Tiagu 2:6 - ꞌRe Ihâimana Uꞌâsi Mono Zadawa Wasuꞌu

⁶ Tane nherẽ, ma tô a norĩ wa'wa hã isibrob'õ norĩ hã 're ihâiba wazéb'õ za'ra wa'aba mo. Ma'ãpé rosa'rata za'ra wa'aba. E 'wam norĩ hã te bété te te 're aiwati pese za'ra wa'wa. Duré e 'wam norĩ hã ma tô datẽme te te 're asimroi wa'wa, da'ãma rowairébé'wa norĩ u, ipipa na te te ai'ãma 're rowairébé za'ra wa'aba mono da. Isibro pese norĩ si, ma tô ãne na te te aima 're rob'manharĩ wasété za'ra wa'wa.

Tiagu 2:6 ပူးပေါင်းရင်းမြစ်များ

Salmu 10:10

Tawamhã si'wawi 're isimapa waihu'u za'ra mono õ norĩ, da te 're hâiba zu pese za'ra mono wamhã, te za tô ti'ai u hã 're rere'e, iwasété norĩ nhimirob'manharĩ nhiptetezéb zarina.

Salmu 10:14

Tane nherẽ, 'Re ihâimana u'âsi mono, a hã robzépatazé, duré robzei'õzé, 're ab'madâ'â mono wamhã, te õne u'â 're da'apawapto mono da hã asima 're iwẽ mo. Duré ni'wam norĩ, si'wawi 're isimapa waihu'u za'ra mono õ norĩ, te aiwétési te te sina 're ai'umnhasi u'âsi za'ra. Tahawa, marĩ zô tiwi 're iro'wanhi'riti za'ra mono hã te õne u'â 're i'apawaptob u'âsi mo.

Salmu 10:2

Iwasété norĩ hã te 're si'madâ'â ze za'ra. Te duré isimarĩ'õ norĩ ma, te te 're rob'manharĩ wasété za'ra. Iwasété zarina 're isisitob za'ra mono zéb u, 're irere'e mono da si, ibâre hã.

Salmu 10:8

Ta hã, 'ri wa'õtõ 'rata sima'uri sina, te za dazô hã 're simipari, marĩ 'manharĩ wasété õ 'wa norĩ hã te te 're 'mapãrĩ mono da.

Salmu 14:6

Ĩsibrob'õ norĩ te te sima 're irowa'õtõ za'ra mono zé hã te za iwasété norĩ hã te te tiwi 're 'wa'rutu za'ra, te te ãma sima 're uwaimrami za'ra mono tõ da. Tane nherẽ, te Uburé Danhib'apito i'wawib za'ra 're isimapa mono 'wa na hã 're hâimana.

Provébiu 14:31

Ni'wa isimarĩ'õ norĩ ãma te te 're iro'wa'rutu mono hã, Tipoto'wai ãma te te 're iwasété mono zé, te wasu'u. Tane nherẽ, isimarĩ'õ norĩ ma, te te 're i'manharĩ wẽ za'ra mono hã, 'Re ihâimana u'âsi mono hã te te 're iwazéb za'ra mono zé, te wasu'u.

Provébiu 17:5

Ni'wa hã isimarĩ'õ ãma 're wa'ẽi mono wamhã, taha u'âbâ te duré 'Re ihâimana u'âsi mono ipoto'wai ãma hã te te 're wasété. Duré ropipa hã dazô watobro wa, te te da'ãma sima irowẽ hã, tãma rob'manharĩ wasété ãna ihâimana da hã, mare di za.

Provébiu 18:23

Isimarĩ'õ norĩ hã te za wapu na dawi rowaptẽ. Tane nherẽ, isimarĩ pe hã te za timreme tete na hã ãma sada'â.

Provébiu 22:16

Ni'wa, isimarĩ'õ norĩ te te 're iwati pese za'ra mono zarina, 're sisimarĩ pese mono wamhã, niha wamhã, isibro pese norĩ ma, taré ro te te tãma 're sõmri za'ra mono wamhã, te za 're sisimarĩ õ pese za'ra.

Provébiu 22:7

Isibro pese norĩ hã isimarĩ'õ norĩ ma, siptete uptabi di. Duré ni'wa taré ropisutu na rob'uiprazé te te dawi i'mai'âri hã, te za te te tiwi i'âri zapari, wapu na 're hâimana.

Zuwã 8:49

Tawamhã Zezusi asa te duré tãma nharĩ za'ra, ãne: — Mare di. Wa'uburé ré, 're ĩmorĩ õ di. Wa hã ĩmreme wazép sina, wa Ĩmama hã te aima 're wasu'u wẽ za'ra wa'wa. Tazahã a norĩ wa'wa hã asiséb ãna te ãne na hã ĩma inharĩ wasété za'ra wa'wa.

