Salmu 69:13 - ꞌRe Ihâimana Uꞌâsi Mono Zadawa Wasuꞌu

¹³ Tane nherẽ, Uburé Danhib'apito, wa hã wa za aiwi rowaptẽ. 'Re ihâimana u'âsi mono, ma'ãpé te ãma aiwi irowaptẽrẽzém na hã ĩzada'âbâ, nimahã bâdâ asima iwẽ zéb zarina, 're ĩzawi pese uptabi mono wa! Duré ĩnho'reptu na, iropisutuzéb zarina.

Salmu 69:13 ပူးပေါင်းရင်းမြစ်များ

Zenezi 24:27

Ãne te tinha: — Uburé Danhib'apito, Abra'ã ĩnhib'apito te, 'Re ihâimana u'âsi mono hã, iwẽ uptabi. Tô sena ma tô ĩnhib'apito ma, umnhasi sina ãma 're isiwãrĩ wẽ mono na hã tãma 're hâimana. Taha zarina ma tô isisãnawã norĩ nhorõwa u hã awa'awi u'âsi we ĩzaprõni wẽ.

Salmu 32:6

Tahawa, uburé sena na ai'ãma 're inomro mono norĩ hã, ropire sô 're wairébé mono sidâpâsi, aima 're imreme zusi mono da si, ibâre hã. Ãne wamhã, â sisasisi wawẽ 're ipusi mono hã robzépatazé we 're ne mono wamhã, te te 're i'uwe za'ra mono da hã mare di za.

Salmu 51:1

'Re ihâimana u'âsi mono, asimizawizéb zarina, ma'ãpé ĩ'ãma aiwamri na. Duré sa'ẽtẽ na ĩ'ãma aipẽ'ẽzé zarina, ma'ãpé ĩwasédé hã ĩma pari.

Salmu 91:15

Ta norĩ hã te te 're ĩ'mahârâ za'ra mono wamhã, wa za te 're azada'âbâ. Duré ropire 're, 're hâimana za'ra mono ré hã, wa za tô isiré 're ĩhâimana u'âsi za'ra. Ta norĩ te duré 're anho'reptui mono wamhã, dama wazé pese na 're hâimana za'ra mono da hã, wa za niha na te tãma 're ab'manharĩ.

Luca 1:72

Te za tô te te dama 're ab'manharĩ wẽ u'âsi, wahi'rata norĩ ma, te te iropisutuzéb uwaibaba. Tô sena te te tãma iropisutuzé hã, te za te te ãma 're a'uwaimrami u'âsi. Tiwi simani õ di za.

Luca 22:44

Tiwi robzei'õ uptabi nherẽ, ma tô duré mre, Timama ma, mreme 'rãihâ na. Tahawa, ma tô 're su'u a'a, dawapru ne, ti'ai wa.

2 Corĩtu 6:2

Duréihã Izaia hã ma tô 'Re ihâimana u'âsi mono mreme na rob'ui'éré, ãne: “Ai'ãma ĩpẽ'ẽzézéb da, bâdâ te ĩsima ipisutuzém na, wa tô aiwapa. Te i'asõ'reptuzéb da, bâdâ hã iwa waptã'ã wamhã, wa tô aipawapto tô.” Ma'ãpé, ĩwapari pese za'ra wa'aba. Bâdâ ma tô oto iwa waptãrã, 'Re ihâimana u'âsi mono nhimizawi pese zé hã asi'uihâ na asima tiwi waptẽrẽ za'ra wa'aba da, duré te te asõ'reptu za'ra wa'aba da.

Hebreu 5:7

Zezusi hã ti'ai ãma 're morĩ ré hã, ma tô wawa sina Timama ma mre, mreme 'rãihâ na, za te te irobzépatazém na te te pawaptob da. Tawamhã 'Re ihâimana u'âsi mono, Zezusihi mreme te te wapari wamhã, ma tô sima wẽ tô, te te pawaptob da. Zezusi hã uburé marĩ hã Imama te te tãma ipisutuzéb uwaibaba si, te te 're ab'manharĩ mono da, te te sima 're wẽ u'âsi mono wa, ma tô Imama hã sima wẽ, te te pawaptob da. Duré 'Re ihâimana u'âsi mono, niha na hã te te sima wẽ 'wa'âhã, te aré tô tiwaihu'u pese na hã sõ'reptu, dâ'â tõ da.

1 Pedru 2:23

Da te tãma 're nharĩ wasété za'ra mono nherẽ, asa te te dama 're nharĩ wasété mono õ di. Duré da te tãma irob'manharĩ wasété mono na te te robzépata nherẽ, te te dama ropipa õ di asa hã. 'Re ihâimana u'âsi mono ma si, ma tô sisõ, taha si dahâimanazéb zarina da'ãma rowairébé'wai wa, te te ãma dama 're a'upai mono õ wa.

1 Samuéu 25:8

Ma'ãpé asimizama 'madâ'â'wa norĩ sadanharĩ za'ra na, te te aima wawasu'u za'ra da. Dawi hã te we aiwi rowaptẽ, wawaibui wẽ da, datozé bâtâ na we wasi'aba'ré dâ'âsina. Ãne wa, ma'ãpé aima romhuri'wai ma, marĩ wama sõmri za'ra na, duré asiwaihu aima isawi Dawihi ma zama.”