Salmu 4:2 - ꞌRe Ihâimana Uꞌâsi Mono Zadawa Wasuꞌu

² Aibâ dama aipire aba norĩ, e niwa te za ĩ'ãma iwasété za'ra wa'aba zém na hã ãma irosahâri za'ra wa'wa. Duré e momo te za marĩre tarére hã 're isawi waibui wa'aba mono zé hã i'rãsutu za'ra wa'wa. E niwa te za duré senai'õ zarina 're i'anomro aba mono zém na hã ãma irosahâri za'ra wa'wa.

Salmu 4:2 ပူးပေါင်းရင်းမြစ်များ

Salmu 14:6

Ĩsibrob'õ norĩ te te sima 're irowa'õtõ za'ra mono zé hã te za iwasété norĩ hã te te tiwi 're 'wa'rutu za'ra, te te ãma sima 're uwaimrami za'ra mono tõ da. Tane nherẽ, te Uburé Danhib'apito i'wawib za'ra 're isimapa mono 'wa na hã 're hâimana.

Salmu 2:1

E marĩ da, te a'uwẽ norĩ, 'Re ihâimana u'âsi mono na rosa'rada hã te te sima 're 'manharĩ wasété za'ra. E marĩ da, te simiza'rese ãna tarére na rosa'rada hã te te sima 're 'manharĩ za'ra.

Salmu 5:6

A hã isadawa nhipese norĩ hã te 're i'anho'remhâri mo. Te duré isipãrĩ ze norĩ hã, senai õ na 're ihâimana za'ra mono norĩ me 're i'awẽ'õ pese mo.

Salmu 72:2

sena na dama i'rãnho'õmo na asib'a'uwẽ norĩ te te ãma 're ab'madâ'â wẽ mono da, duré da te 're iwati za'ra mono norĩ, sena na i'uwaibaba na te te tãma ãma 're arowairébé mono da.

Ezodu 10:3

Tawamhã Mozési norĩ, Arãhã me, Ezitu te apito u neb zahuré wamhã, ma tô ãne tãma rowasu'u zahuré: — Uburé Danhib'apito, hebreu norĩ te 'Re ihâimana u'âsi mono, te we ãne aima tinha: “E momo te za aiwapu na aihâimana da, asima iwẽ'õzé aihâimana na ãma i'uzusi mono zé ĩnho'remhã ti'rãsutu. E niwa te za ĩma aiwairo. Tahawa te za oto ãhã na ĩnhib'a'uwẽ norĩ ma iwaprosi za'ra, ate ti'ai wa'õtõ nho'õmo hawi wairébé da, ĩ'ãma si oto 're wata za'ra mono hâ.

Provébiu 1:22

— Isimiza'rese'õ norĩ! E momo te za i'rãsutu za'ra wa'wa, asimiza'rese'õ na 're i'aihâimana za'ra wa'aba mono zé hã. E niwa te za rowaihu iwẽ na aiwa'ẽ ze zé hã iwaihu'u za'ra wa'wa. E niwamhã bété ãne na hã asiwaihu'u za'ra wa'aba õ di.

Zona 2:8

“Romhâibarĩ hã marĩ dai õ nherẽ, ãma 're iwata za'ra mono norĩ hã ma tô airẽme za'ra, ai'ãma tinhimizaze za'ra zém na hã.

Zezusihi zadawa wasuꞌuꞌwa norĩ nhimiromhuri na robꞌuiꞌéré 24:9

Tawamhã zudeu norĩ, tame isimasam norĩ hã te duré sadawa waptob za'ra, iwasu'u hã tô sena na.

1 Corĩtu 1:31

Tahawa, wa norĩ hã isazei'wa oto 're wanomro mono wa, wato sina 're iwahâimana za'ra mono zém na dama 're wasiwasu'u za'ra mono wamhã, Wanhib'apito nhimipawaptobzém na si, wa za tô dama 're wasiwasu'u wẽ za'ra, wato sina 're iwahâimana za'ra mono na hã. Duréihã 'Re ihâimana u'âsi mono zadawa 'mahârâ'wa hã ma tô ãne na ãma rob'ui'éré: “Ni'wam norĩ hã to sina oto 're hâimana za'ra mono wamhã, Wanhib'apito te te 're ipawaptob za'ra mono zém na si, te za tô dama 're siwasu'u wẽ za'ra, to sina oto 're ihâimana za'ra mono zém na hã.”

Éfézu 4:25

Tahawa, dama 're asadawa nhipese za'ra wa'aba mono õ di za oto. Aihâiba mono bâ te za tô sena na si asima 're irowasu'u za'ra wa'aba mo.

1 Samuéu 12:21

Ihâiba'õ norĩ ãma 're anomro aba mono õ di za, 'Re ihâimana u'âsi mono upana ãma 're idawata za'ra mono norĩ ãma hã. Ta norĩ hã simipawapto waihu'u õ di, duré te te asõ'reptu za'ra wa'aba dai õ di. E marĩ wa. Ta norĩ hã sena na hã 're hâimana za'ra mono õ wa.