Salmu 22:4 - ꞌRe Ihâimana Uꞌâsi Mono Zadawa Wasuꞌu

⁴ Wahi'rata norĩ hã ma tô sina te te 're ai'umnhasi za'ra. Te te sina 're ai'umnhasi za'ra mono wa, ma tô 're i'anho'reptui mo.

Salmu 22:4 ပူးပေါင်းရင်းမြစ်များ

Zenezi 15:6

Tawamhã Abrã, Uburé Danhib'apito te te tãma iwaihu'uzém na ma tô sina mreme umnhasi oto. Tahawa Uburé Danhib'apito, ma tô duré wẽsã, te te sina wawãi õ wa oto.

Zenezi 32:28

Tawamhã te duré tãma tinha ãne: — Asisi õ di za oto, Zaco na. 'Re ihâimana u'âsi mono ma tô i'wapé. Duré aibâ norĩ zama ma tô i'wapé za'ra. Tahawa, ma tô ãma i'ai'uté za'ra. Ãhã wa, asisi hã za oto Izaraéu na.

Ezodu 14:31

Tawamhã Izaraéu nhihudu norĩ hã Uburé Danhib'apito tiwaihu'u pese na ezipsiu norĩ ãma te te i'ai'uté za'ra zé te te 'madâ'â za'ra wamhã, ma tô ãma itob'uzu za'ra zéb zarina oto wazéb za'ra. Tahawa, ma tô Uburé Danhib'apito hã oto siwi umnhasi. Duré tãma romhuri'wa Mozésihi zama te oto umnhasi na hã tãma tihâimana za'ra.