Zezusihi zadawa wasuꞌuꞌwa norĩ nhimiromhuri na robꞌuiꞌéré 13:50

Tane nherẽ, zudeu norĩ hã ma tô tame dama ipire norĩ hã wada'uri wasété za'ra, Paulu norĩ zada hâimana za'ra da. Pi'õ norĩ hã imreme pire norĩ hã, 'Re ihâimana u'âsi mono ãma 're iwata za'ra mono norĩ, zudeu'õ norĩ, ta norĩ zama ma tô wada'uri wasété za'ra, sada hâimana za'ra da. Tawamhã ma tô ãma rowasété zahuré ni, Paulu norĩ ãma, Banabéhé me. Ma tô tãma rob'ru zahuré ni, ta hawi danhipti'a nho'õmo hawi neb zahuré da, danhiti.

Zezusihi zadawa wasuꞌuꞌwa norĩ nhimiromhuri na robꞌuiꞌéré 17:6

Tane nherẽ, oto sô sisisi wamhã, robaba zahuré di, Paulu norĩ hã. Te te sa'rese za'ra õ di. Tahawa, Zasã norĩ hã ma tô Paulu norĩ upana dasiwi waibu ni, isiré isazei'wa norĩ me. Tawamhã dama ipire norĩ nho're u ma tô te te simro. Tawamhã mreme 'rãihâ na te 'mahârâ za'ra, isaprõni'wa norĩ hã, ãne: — Õ hã, aibâ norĩ hã daro mono bâ, 're idahâimana za'ra mono zém na ma tô ãma dawi saprĩ za'ra. Ma tô dawi ro'wa'rutu za'ra. Ãhã na ma tô duré we aimasisi, waza'ru u.

Zezusihi zadawa wasuꞌuꞌwa norĩ nhimiromhuri na robꞌuiꞌéré 18:12

Tawamhã Galiu hã ma tô si'apito, Ataza na danhipti'a nho'õmo nhisi ãma. Romanu norĩ ma, roti'wa zadawa para, ma tô si'apito, tame te te dama 're roti mono da. Tawamhã zudeu norĩ hã ma tô Pauluhu zada si'rã'õtõ. Tahawa, ma tô siwi ti'â, da'ãma rowairébé'wai u.

1 Corĩtu 11:22

E niha. E asõrõwa hã aima 're hâimana za'ra wa'aba mono ã bâ, asapa'abâ asa hã iwa 're ihuri aba mono zéb da hã. Asiré 're asi'rã'õtõ aba mono ré, ãne hã asiwi 're 'manharĩ wasété za'ra wa'aba mono wamhã, asiré 'Re ihâimana u'âsi mono nhib'a'uwẽ, 're i'ruiwapari za'ra wa'aba mono zé, te aima wasu'u za'ra wa'wa. Ãne hã asima 're 'manharĩ wasété za'ra wa'aba mono wa, te duré isimarĩ'õ norĩ hã 're wazéb za'ra wa'aba mono ãna, 're aihâimana za'ra wa'aba mo. Ãne wamhã, e niha wa za ai'ãma waihu'u za'ra wa'wa. E ãne zarina, wa za duré ai'ãma 're ĩwata za'ra wa'wa. Mare uptabi di, ai'ãma 're ĩwata za'ra wa'aba mono da hã.

Tiagu 2:3

Ãté tawamhã i'uza wẽ ré ma, te za tãma i'manharĩ 'wa ãne: “Ãhãta wedeza iwẽ. Ãme asãmra.” Taha pari, te za duré isimarĩ'õ ma i'manharĩ 'wa ãne: “Hâiwim haré asa na.” Niha wamhã, “Ĩpapara asãmra, ti'ai wa.”

Tiagu 5:4

Aiburu na romhuri'wa norĩ hã 're pawa'âbâ za'ra wa'aba mono õ di. Õhõta te aiwapsari za'ra. Hâiwa hawi te za dawapa, amnho ubumroi'wa norĩ 're isiwapsari za'ra mono zé hã 'Re ihâimana u'âsi mono, danhipai u iwaihu'u pe hã.

Tiagu 5:6

Ni'wam norĩ hã marĩ hã te te 're 'manharĩ wasété za'ra mono õ nherẽ, ma tô a norĩ wa'wa hã taré dama 're i'ru za'ra wa'aba mo, da te 're simroi mono da. Ta norĩ ma, waihu'u za'ra õ di, 're isisõ'reptu za'ra mono zéb da hã.