Salmu 4:1 - ꞌRe Ihâimana Uꞌâsi Mono Zadawa Wasuꞌu

¹ 'Re ihâimana u'âsi mono, ĩ'wawi 're i'aimapa mono, ma'ãpé te ãma i'ai'mahârâzém na we ĩzada'âbâ! Ropire na ĩhâimanazém na, we ĩpawapto na. Duré ĩ'ãma aiwamri wamhã, ma'ãpé ãma aima ĩmremezé hã wapari!

Salmu 4:1 ပူးပေါင်းရင်းမြစ်များ

Salmu 119:132

Ma'ãpé we ĩzô aipi'ra na apâ ĩ'madâ'â da, ĩ'ãma aiwamri da, te te 're i'asawi pese za'ra mono norĩ ma, 're i'manharĩ u'âsi mono ne.

Salmu 22:1

Ĩte 'Re ihâimana u'âsi mono, ĩte 'Re ihâimana u'âsi mono, e marĩ da, ma tô ĩrẽ. E marĩ da, ma tô romhâ na ĩnhiti aihâiba. E marĩ wa, duré ĩpawaptob da, ĩmreme 'rãihâ na te aiwi iwaptẽrẽzém na hã ĩwapari õ di.

Salmu 24:5

Ta norĩ ma si te za tô Uburé Danhib'apito iwẽ hã te te tãma 're apisutu. Te za duré te te 're anho'reptu, wasété õ na te te 're i'awaihu'u mono zéb zarina.

Salmu 41:12

Te za duré 're ĩpawaptob u'âsi mo, i'uwaibaba na si marĩ te 're ab'manharĩ mono wa. Duré õne u'â asõ'remhã te za 're ĩnhimizusi mo.

Salmu 45:1

Damreme iwẽ hã te ĩpẽ hã te te sina 're sito, apito wasu'u wẽ na ĩnho're na te ãma romnhihâtâ ré hã. Ĩnhoto hã romnhihâtâ 'wa iwẽ te rowawizém ne hã te ĩma tihâiba.

1 Corĩtu 1:30

'Re ihâimana u'âsi mono nhimipisutuzéb zarina si, te oto Cristu Zezusihi ãma 're anomro aba mo. Cristuhu ãma si oto 're anomro aba mono wa, te tinhimirowaihu iwẽ hã te te aima 're waihu'u u'âsi za'ra wa'wa. Cristuhu dâ'âzém na si, ma tô 'Re ihâimana u'âsi mono hã te te 're wa'awẽsãmri, wawasédé hã te te oto wa'ãma 're i'ab'madâ'â mono õ zarina. Taha zarina si, ma tô duré te te 're wa'apisutu, isib'a'uwẽ si oto tãma 're wahâimana wẽ za'ra mono da. Taha zarina si, ma tô duré wawasété hawi wa'anho'reptu, sitẽme te te 're wa'awaibui mono da.

2 Corĩtu 1:10

Ta hã ma tô wanho'reptu tô, wadâ'âzém hawi, wa te wasina romnhimimnhasi uptabi nherẽ. Taha zarina, te za te te 're wanho'reptu duré, wazada 're iromhâimana wasété mono zém hawimhã. Tahawa, wama umnhasi uptabi di, 'Re ihâimana u'âsi mono hã te te 're iwanho'reptui mono da hã.

2 Corĩtu 1:8

Wasisãnawã norĩ, wa duré wasima wẽ ni, wa te ãma aipo're pu'u za'ra wa'aba da, Azia na danhipti'a nho'õmo nhisi ãma wahâimana ré, rowasédé hã wazada ihâimanazém na hã. Tame, wa te robzépata za'ẽtẽ uptabi wa, wa tô aré wasina rosa'rata ni, za wadâ'â da newa oto.

1 Samuéu 17:37

Wanhib'apito 'Re ihâimana u'âsi mono hã ma tô nasi ĩnho'reptu, hu'u zérépa wi, duré ursu wi. Tane te za duré ĩnho'reptu, ã hã filisteu te 'wapéi wamhã. Tawamhã Sau ma tô ãma sada'â ãne: — Wẽ di tô. Aimorĩ. 'Re ihâimana u'âsi mono si asiré hâimana da hã wẽ di, ĩma hã.