Tiagu 3:4 - ꞌRe Ihâimana Uꞌâsi Mono Zadawa Wasuꞌu

⁴ Uba're wasu'u na, te za duré ãma irosa'rata za'ra wa'wa. Uba're hã sa'ẽtẽ nherẽ, te za rowa'u'u za'ẽne hã te te 're simro. Tawamhã iwairĩzé hã surure nherẽ, te za taha na i'mapraba'wa hã te te 're pizari uba're hã, te te sima iwẽzéb uwaibaba, wara da.

Tiagu 3:4 ပူးပေါင်းရင်းမြစ်များ

Zona 1:4

Tane nherẽ, 'Re ihâimana u'âsi mono hã ma tô rob'ru, rowa'u isiptete uptabi ma, sa'ẽtẽ â hã te te sasisi da. Tahawa, te â hã sa'ẽtẽ sisasisi. Sisasisi mono wa, sa'ẽtẽ â hã, simimnhasi di aiwa ãma isipo'o da si, uba're ãma hã.

Mateu 11:27

— Ĩmama ma tô ĩma waihu'u, uburé za 're ihâimana mono zé hã. Ni'wam norĩ hã si'uihâ na te te 're ĩwaihu'u za'ra mono õ di, 're ĩhâimana mono zém na hã. Ĩmama si ma tô ti'ra na ĩwaihu'u pese, 're ĩhâimana mono zém na hã. Duré dasi'uihâ na Ĩmama, da te 're waihu'u za'ra mono õ di za. Ĩwétési wa tô Ĩmama hã waihu'u pese, 're ihâimana mono zém na hã. Te ĩsima 're i'awẽ mono zéb uwaibaba si, wa za ni'wam norĩ ma si te 're awaihu'u, ta norĩ zama Ĩmama hã te te 're waihu'u za'ra mono da, 're ihâimana mono zém na hã.

Mateu 8:24

Tawamhã uba're na si'aba'réi ré, ma tô rowa'u'u za'ẽne hã tiwi tiwatobro za'ra. Â sisasi hã te te iré wabzuri za'ra mono, uba're hã. Tane nherẽ, te Zezusi hã nhono.

Zezusihi zadawa wasuꞌuꞌwa norĩ nhimiromhuri na robꞌuiꞌéré 27:11

Tane nherẽ, da'wapéi'wa norĩ wada'uri'wa hã Pauluhu nhimirowasu'u hã te te saze za'ra õ di. Uba'rene tede'wa norĩ mreme si ma tô siwi saze. Duré i'mapraba'wai mreme si hã ma tô siwi saze.

Tiagu 3:3

Duré marĩ isurure na wa za aima ãma romnhimiré'é za'ra wa'wa. Isi'uwazi nhi'odo hã, wa za awaru zadai'ré 're, wa te 're sé, wa te wasima 're iwẽzé za'ra mono zéb uwaibaba, wa te 're wata pizari za'ra mono da, awaru hã.

Tiagu 3:5

Tane danhoto hã surure nherẽ, te za marĩ hã ihawi te te 're ropé. Wa za duré unhama ro'o wasu'u na aima ãma romnhimiré'é za'ra wa'wa, iro'o surure na. Unhama ro hã surure nherẽ, te te oto 're ropéi mono wamhã, te za marã za'ẽne hã 're sihõmo.