Salmu 69:19 - ꞌRe Ihâimana Uꞌâsi Mono Zadawa Wasuꞌu

¹⁹ Aima hã waihu'u pese di, da te ĩ'ãma 're iwasété za'ra mono zé hã, ĩwi 're irowazé mono zé hã, duré 're ĩnhisé mono wa, te 're irobzépata mono zé hã. Uburé ĩnhitob'ru norĩ hã aima hâimanazé waihu'u pese za'ra di.

Salmu 69:19 ပူးပေါင်းရင်းမြစ်များ

Salmu 5:9

Ĩnhitob'ru norĩ nhoto hawi imreme za'ra hã umnhasi õ di, ta norĩ hã da'uprosizém na si te te sima 're rosa'rata u'âsi za'ra mono wa. Isõ're'ré za'ra hã aiwa da'ru sitob ãna 'ridawa haré 're isimi'wara mono ne. Tinhoto na te ta norĩ hã mreme su'u nherẽ, timreme amo na hã te te dama 're robzanhamri za'ra.

Zuwã 8:49

Tawamhã Zezusi asa te duré tãma nharĩ za'ra, ãne: — Mare di. Wa'uburé ré, 're ĩmorĩ õ di. Wa hã ĩmreme wazép sina, wa Ĩmama hã te aima 're wasu'u wẽ za'ra wa'wa. Tazahã a norĩ wa'wa hã asiséb ãna te ãne na hã ĩma inharĩ wasété za'ra wa'wa.

Hebreu 12:2

Dawara na 're dasipibu za'ra mono wa, dawara, da te 're i'rãsutu za'ra mono zéb u si, da te 're i'madâ'â za'ra mono ne, wa za Zezusihi ãma si wa te wasina 're rosa'rata u'âsi za'ra. Ta hã Zezusi hã ma tô isãna'rata hawimhã te te 're wa'apawapto, 'Re ihâimana u'âsi mono si wa te wasina 're umnhasi u'âsi za'ra mono da. Tane te za duré te te 're wa'apawaptob u'âsi, 're iwadâ'â za'ra mono zéb u, õhõ si wa te wasina 're umnhasi u'âsi za'ra mono da, tiwi 're wasipizari za'ra mono ãna. Ta hã Cristu hã sihâiba zawi õ di, wedepo'o nhonhi'rãmi na dazada dâ'â tõ da hã, wedepo'o nhonhi'rãmi hã dazada 're ihâimana wasété za'ra mono norĩ pãrĩzép si nherẽ. Taha wa'rãmi, hâiwa ãma to sina 're ihâimana u'âsi mono zé hã za tãma 're ihâimana mono na, te te sina waihu'u siromo wa, tahawa, sihâiba zawi õ di tô, wedepo'o nhonhi'rãmi na dazada dâ'â tõ da hã. Ãhã na hã 'Re ihâimana u'âsi mono nhimire niwĩ, te oto pire uptabi na 're sãmra, isiré 'râwi te te 're da'ab'madâ'â u'âsi mono da oto.

1 Pedru 2:23

Da te tãma 're nharĩ wasété za'ra mono nherẽ, asa te te dama 're nharĩ wasété mono õ di. Duré da te tãma irob'manharĩ wasété mono na te te robzépata nherẽ, te te dama ropipa õ di asa hã. 'Re ihâimana u'âsi mono ma si, ma tô sisõ, taha si dahâimanazéb zarina da'ãma rowairébé'wai wa, te te ãma dama 're a'upai mono õ wa.