Tiagu 3:9 - ꞌRe Ihâimana Uꞌâsi Mono Zadawa Wasuꞌu

⁹ Wanhoto na wa za uburé Danhib'apito uptabi ãma 're wawata za'ra, duré Wamama ãma hã. Wa za duré wa te da'ãma 're wasété za'ra, wanhoto ihâiba amo na, 'Re ihâimana u'âsi mono hã te te 're wa'apoto mono nherẽ, isine 're wanomro mono da.

Tiagu 3:9 ပူးပေါင်းရင်းမြစ်များ

Zenezi 5:1

à hã rob'ui'éré, Adãhã nhihudu norĩ za'ratazém na. 'Re ihâimana u'âsi mono, a'uwẽ te te apoto mono wamhã, ma tô tisine da hã ab'manha.

Zenezi 9:6

Ĩsine 're dahâimana za'ra mono da, wa tô a'uwẽ hã te apoto. Tahawa, ni'wa te te da'maiwĩrĩ wamhã, te za duré wĩrĩ ni za, aiwab da.

Salmu 10:7

Imreme wasédé hã isadawa 'remhã 'masisi uptabi di, isadawa nhipe hã, duré te te dama 're i'amhâzépa mono zé hã. Ta hã te da'ãma ro'wa'rutu na si, duré marĩ iwasété na si 're mreme u'âsi.

Salmu 16:9

Tahawa, ĩpẽ'ẽ 'remhã ĩma robzei uptabi mono di. Duré ĩma hã rowẽ za'ẽtẽ di. Wa duré ĩsima iwẽ na ĩsina ĩhâtâ'â ãna 're ĩnhamra.

Salmu 34:1

Uburé Danhib'apito ãma, õne u'â wa za bâtâ sidâpâ ãma 're ĩwata u'âsi. Ĩzaihâ na wa za tô te sazâri ãna ãma 're ĩwata u'âsi.

Salmu 51:14

'Re ihâimana u'âsi mono, Ĩnho'reptui'wa, ĩdâ'âzé wi hã ma'ãpé ĩnho'reptu na. Tawamhã ĩto sina, wa za asiminho'reptuzé wasu'u na hã te dama ãma 're rob'mahârâ!

Mateu 26:74

Tawamhã Pedru te asa tãma nharĩ za'ra, ãne: — Mare di. Tane na ĩwaihu'u nherẽ, õ hã ĩma sa'rese õ di. Tô sena te aiwi udâ za'ra wa'aba di pâ, 'Re ihâimana u'âsi mono hã te te ĩ'azâri pé. Tawamhã ãne na dama siwasu'u wi, ma tô si'a hã hârâ watobro, awa'awi.

Mateu 5:44

Tane nherẽ, wa za duré wa hã aimawi aima waihu'u za'ra wa'wa, tô õhõ na rotizém na hã. Ai'ruiwapari'wa norĩ hã te za 're isawi pese za'ra wa'aba mo. Duré te te aima 're irob'manharĩ wasété za'ra wa'aba mono norĩ ãma, te za 're aimreme zusi aba mo, 'Re ihâimana u'âsi mono ma, iwẽ si te te tãma 're apisutu mono da, ta norĩ ma.

Zezusihi zadawa wasuꞌuꞌwa norĩ nhimiromhuri na robꞌuiꞌéré 2:26

Tahawa, ĩto sina, wa 're ĩhâimana, ĩpẽ'ẽ 'remhã. Duré ĩmreme toi u'âsi na, wa 're ĩmreme. Ĩhâiba ré 're ĩmorĩ u'âsi dai õ nherẽ, ĩpahi ãna wa za asô ĩsina 're ĩnhimipari u'âsi.

Roma 3:14

Damreme iwasété uptabi na si te dasi'ãma da te 're wasété za'ra.

1 Corĩtu 11:7

Tane nherẽ, isazei'wa norĩ, siré 're si'rã'õtõ mono ré, aibâ norĩ hã 'rã ubu ré, dasiré 're hâimana za'ra mono õ di za. E marĩ wa. 'Re ihâimana u'âsi mono ne, 're hâimana za'ra mono wa, ta norĩ hã. Tane nherẽ, pi'õ norĩ hã aibâ norĩ zapari 're ihâimana za'ra mono zé hã, pi'õi ma, aibâ ipirezé, te wasu'u.

Éfézu 1:3

'Re ihâimana u'âsi mono hã sõpru uptabi di, Wanhib'apito Zezu Cristuhu mama hã. Ta hã Cristuhu ãma 're wanomro mono wa, ma tô marĩ mono bâ wama ãma 're sõpru, uburé marĩ iwẽ na, hâiwa hawi. Tahawa, wama 're sõprub za'ra mono wa, ãma 're wawata u'âsi za'ra wa'aba mono za.

Tiagu 1:27

Ãne 're hâimana za'ra mono õ di za, 'Re ihâimana u'âsi mono nhimiroti 'madâ'â pese 'wa norĩ hã. Ãne te za ta norĩ hã 're hâimana za'ra. Imama'õ norĩ hã duré ina'õ norĩ hã te za te te 're pawaptob za'ra. Pi'õi mrotõ norĩ zama te za duré te te 're pawaptob za'ra, ropire hã tãma 're hâimana za'ra mono wamhã. Tihâimanazém na te za duré 're sipibui pese za'ra, Wanhib'apito zazei'õ'wa norĩ nhimirosa'rata zarina 're hâimana wasété za'ra mono tõ da. Ãne wamhã, te za Wamama hã te te 're da'awaihu'u, tô sena isimiroti 'madâ'â pese 'wa 're idahâimana za'ra mono na hã.

Tiagu 3:10

Siwazari wazadawa hawip si, te wamreme hã 're wairébé, Wamama ãma 're iwawata za'ra mono zém na hã, duré wa te da'ãma 're iwasété za'ra mono zém na zama. Ĩsisãnawã norĩ, ãne aimreme hã 're 'manharĩ za'ra wa'aba mono õ di za.

1 Pedru 1:3

'Re ihâimana u'âsi mono ãma si oto 're wawata u'âsi za'ra wa'aba mono, Wanhib'apito Zezu Cristuhu mama ãma. E marĩ wa. Ipẽ'ẽzézé hã sa'ẽtẽ na tãma 're hâimana mono wa, ma tô wa'apoto té, wapẽ'ẽ 're, wahâimanazép té iwẽ na si oto ãma 're wahâimana za'ra mono da. Zezu Cristu hã dâ'â uptabi nherẽ, ma tô Imama hã ab're hawi hâiwa'utu, tiwaihu'u pese na. Taha zarina, wa za duré wasina sô 're wanhimipari za'ra, 're wadâ'â za'ra mono pari, te te 're iwa'ahâiwa'utu mono zéb zô.

Zuize 9:27

Tawamhã ta norĩ hã ma tô tinhimirob're za'ra u hã ai'aba'ré. Si'aba'réi wamhã, ma tô uwa 'ru 'rã hã te te siwi 're sinarĩ. Taha pari ma tô duré tipara na te te wati za'ra, iwa'u zô. Tawamhã ma tô duré dato siwi 'manha. Taha pari duré ite za'ra ihâiba'õ 're isa mono zé 'ri u sisisi wamhã, ma tô tisa hã tihu. Ma tô duré simihâri za'ra. Tahawa, ma tô duré Abimelequihi ãma hã wasété za'ra.