Salmu 69:18 - ꞌRe Ihâimana Uꞌâsi Mono Zadawa Wasuꞌu

¹⁸ We ĩtẽme asina rotété 'râwi, ĩnho'reptu da. Ĩnhitob'ru norĩ hã ĩma ba'a.

Salmu 69:18 ပူးပေါင်းရင်းမြစ်များ

Salmu 10:1

Uburé Danhib'apito, e marĩ wa, te romhâ na 're aihâimana mo. E marĩ wa, ma tô robzépata 'remhã, 're aima'uri mo.

Salmu 22:1

Ĩte 'Re ihâimana u'âsi mono, ĩte 'Re ihâimana u'âsi mono, e marĩ da, ma tô ĩrẽ. E marĩ da, ma tô romhâ na ĩnhiti aihâiba. E marĩ wa, duré ĩpawaptob da, ĩmreme 'rãihâ na te aiwi iwaptẽrẽzém na hã ĩwapari õ di.

Salmu 22:12

Powawẽ iba'õmo ne, ma te ĩnhitob'ru norĩ hã siwi ĩ'uirĩ. Uburé pese te ĩmana wawimhã tihâimana za'ra, Basã na romnhisi ãma powawẽ iba'u isahi 're ihâimana za'ra mono ne hã.

Salmu 22:19

Uburé Danhib'apito, ma'ãpé ĩma ai'ré tõ. Sa'ẽtẽ we ĩtẽme aimorĩ, ĩnho'reptu da.

Salmu 22:20

Sib'ézé 'wa pa wi hã ma'ãpé ĩnho'reptu na. Duré ã hã wapsã norĩ te te siwi ĩwĩrĩ da hã tãma ĩrẽme za'ra tõ.

Zozué 7:9

Cananeu norĩ hã duré uburé ã hã ti'ai 're, 're idahâimana za'ra mono norĩ hã ãne na te te waihu'u za'ra wamhã, te za siwi wa'uirĩ. Duré te za tawamhã uburé siwi wa'uprosi za. Ãne wamhã, e marĩ te za asisi za'ẽtẽ ma ropibu ma hã i'manha.