Salmu 4:8 - ꞌRe Ihâimana Uꞌâsi Mono Zadawa Wasuꞌu

⁸ 'Re ĩza'wari mono wa, ĩma rowẽ sina wa 're ĩnhotõ. E marĩ wa. Uburé Danhib'apito, a hã ĩsima iwẽ na 're ĩhâimana mono zéb da hã, ĩma sõmri wa.

Salmu 4:8 ပူးပေါင်းရင်းမြစ်များ

Salmu 16:11

A hã te 're idanomro mono zép té na bâdâdi hã ĩma 're iwasu'u mo. Duré ĩsiré 're i'aihâimana mono zé hã te rowẽ hã te te ĩma 're sa'ẽtẽ. Te duré õne u'â ĩma 're irowẽ mono zé hã te te ĩma 're sani.

Provébiu 3:24

'Re asa'wari mono wamhã, aipahi ãna te za asimiwaptâ ãma hã 're asa'wari mo. Te za duré mara bâre asima iwẽ na aptâ hã 're i'mahâpãrĩ mo.

1 Tesalonita 5:10

Ta hã ma tô wazada tidâ'â za'ra, i'rata 're wasi'ubumroi mono da. Tawamhã apâ wei wazô morĩ wapsi, wahâiba ré 're iwanomro mono norĩ hã, wawana 're idadâ'â za'ra mono norĩ me, wa za i'rata wasiré 're wasi'ubumroi u'âsi.

Apocalipsi 14:13

Tawamhã wa tô duré wapa, hâiwa hawi ni'wai mreme hã. Ãne te ĩma ti'ru: — Ma'ãpé, ãne ãma rob'ui'éré: “Ãhã na te iwaihu'uzém hawi, ni'wam norĩ hã Wanhib'apito ma, te te 're romhuri pese za'ra mono zawéré ré, 're dâ'â za'ra mono wamhã, tãma 're rowẽ uptabi za'ra mono di za.” Tawamhã 'Re ihâimana u'âsi mono pẽ'ẽzani hã ma ãma saze, timreme na. Ãne ma ãma saze: “Tane tô. Tãma 're rowẽ uptabi za'ra mono di za tô. Simi'ẽ na tinhimiromhuri wẽ ré, te za hâiwa u iré 're sisisi. Tahawa, te za oto romhuri na tisiwasudu hã te te 're sahâri za'ra.” Ãne 'Re ihâimana u'âsi mono pẽ'ẽzani te te ãma isazezé hã. Ãne te za ãma irob'ui'é.