Salmu 8:3 - ꞌRe Ihâimana Uꞌâsi Mono Zadawa Wasuꞌu

³ Wa hã hâiwa u te a'madâ'â wamhã, asimipoto norĩ hã, a'amo hã, duré wasi norĩ, tite mono bâ 're isimasa mono i'aza'ra hã,

Salmu 8:3 ပူးပေါင်းရင်းမြစ်များ

Zenezi 1:1

Ropoto na'rata hawimhã, 'Re ihâimana u'âsi mono, hâiwa duré uburé marĩ iwa 're isimasa mono da hã, ma tô simisutu ti'ai me hã poto za'ra.

Salmu 104:19

A hã ma tô duré a'amo hã i'manha, rob'ré waihu'uzéb da hã, duré a'ẽ ta'a waihu'uzéb da hã. Duré bâtâ ma hã waihu'u pese di, niha hã 're izasi mono zéb da hã.

Salmu 19:1

Hâiwa na 're isimasa mono hã 'Re ihâimana u'âsi mono waihu'u pese uptabi na 're ihâimana mono zé te wasu'u, duré te te i'aropoto mono zé tinhib'rata na.

Salmu 89:11

Hâiwa ate hã, duré ti'a zama ate hã. Ti'a hã ma tô i'manha. Duré uburé marĩ iwa 're ihâimana za'ra mono da hã, ma tô i'apo.

Ezodu 31:18

Tawamhã 'Re ihâimana u'âsi mono, Mozésihi ma, Sina'i na ẽtẽ nhisi ãma te te nharĩ mono parimhã, ma tô ẽtẽpo hã tãma sõmri zahuré, tinhiptõmo na tinhimiroti na te te ãma tãma irob'ui'éré ré hã.

Ezodu 8:19

Tawamhã marĩ 'manharĩ waihu'u nhipese'wa norĩ, te apito ma nharĩ za'ra ãne: — 'Re ihâimana u'âsi mono nhib'rata hawim na ma tô ãne hã tiromhâiba. Tane nherẽ, apito Fara'o tipẽ'ẽ tete na tihâimana na hã ma tô ãma uzusi, 'Re ihâimana u'âsi mono te te iwaihu'u siromo zéb zarina. Tahawa Mozési norĩ Arãhã me te te tiwi irowaptẽrẽ zahuré zém na hã te te wapari zahuré õ di.

Luca 11:20

Tô sena, wa 'Re ihâimana u'âsi mono zadawa para si, te dama 're anhamra, wa'uburé hã. Taha zarina si, te za oto iwaihu'u za'ra wa'wa, tô sena 'Re ihâimana u'âsi mono, ai'ãma 're isib'a'uwẽ za'ra wa'aba mono zéb da, te te ãma isãna'rata na hã.

Roma 1:20

Duréihã isãna'rata hawimhã, 'Re ihâimana u'âsi mono, ma tô te te ro'apoto, tiwaihu'u pese na. Tiwaihu'u pese na te te ro'apoto mono wa, ta hawim haré te isimiwaihu'u pese zém na, duré tô sena 're ihâimana mono na, da te ãma 're waihu'u pese za'ra, ihâiba hã da te 're 'madâ'â waihu'u za'ra mono õ nherẽ. E marĩ zarina tawamhã, 'Re ihâimana u'âsi mono, 're ihâimana mono na te za tô sena na da te ãma 're waihu'u pese za'ra. 'Re ihâimana u'âsi mono hã uburé marĩ hã te te i'apoto mono hã da te 're i'madâ'â za'ra mono zéb zarina, te oto da te ãma 're waihu'u za'ra, iwaihu'u pese na, duré tô sena õne u'âsi 're ihâimana mono na. Tahawa, tô sena 're hâimana mono nherẽ, da te dasiwi 're udâ waihu'u za'ra mono õ di za, 'Re ihâimana u'âsi mono hã.