuwã 16:24

Zahadu marĩ hã te aima 're iwẽ za'ra wa'aba mono zéb uwaibaba, Ĩmama wi 're waptẽrẽ za'ra wa'aba mono õ di. Te za oto tiwi 're irowaptẽrẽ za'ra wa'aba mo, te te aima 're sõmri za'ra wa'aba mono da, robzei u'âsi 're anomro aba mono da.

Zuwã 4:10

Tahawa, ma tô Zezusi hã asa tãma tinha, ãne: — 'Re ihâimana u'âsi mono nhoprubzé hã waihu'u 'wa'âhã, duré ĩwaihu'u 'wa'âhã, te aré â hã ĩwi iwaptẽ. Tawamhã â u'â hã wa aré aima tisõ.

Tiagu 1:5

'Re ihâimana u'âsi mono hawi, dahâimanazém na rowaihu'u ré 're aihâimana za'ra wa'aba mono õ wamhã, te za asima tiwi 're irowaptẽrẽ za'ra wa'aba mo, ta hã sõpru uptabi wa. Duré uburé ta hã dama marĩ wẽ nhomri'wa. Ãne wa, tiwi 're irowaptẽrẽ za'ra wa'aba mono zéb uwaibaba, te za te te aima 're sõmri za'ra wa'wa, dahâimanazém na rowaihu iwẽ uptabi hã.

Tiagu 5:6

Ni'wam norĩ hã marĩ hã te te 're 'manharĩ wasété za'ra mono õ nherẽ, ma tô a norĩ wa'wa hã taré dama 're i'ru za'ra wa'aba mo, da te 're simroi mono da. Ta norĩ ma, waihu'u za'ra õ di, 're isisõ'reptu za'ra mono zéb da hã.

1 Zuwã 3:15

Dapãrĩ'wa norĩ ma, 'Re ihâimana u'âsi mono 'rata 're idahâimana u'âsi za'ra mono zé hã tãma 're hâimana za'ra mono õ di. Ãne hã aima waihu'u pese za'ra wa'aba di. Duré ni'wam norĩ hã te te 're da'ruiwapari za'ra mono wamhã, ta norĩ hã dapãrĩ'wa ne, te 'Re ihâimana u'âsi mono ma hã 're hâimana za'ra. Tahawa, wa te 're da'ruiwapari za'ra mono wamhã, 'Re ihâimana u'âsi mono 'rata 're idahâimana u'âsi za'ra mono zé hã wama 're hâimana za'ra mono õ di za, aiwa.