Salmu 40:3 - ꞌRe Ihâimana Uꞌâsi Mono Zadawa Wasuꞌu

³ Õ hã ma tô duré danho're ité hã ĩma tisõ, wate 'Re ihâimana u'âsi mono ãma danho're na 're idawata za'ra mono zé hã. Ãne hã da te 're 'madâ'â za'ra mono wamhã, te za Uburé Danhib'apito hã da te 're wazéb za'ra. Tawamhã te za oto da te dasina 're umnhasi za'ra.

Salmu 40:3 ပူးပေါင်းရင်းမြစ်များ

Salmu 119:133

Ma'ãpé ĩpara na 're ĩmorĩ ré, 're ĩzaprõni wẽ mono, aimreme zarina. Duré iwasédé siptete na ĩzada 're ihâimana mono ma, 're ĩ'madâ'â rẽme mono tõ.

Salmu 69:3

Ĩnho'reptuzéb zô ĩhârâ wa'a wa, wa ĩnho're'a. Ĩtõmo zadâ'â zahuré di oto, ĩte 'Re ihâimana u'âsi mono, asô 're ĩnhimipari mono zém na ĩnho'reptu da.

Zezusihi zadawa wasuꞌuꞌwa norĩ nhimiromhuri na robꞌuiꞌéré 4:4

Tane nherẽ, da'ahâ na ma tô saze za'ra ni, Zezusihi wasu'uwẽ hã da te iwapari za'ra norĩ hã. Isazei'wa norĩ hã ahâ uptabi di. Aibâ norĩ za'rata si hã 5 miu na ihâiba za'ra na.

Apocalipsi 14:3

Tawamhã 144 miu na ihâiba za'ra norĩ hã te danhib'apito simasisizém nho're asõré, maparane si'uiwa na ropoto na ihâiba norĩ nho'reb zama, duré dama ipire za'ra norĩ nho'reb zama. Tinho're itém na te tinho're za'ra, dama isa'rese'õ na. Ã norĩ si 're idanomro wasété mono zém hawi, 'Re ihâimana u'âsi mono te te iwa'âbâ za'ra norĩ si te te waihu'u pese za'ra di, isõ're hã.