Salmu 5:7 - ꞌRe Ihâimana Uꞌâsi Mono Zadawa Wasuꞌu

⁷ Tane nherẽ, asimizawizé sa'ẽtẽ na aima 're ihâimana mono zarina, asõrõwa u hã ãma ĩzébré waihu'u pese di. Ĩma aiwazéb sina, wa za ĩhi'rãtitõ aima 're ĩsimasisi u'âsi, asõrõwa 'ri iwazéb zahi 'remhã.

Salmu 5:7 ပူးပေါင်းရင်းမြစ်များ

Salmu 132:7

Tawamhã wa tô ãne wasima nharĩ za'ra ni: “Oto Uburé Danhib'apito nhorõwa u hã wasi'aba'réi wa'aba. Oto ãma wawata za'ra wa'aba, isimasisizém nho'remhã.”

Salmu 34:17

Sena na 're ihâimana za'ra mono norĩ, Uburé Danhib'apito te te 're 'mahârâ za'ra mono wamhã, te za imreme hã te te 're awapari. Duré taha zarina te za ropire hawimhã te te 're anho'reptu.

Salmu 51:1

'Re ihâimana u'âsi mono, asimizawizéb zarina, ma'ãpé ĩ'ãma aiwamri na. Duré sa'ẽtẽ na ĩ'ãma aipẽ'ẽzé zarina, ma'ãpé ĩwasédé hã ĩma pari.

Salmu 69:13

Tane nherẽ, Uburé Danhib'apito, wa hã wa za aiwi rowaptẽ. 'Re ihâimana u'âsi mono, ma'ãpé te ãma aiwi irowaptẽrẽzém na hã ĩzada'âbâ, nimahã bâdâ asima iwẽ zéb zarina, 're ĩzawi pese uptabi mono wa! Duré ĩnho'reptu na, iropisutuzéb zarina.

Salmu 69:16

Uburé Danhib'apito, ma'ãpé aiwi ĩnhimirowaptẽrẽzém na hã ĩzada'âbâ, asimizawi pese wẽ uptabi zarina. Duré ĩ'ãma 're aiwamri za'ẽtẽ mono zarina, ma'ãpé ĩzô aipi'ra na.

Provébiu 6:16

7 na marĩ iwasédé, Uburé Danhib'apito ma i'ru, ã norĩ hã: 'râwi 're idasi'madâ'â ze za'ra mono, dazadawa nhipe, danhib'rata na iwẽ pãrĩ, danhimirosa'rata wasété na da te dasima 're irowa'õtõ za'ra mono, marĩ 'manharĩ wasété zéb da, sa'ẽtẽ dapara hã te te 're idanhimroi mono, dazadawa nhipese na dama dawasu'u, duré dasiwaihu'u 'rem nherẽ, dasi'wapé zani'wa.

Daniéu 6:10

Tawamhã apito tinhimirotizém na isisi hâtâzém na te te waihu'u wamhã, ma tô tinhorõwa u apâ hã mo. Hâimo ãma 'ri 're wa'õno ihâimana ãma te nhamra, zanela 'ri zadazâri norĩ Zeruzalẽ nho'õmoi baba ihâimana za'ra ãma. Tawamhã Daniéu ma tô 'ri zadazâri hã sima 'ridawa za'ra. Taha pari ma tô hi'rãtitõ nhamra. Ma tô duré tite 'Re ihâimana u'âsi mono ma hã mre, awẽ sidâpâsi si'ubdatõ na ãma isahu na tãma 're imreme u'âsi mono ne.

Zezusihi zadawa wasuꞌuꞌwa norĩ nhimiromhuri na robꞌuiꞌéré 9:31

Tawamhã isazei'wa norĩ ma, rowẽ di oto, Zudéa ãma, duré Galiléa ãma, duré Samaria ãma zama. Uburé tãma rowẽ za'ra di oto, siré 're isi'rã'õtõ mono norĩ ma hã daro mono bâ. 'Re ihâimana u'âsi mono pẽ'ẽzani nhimipawaptobzém na ma tô isazei'wa norĩ hã 're hâimana nhiptete za'ra. Taha zarina, ma tô duré isazei'wa norĩ za'rada hã sina hâimo. Ta norĩ hã ma tô Wanhib'apito Zezusi hã te te 're wazé pese za'ra.

Hebreu 4:16

Tahawa, wasina 're wahâtâ'â za'ra mono ãna, wa za tô 'râwi wapẽ'ẽ 're, 'Re ihâimana u'âsi mono u 're wasihutu, da'ãma 're siwãrĩ mono da, te te 're ida'ab'madâ'â u'âsi mono u hã. Wa'uburé te te 're wa'wapé za'ra mono ré, wa'ãma 're siwamri mono da, duré wa'ãma 're siwãrĩ mono da, wa za ãhã ré wapẽ'ẽ 're, itẽme 're wasihutu u'âsi, 'Re ihâimana u'âsi mono u hã.

Zozué 24:15

Tane nherẽ, Uburé Danhib'apito ma, 're anomro aba mono da, asima wẽ za'ra wa'aba õ wamhã, ãhã na awa'awi na hã asima pisutu za'ra wa'aba, nimahã ãma si 're anomro aba mono da wamhã. Niha hã wamhã, te za tô asima irowairébé za'ra wa'wa, aihi'rata norĩ hã Mezopotãmia ãma, ihâiba'õ ãma 're iwata za'ra mono ma si 're anomro aba mono da hã, niha wamhã, amoreu norĩ te ihâiba'õ norĩ ma hã, ã hã ti'ai 're, 're ihâimana za'ra mono zéb ãma hã. Tane nherẽ, wa za tô wa norĩ hã wanhorõwa 're, 're iwahâimana za'ra mono norĩ hã Uburé Danhib'apito ãmap si 're wanomro.