Tiagu 3:12 - ꞌRe Ihâimana Uꞌâsi Mono Zadawa Wasuꞌu

¹² Ma'ãpé duré ãma rosa'rata za'ra wa'aba, rob'rã na. Azeitona 'rã hã e te za ti'rã, aimawi rowede na, figuera wede na. Mare di. Misi haré te za tô ti'rã tiwede hawim na si. E uwa 'ru u, te za podo i'rãi amo hã, figuera na i'rã nhisi hã. Mare di. Taha wazari ipoto da hã mare di. Tane duré â wẽ hã hâimana õ di, â warĩrĩ wazari. Duré siwazari ub're hawi 're wairébé mono õ di, â hã. Tane aimreme hã siwazari 're sani za'ra wa'aba mono õ di za.

Tiagu 3:12 ပူးပေါင်းရင်းမြစ်များ

Mateu 12:33

— Rowede hã wẽ wamhã, te za 're 'rãi wẽ u'âsi za'ra. Rowede hã wasété wamhã, te za duré 're 'rãi wasété u'âsi za'ra. Rowede, 're i'rã za'ra mono zéb zarina te za ãma waihu'u za'ra ni, rowede iwẽ na, duré rowede iwasété na.

Mateu 21:19

Tawamhã figuera wede hã ma tisã, bâdâdi zada'ré isa hã. Figuera na wede nhisi hã. Te te sãmri wamhã, ma tô itẽme apa, te te sabu da, i'rã zô. Tane nherẽ, 'rãi ãna te za, isui ré si. Tahawa, te figuera wede ma, tinha ãne: — Niwa i'ai'rã da hã, mare di za oto. Ai'rã'õ u'âsi, te za oto 're asa mo. Tawamhã awa'awi ma tô oto wede hã tiwede'ré.

Tiagu 3:11

Ma'ãpé â na duré rosa'rata za'ra wa'aba. E siwazari te â wẽ hã ub're hawi 're wairébé, â isei õ me hã. Mare di.