Salmu 72:5 - ꞌRe Ihâimana Uꞌâsi Mono Zadawa Wasuꞌu

⁵ Wanhib'apito, bâtâ norĩ, a'amoi me 're neb u'âsi zahuré mono ré, duré danhihudu mono sidâpâsi ta norĩ siré 're i'aihâimana u'âsi mono da si, iwẽ hã.

Salmu 72:5 ပူးပေါင်းရင်းမြစ်များ

Salmu 72:17

Apito nhisi na õne u'â ãma 're idasipo're pu'u za'ra mono da hã si, iwẽ hã. Duré bâdâ te te 're rowa'a mono ré, iwasu'u wẽ hã a'â 're ihâimana mono da si! Duré uburé daro mono bâ a'uwẽ norĩ, apito hâiba u'âbâ iwẽ na si 'Re ihâimana u'âsi mono te te dama 're i'apisutu mono da si. 'Re ihâimana u'âsi mono, apito ma, iwẽ hã te te tãma 're i'apisutu mono da si, te za duré da te 're waptẽrẽ za'ra.

Salmu 72:7

Apito 're sa mono ré, sena na 're inomro wẽ mono norĩ tihâimanazém na te te sina 're ihâimo za'ra mono da si. Duré a'amo, wahup sidâpâsi te te 're irob'uiwẽ hâ u'âsi mono ne, rowẽzé isa'ẽne dama 're ihâimana mono da si!

Salmu 89:29

Taha uirĩ na hã te za isihudu sidâpâsi õne u'â dama 're si'i'rãnho'õmo za'ra. Duré hâiwa 're sa'wari mono ré, te za 're isimi'madâ'â za'ra mono zé hã 're hâimana u'âsi.

Daniéu 2:44

Tawamhã apito norĩ ãne na 're hâimana za'ra mono ré, 'Re ihâimana u'âsi mono hâiwa ãma 're isãmra mono hã te za danhib'ihâ'a nhimi'madâ'âzé niwa za da te ipru waihu'u'õ hã pisutu, aimawi danhib'ihâ'a norĩ te te ãma i'ai'uté za'ra õ hã. Tawamhã ã hã te za aimawi ihâiba amo norĩ danhib'ihâ'a nhimi'madâ'âzé hã uburé pese uprosi pese. Tahawa, te za õhõ si oto 're hâimana u'âsi, pire na apito nhimi'madâ'âzém na hã.

Daniéu 7:14

Ma tô isimiroti pire na 're ihâimana mono zé, duré apito wa, da te ãma 're iwazé mono zé duré te te 're ida'a'madâ'â mono zé hã tãma pisutu ni. Tawamhã dapoto mono bâ, duré daro mono bâ 're idahâimana za'ra mono hã, duré damreme mono bâ 're idamreme zusi mono hã ma tô uburé ãma 're dawata za'ra. Ĩsiptetezé hã isi'utõrĩ waihu'u'õ. Duré te te 're ida'a'madâ'â mono zé isi'utõrĩ waihu'u'õ na.

Daniéu 7:27

Tawamhã ti'ai ãma da'madâ'âzé hã duré danhimiroti nhiptetezé hã te za uburé danhipai u Isiptede 'Re ihâimana u'âsi mono nhib'a'uwẽ ma hã tãma sõmri za'ra ni. Ta norĩ hã te za ti'ai mono bâ uburé pese õne u'â te te 're da'madâ'â za'ra. Tahawa, uburé pese dapoto mono bâ te za tãma 're dahâimana za'ra. Te za duré isimiroti hã uburé da te 're wapari pese za'ra.

Éfézu 3:21

Tahawa, isazei'wai mono bâ Zezu Cristuhu ãma 're iwanomro mono norĩ, Wamama ãma si 're wawata u'âsi za'ra wa'aba mono!

Apocalipsi 11:15

Tawamhã 7 ãma hâiwa ãma romhuri'wa hã ma tô tinhimnhihârâzém na amnhihârâ. Simnhihârâ wi, hâiwa ãma damreme 'rãihâ hã wa tô wapa. Ãne te nharĩ za'ra: — Satanasihi nhimi'madâ, 're danomro mono da, ma tô da te dasima 're wẽ za'ra aré, daro mono bâ. Tane nherẽ, ropâ te za oto 'Re ihâimana u'âsi mono nhimi'madâ'â si 're danomro, Wanhib'apito nhimi'madâ hã. Danho'reptui'wa da, te te ipisutu nhimi'madâ'â zama te za 're dahâimana za'ra oto. Wanhib'apito hã te za tô te te 're da'ab'madâ'â u'âsi oto, õne u'âsi.

1 Samuéu 12:18

Tawamhã Samuéu hã ma tô mre, 'Re ihâimana u'âsi mono ma. Tãma mreme wamhã, tô taha bâtâ na ma tô Wanhib'apito hã tãma rob'ru tãirãrã'ã ma, duré tãi ma hã. Tahawa, ma tô uburé Izaraéu nhihudu norĩ hã tipahi pese za'ra Wanhib'apito ma hã, duré Samuéu ma zama.