Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Salmu 41:1 - ꞌRe Ihâimana Uꞌâsi Mono Zadawa Wasuꞌu

1 Tãma 're rowẽ uptabi za'ra mono di, isimarĩ'õ te te 're ipawaptob za'ra mono norĩ ma hã. E marĩ wa. Ta norĩ hã ropire sô 're wairébé mono wamhã, Uburé Danhib'apito te te 're apawapto mono wa!

အခန်းကိုကြည့်ပါ။ ကော်ပီ




Salmu 41:1
27 ပူးပေါင်းရင်းမြစ်များ  

Isimarĩ'õ norĩ ma, te za duré sõprum na tinhimarĩ hã te te 're anhomri. Õne u'â te za duré isimizawizé hã da'ãma 're hâimana. Ta hã dama pire di, duré dama iwazéb za'ẽne.


Wẽ na 're inomro mono norĩ hã, te tô ropire na te te 're robzépata za'ra. Tane nherẽ, Uburé Danhib'apito, te uburé ropire mono hawimhã te te 're anho'reptu.


Ni'wa tisiré hã te te 're a'ruiwapari mono wamhã, te za tiwasédé hã te te ãma 're ab'manharĩ. Tane nherẽ, ni'wa hã isimarĩ'õ norĩ ma, te te 're 'manharĩ wẽ mono wamhã, te za tô, toi u'âsi na 're hâimana.


Apito 're isiti'rui mono zé hã dama simimnhasi uptabi di, dadâ'â da hã. Tane nherẽ, i'rãiwaihu'u wẽ hã te za te te 're hâimana wahâ, atãma na hã.


Ni'wa isimarĩ'õ ma, te te 're rob'manharĩ wẽ mono wamhã, Uburé Danhib'apito ma, marĩ te te a'â taré tãma isõmri ne hã. Tahawa te za isimi'manharĩ wẽ zé wa'rãmi iwẽ hã tãma tisõ.


Isibrob'õ norĩ hã te ai'rata 're si'ubumroi u'âsi 'wa. Nimahã bâtâ na, asima 're iwẽ za'ra wa'aba mono zéb uwaibaba si, te za 're ipawaptob za'ra wa'aba mo, isimarĩ'õ norĩ hã. Tanei õ di, wa hã. Ai'rata 're ĩnhamra u'âsi aba mono õ di za oto.


Ĩnhimiromhuri pese na wa tô aima ãma asanho za'ra wa'wa, sib'uware na 're ihâimana za'ra mono norĩ hã wanhimiromhuri na wa te ãma 're pawaptob za'ra mono da. Wanhib'apito Zezusihi mreme na te za 're aipo're pu'u u'âsi za'ra wa'aba mo. Ãne ma tô wama waihu'u za'ra: “Dama marĩ nhomri'wai ma, rowẽ uptabi di, dawi marĩ âri'wai ma, irowẽ nhipai u.”


Ãne si ma tô wama waihu'u za'ra, Tiagu norĩ hã, Wanhib'apito zazei'wa norĩ isimarĩ'õ norĩ hã wanhimarĩ na wa te 're pawaptob u'âsi za'ra mono da, 're wapo're simrami za'ra mono ãna. Ãne zô, wa ĩsima te 're rosa'rata u'âsi, iwẽ na si te 're da'apawapto mono da.


Wasiré isazei'wa norĩ, wa za duré aima roti za'ra wa'aba ni. Ni'wam norĩ hã 're wa'a za'ra mono wamhã, te za tãma 're iroti pese za'ra wa'aba mo, simi'ẽ na si'uihâ na te te tô sima 're romhuri za'ra mono da. Duré ni'wam norĩ hã robzei ãna 're hâimana za'ra mono wamhã, te za tô duré 're ipawaptob za'ra wa'aba mo, robzei'õ u'âsi 're nomro mono tõ da. Duré ni'wam norĩ hã, 'Re ihâimana u'âsi mono zadawa wasu'u te te waihu'u za'ra nherẽ, iwẽ na si 're nomro tõ mono da, te te sima 're rosa'rata za'ra mono õ wamhã, te za 're ipawaptob za'ra wa'aba mo. Da'ãma 're aiwa'a za'ra wa'aba mono õ di za. Aiwaimri te za 're aihâimana za'ra wa'aba mo, sada.


'Re ihâimana u'âsi mono hã taré te te dama 're aropisutu mono õ di. I'uwaibaba si te uburé marĩ hã te te dama 're ab'manharĩ, te te dawi ãma 're a'upai mono ãna. Tahawa, tãma 're iromhuri za'ra wa'aba mono zém na hã ãma 're po're si'âri waihu'u mono õ di za. Isib'a'uwẽ norĩ hã tãma 're ipawaptob za'ra wa'aba mono zém na hã, duré tãma 're isawi pese za'ra wa'aba mono zém na hã, ãma po're si'âri waihu'u õ di za. Te za tô ãma 're sipo're pu'u u'âsi, ta norĩ ãma hã.


Nimahã bâtâ na dahâimanazém na te te da'awaihu'u wapsi, da'ãma 're ipẽ'ẽzé za'ra mono õ norĩ ãma, pẽ'ẽzé õ di za, 'Re ihâimana u'âsi mono hã, ti'ab ré da'ãma 're isiwamri za'ra mono õ norĩ ãma hã. Da'ãma 're ipẽ'ẽzé u'âsi za'ra mono norĩ ãma si, te za ãma 're pẽ'ẽzé za'ra.


Da te aima 're rob'manharĩ wasété za'ra wa'aba mono nherẽ, te aima iroti za'ra wa'aba zéb zarina, ĩmreme na si 're anomro aba mono wa, ma tô asina i'uwaimrami za'ra wa'wa, ĩnhimiroti hã. Tahawa, ropsi'utõrĩzéb u, za marĩ ipipa hã iwairébé mono na hã wa za aima ba'a za'ra wa'wa, iwasété norĩ, za te te ida'apibui mono zéb ãma hã, ti'ai ãma daro mono bâ 're idahâimana za'ra mono norĩ hã.


Tawamhã Noẽmi te oto sadanha, ãne: — E ma niwĩmhã ma tô ã bâtâ na amnho 'rã'a'a hã i'awaibui mo. E ma niwĩ te iromhu, duré. 'Re ihâimana u'âsi mono wi, wa za waptẽ, aibâ hã ai'ãma ipẽ'ẽzézé wa'rãmi, iwẽ hã te te tãma pisutu da, rowẽ na 're hâimana mono da. Tawamhã Ruti hã te Noẽmihi ma rowasu'u, Buazi na aibâ nhisi buru ãma te te iromhuri na hã.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