Salmu 5:8 - ꞌRe Ihâimana Uꞌâsi Mono Zadawa Wasuꞌu

⁸ Uburé Danhib'apito, ma'ãpé ate bâdâdi iwẽ na hã 're ĩzaprõni wẽ u'âsi mono, ĩnhitob'ru norĩ ĩzada 're ihâimana za'ra mono norĩ wi. Duré ate bâdâdi hã ma'ãpé ĩma hiri wẽ na, ĩnhowamhã!

Salmu 5:8 ပူးပေါင်းရင်းမြစ်များ

Salmu 119:10

Wa hã wa ĩpẽ'ẽ na niha na ai'ãma si 're ĩmorĩ da hã ĩsima te 're rosa'rata. Ma'ãpé tahawa, ĩwi sawi na, aimreme te rẽme tõ da.

Salmu 119:64

Uburé Danhib'apito, ti'a hã te duré asimizawizéb ré sa'ẽtẽ na 're sa'wari. Tahawa, ma'ãpé asimiroti na ãma ĩma 're rowahutu u'âsi mono.

Provébiu 4:25

Asisõwap si 're rob'madâ'â u'âsi mono, 're irob'umnhasi mono zéb zarina.

Zona 2:5

“Â sisasi hã ma tô ĩhâiba upsibi pese, te te ĩ'mazébré da. Duré wesu ne hã â 're, 're isimasa mono norĩ hã ma tô ĩ'rã zama siwi ubu.

Mateu 3:3

Duréihã Izaia hã ma tô Zuwã Batistaha ãma rob'ui'éré siro, 'Re ihâimana u'âsi mono zadawa 'mahârâ 'rata 'wa hã. Ãne isimi'ui'éré hã: “Ni'wa te te dama 're rob'mahârâ, ãne a'ubuni wi: Bâdâdi hã ma'ãpé asiwi pese aba mono, Wanhib'apito zô. Imana 'rãmi duré ma'ãpé awa'awi bâdâdi sô sa'ra wa'aba mono.”

Hebreu 12:13

Bâdâdi na awa'awi u'âsi 're idanomro mono ne, te za Cristuhu nhirã zarina si awa'awi 're anomro u'âsi aba mo, iwẽ na si. Ãne wamhã, i'rãtẽire hã morĩ wasété na 're imorĩ ne, ni'wam norĩ hã Cristuhu ãma sib'uware na 're ihâimana za'ra mono norĩ hã asine wa'aba, awa'awi u'âsi 're nomro wẽ mono wamhã, ta norĩ hã tiwasété na 're si'marõpãrĩ zahu za'ra mono õ di za oto. Apâ te za ai'ãma 're siptete za'ra wa'wa, isazei uptabi 'wa na 're i'aihâimana za'ra wa'aba mono zém na.