Salmu 5:4 - ꞌRe Ihâimana Uꞌâsi Mono Zadawa Wasuꞌu

⁴ 'Re ihâimana u'âsi mono, a hã marĩ iwasété ma, i'atozé hã aima ihâimana õ. Duré marĩ iwasédé asiré 're ihâimana mono da hã tãma 're waprosi mono õ di.

Salmu 5:4 ပူးပေါင်းရင်းမြစ်များ

Salmu 140:13

Aimreme te te 're iwapari pese za'ra mono norĩ hã, te za tô ai'ãma 're wata za'ra, duré i'uwaibaba na 're inomro mono norĩ hã te za apto'o ré hã asõ'remhã 're hâimana za'ra.

Salmu 94:20

A hã, senai'õ na da'ãma rowairébé'wa norĩ hã 're awẽsãmri mono õ di. Ta norĩ hã te senai'õ na roti zarina te te dawi 're rowamnarĩ za'ra ãma.

Zuwã 14:23

Tawamhã Zezusi asa te duré tãma tinha, ãne: — Ni'wam norĩ hã te te 're ĩzawi pese za'ra mono wamhã, te za ĩnhimiroti si te te 're 'madâ'â pese za'ra. Tawamhã Ĩmama, te za duré asa hã te te 're sawi pese za'ra. Wa norĩ hã wa za itẽme 're wasihutu, i'rata 're wahâimana u'âsi za'ra mono da.

Hebreu 12:14

Rowẽ zô te za 're asõpré wa'aba mo, dasiré 're aihâimana za'ra wa'aba mono da. Duré 'Re ihâimana u'âsi mono ma si 're asisõmri u'âsi za'ra wa'aba mono da, te za 're asi'madâ'â pese za'ra wa'aba mo. Ãne hã ni'wam norĩ hã 're hâimana wẽ za'ra mono õ nherẽ, niwamhã Wanhib'apito hã titõmo na te te dame 'madâ'â za'ra õ di za, ta norĩ hã.

2 Pedru 3:13

Ãne za romhâimana wa, hâiwa itéb zô, duré ti'a itéb zô zama, wa za sô 're wanhimipari u'âsi za'ra, tame dawẽ na si 're idahâimana za'ra mono zéb zô. 'Re ihâimana u'âsi mono hã ãne iwẽ na te te dama ropisutu wa, wa za sô 're wanhimipari u'âsi za'ra.

Apocalipsi 21:23

Duré 'ri nho'õmo na hã bâdâ te te 're rob'uiwẽ mono õ di za oto, duré a'amo zama hã. 'Re ihâimana u'âsi mono nhimirowa'a si te za oto te te 're rowa'a, Pone'ẽrebâ nhimirowa'a zama.

Apocalipsi 21:27

Tawamhã marĩ iwasédé hã da te 'mazasi za'ra õ di za. Duré 're idahâimana wasété za'ra mono norĩ hã, duré 're idazadawa nhipese za'ra mono norĩ hã itẽme 're danhisisi waihu'u mono õ di za oto. Ibaihâ na 're idahâimana u'âsi za'ra mono norĩ nhisi 're isimi'wara mono zém na, isisi, 're isimi'wara mono norĩ si, te za itẽme 're sisisi, Pone'ẽrebâ te na isisi ui'éré ré mono norĩ si hã.