Salmu 4:6 - ꞌRe Ihâimana Uꞌâsi Mono Zadawa Wasuꞌu

⁶ Da'ahâ uptabi na te ãne 're damreme zusi: “E 'wa hã te za iwẽ hã te te wama 're anhomri. Tahawa, Uburé Danhib'apito, ma'ãpé iwẽ hã wa'ãma 're a'madâ'â mono.”

Salmu 4:6 ပူးပေါင်းရင်းမြစ်များ

Salmu 119:135

Ma'ãpé aima romhuri'wai ãma, iwẽ si ĩ'ãma 're ab'manharĩ mono. Duré ma'ãpé asimiroti na ãma ĩma 're rowahutu mono.

Salmu 44:3

Wahi'rata norĩ hã sib'ézé i'wa pa nai õ di, ti'a te te siwi dawi i'âri hã. Duré tinhiptete nai õ di, te te da'ãma i'ai'uté za'ra hã. Ta norĩ hã aiwaihu'u pese na si, duré asiptete na si duré ai'ãma rowa'a na si ma tô da'ãma ai'uté za'ra. Ãne zarina, ma tô a hã asimizawizé hã ãma ihâi'ré za'ra.

Salmu 89:15

Tinho're na ai'ãma 're iwata za'ra mono norĩ hã te za robze sina toi u'âsi 're nomro, ate rowa'a na si 're ihâimana za'ra mono norĩ hã!

Luca 12:19

Taha parip si, wa za ĩsima tinha, ãne: ‘Ãhã na ĩma rowẽ di. Marĩ hã ahâ na, te ĩza daba'wara, iwẽ hã. Ĩwi iropsi'utõrĩ da hã, mare di. Wahub ahâ na, te za ĩ'ãma tiwahu, ĩsa hã ĩma 're hâimana mono ré hã. Wa za oto 're ĩwa'utu u'âsi. Ãté, te 're romhuri mono õ di za oto. Ãté ãhã na si, wa za oto 're ĩsa. Wa za duré te 're zâsi u'âsi. Marĩ na, wa za 're ĩto, ĩtozém na.’ ” Ãne te aibâ hã sima rosa'rata.

Luca 16:19

Tawamhã Zezusi hã te duré tãma rowasu'u za'ra, farizeu norĩ ma, ãne: — Aibâ hã te 're mo, isibro pe hã. Zazahâ iwa'âbâ za'ẽtẽ na si, te 're si'uza. Duré dasa iwẽ uptabi na si, te 're sa.

Tiagu 4:13

Ma'ãpé ĩwapari pese za'ra wa'aba. Ãté ãne te za asisõwa wa'aba, dama 're asiwasu'u za'ra wa'aba mo: “Ãté ãhã na 'ri ahâ u wa za ai'aba'ré ni, niha wamhã awẽ. Tame te za misi wa'ãma tiwahu, rob'uiprazéb zô wa te romhuri za'ra ré, wa te wasima sa'ẽtẽ za'ra da, rob'uiprazé hã.” Ãté ãne te za dama 're asiwasu'u za'ra wa'aba mo. E awẽmhã niha ai'ãma iromhâimana za'ra wa'aba zé hã aima waihu'u pese za'ra wa'aba bâ, te za ãne dama 're asiwasu'u za'ra wa'aba mo. Aihâimana za'ra wa'aba zé hã aiwa romnhizédé ne. Romnhizé hã 're hâimana za'ra mono wamhã, te za awa'awi 're si'utõrĩ. Tane 're aihâimana za'ra wa'aba mono zé hã, aiwa romnhizédé ne te za aiwi 're si'utõrĩ su'u za'ra wa'wa.