Tiagu 1:10 - ꞌRe Ihâimana Uꞌâsi Mono Zadawa Wasuꞌu

¹⁰ Duré wasiré isazei'wa norĩ hã sibro pese wẽ te, tipẽ'ẽ na te te sima 're rowẽ za'ra mono õ di za. Wanhib'apito zazei'wa 're nomro mono wa, te za tipẽ'ẽ na si 're toi u'âsi za'ra. Duré sibro pese na ta norĩ 're hâimana za'ra mono nherẽ, te za, rom na romnhirãrã 're isimnhatã mono ne, dawi 're hâiba simani za'ra oto.

Tiagu 1:10 ပူးပေါင်းရင်းမြစ်များ

1 Pedru 1:24

Duréihã ma tô ãhã wasu'u na ãma rob'ui'éré, 'Re ihâimana u'âsi mono zadawa 'mahârâ'wa hã. Ãne te rowasu'u: “Du hã 're wapti'i hâ za'ra mono õ ré, te za 're 'ré za'ra. Duré romnhirãrã norĩ hã wẽ nherẽ, te za 're sirãrã a'a za'ra. Tane duré dahâiba hã wẽ nherẽ, te za 're si'utõrĩ su'u.

1 Zuwã 2:17

Ti'ai ãma uburé 're idahâimana wasété za'ra mono zé hã isi'utõrĩzéb u, ãhã na hã te te sina rotété u'âsi, duré uburé marĩ iwasédé hã da te dasima 're i'ruiwapari za'ra mono zama. Zahadu wapsi te za ai'utõ, simisutu. Ni'wam norĩ hã 'Re ihâimana u'âsi mono nhimipisutuzém na si 're hâimana za'ra mono wapsi, ta norĩ si te za 're hâimana u'âsi za'ra, si'utõrĩ ãna.

1 Timotiu 6:17

Ãne te za duré isibrob ahâ norĩ ma 're i'aroti mo, sibrob ahâ wẽ te, 'râwi sina 're wata tõ za'ra mono da. Danhibro hã dama 're hâimana u'âsi za'ra mono õ di za, dama ãma 're irowẽ za'ra mono zéb da hã. Tahawa, tinhibrop si te te 're 'madâ'â za'ra mono õ di za. 'Re ihâimana u'âsi mono zô si, te za 're simnhasi za'ra, taha si, marĩ wẽ na uburé wama 're sõpru mono wa, wama ãma 're irobze za'ra mono zéb da hã.

Mateu 5:3

— Ni'wam norĩ hã 'râwi 're isipawapto waihu'u za'ra mono õ na 're siwaihu'u za'ra mono wamhã, duré 'Re ihâimana u'âsi mono si za ta norĩ hã i'upana te te 're ipawapto wẽ za'ra mono na te te sina 're waihu'u za'ra mono wamhã, ta norĩ si te za rowẽ na 're hâimana za'ra, ãma 're sib'a'uwẽ za'ra mono wa.

1 Corĩtu 7:31

Ti'ai ãma uburé marĩ na 're romhuri za'ra wa'aba mono nherẽ, taha si asima 're wẽ uptabi za'ra wa'aba mono õ di za. E marĩ wa. Uburé marĩ hã ti'ai ãma, da te 're i'madâ'â za'ra mono hã te za dawi 're si'utõrĩ u'âsi za'ra. Tahawa, hâiwa ãma uburé marĩ iwẽ si 're ihâimana za'ra mono zô si, te za sô 're irob'ruiwapari u'âsi za'ra wa'aba mo.

Salmu 103:15

Dahâimanazé hã aiwa du ne hã. Duré dahâimanazé hã aiwa rom na romnhirãrã wede 're iprédub za'ra mono ne hã, duré 're isirãrã wairébé mono ne.

Mateu 6:30

Romnhirãrã hã hâiwi 're simnhatã mono ré, te za du hã iré da te 're wazâri za'ra, unhama da, da te 're ub'rã za'ra mono da. Tahawa, 're simasam hâ mono dai õ nherẽ, ma tô wẽ uptabi na te te 're ab'manharĩ, 'Re ihâimana u'âsi mono hã. E tawamhã, ai'uzazé hã te te aima 're sõmri za'ra wa'aba mono õ di za bété. Te za tô te te aima 're sõmri za'ra wa'wa, du hâimanazéb zawi nhipai u te te 're asawi pese za'ra wa'aba mono wa, a norĩ wa'aba si. E niha Aimama 'wa hã asina 're umnhasi za'ra wa'aba mono õ di, taha si ai'uzazé hã te te aima 're sõmri za'ra wa'aba mono nherẽ.

Filipu 3:8

'Re ihâimana u'âsi mono te te ĩwẽsãmri da, uburé marĩ hã ĩsihawim na te 're i'ab'manharĩ mono zé hã taré uptabi oto ĩma hã. Misi te ipire uptabi hã ĩma 're hâimana oto. Ĩnhib'apito, Cristu Zezusi hã 'râwi te iwaihu'u pese da si, te ĩma 're hâimana oto, taha si. Marĩ zô 're ĩnhimipari mono õ di oto, ta hã ĩma tarére wa. Roprum ne, te ta hã ĩma 're hâimana oto, 're ĩhâimana 'rata mono zé hã. Tahawa, Cristuhu niwĩ ĩhâiba na te isaprĩ wẽ da si, wa 're ĩsi'madâ'â wẽ u'âsi.

Salmu 102:11

'Re ĩhâimana mono zé hã mara da, oto 're irowawã mono ne, te 're hâimana. Duré du 're 'ré za'ra mono wa, 're imre za'ra mono ne, wa 're ĩhâimana.